Жаңыл Балтабаева: Паралимпиададан олжалы оралсам, аналарға үлкен сыйым сол...

Өр намыс, қайсар мінез қашаннан да қазақ қыздарына тән қасиет. Бұл тұрғыда бір ғана Әлия мен Мәншүкті алға тартсақ жеткілікті. Осынау бейбіт заманда білек пен жүрек күшін қатар ұштастырып, байрақты бәсекелерде ел мерейін үстем етіп жүрген Назым Қызайбай, Әлия Юсупова кешегі қаһарман әкпелерінің заңды жалғасы емес деп кім айта алады. Солардың бірі – Оңтүстік Кореяның Пхенчхан қаласында өтіп жатқан паралимпия ойындарына ел намысын арқалап кеткен алты спортшының ішіндегі жалғыз нәзікжанды, шаңғымен сырғанаушы Жаңыл БАЛТАБАЕВА.

Егемен Қазақстан
08.03.2018 18441
2

Бірер күн бұрын паралимпиадашыларды Пхенчханға шығарып салу рәсімінде Жаңылға бірер сұрақ қоюдың сәті түскен еді.

– Жаңыл бүгінге дейін жеткен же­тіс­тіктерің аз емес. Бірнеше дүркін ел чемпионы атанып, халықаралық жа­рыс­тар­да, Азия біріншілігінде жақсы нәти­же­мен көріндің. Төрт жыл бұрын Сочиде өткен паралимпиада ойындары­на да қа­тыс­қаныңды білеміз.Дайындығың қалай?

 – Иә, талай жарыстарда бағымды сынадым. Сегіз бірдей әлем кубогы бәйгесіне қатыстым. Өзіңіз айтқандай, көптеген бәсекеде табысты өнер көрсеттім. Дегенмен, Сочиде өткен пар­алимпия ойындарында бес шақырымдық жекелеген жарыс жолында небәрі 23-орынға табан тіреген едім. Одан бері төрт жыл уақыт өтті. Тәжірибем толысып, тыңғылықты жаттығу жасадым. Пхенчханға физикалық жағынан да, рухани тұрғыдан да дайынмын десем болады. Аталған паралимпия ойындарында ел намысын қорғайтын жалғыз қыз болғандықтан иығымдағы жүктің салмағы жеңіл емес екенін жақсы сезінем. Маған артылған сенім үдесінен шығып, жарыста бар мүмкіндігімді көрсетем деген ойдамын.

 – Жауапты сәттерде саған жігер сыйлайтын не нәрсе?

 – Жарыс жолына шыққанда немесе кез келген жауапты сәтте мені алдымен қанаттандыратын өзімнің анам. Ол кісі маған жарық әлемді сыйлады. Қаршадай күнімнен бар ауыртпалығымды көтеріп, денені дендеген дертті де, әрбір қиындықты да, бәрін-бәрін жеңіп шығуға болатынын үйретті. «Ең бастысы, қандай қиындыққа да мойыма. Соңына дейін күресе біл. Мықты бол!» деп үнемі айтып отырады. Әр жеңісіме қуанады. Бүкіл жер бетіндегі жылылық анамның құлыным деп басымнан сипаған аялы алақанынан, мейірлене қараған жүзінен тарайтын сияқты. Сол мейірім, сол жылылық мені барлық жеңістерге жетелейді.

 – Білуімізше, сен шаңғымен сыр­ғанаудан бөлек су спортымен, сондай-ақ жеңіл атлетикамен айналысасың. Бірнеше спорт түрімен қатар айналысу қиындық тудырмай ма?

 – Оныңыз рас. Жүзуден төрт дүркін ел чемпионы атандым. Жеңіл атлетика спартакиадасында екі мәрте топ жарып, су спорты спартакиадасында қола жүлдеге қол жеткіздім. Әрине бір спорт түрімен тұрақты түрде айналысқан дұрыс. Бұл нәтиженің кілті. Әр спорттың қыр-сырын, өзіне тән ерекшелігін бүкіл болмысыңмен, жан дүниеңмен сезінбей, тынымсыз тер төкпей жеңіске жетем деу бекер. Спорт менің өмірімнің мәні. Бар қиындықты ұмыттыратын жан серігім. Жаным мен тәнімнің емшісі. Бірнеше спорт түрін қатар алып жүру менің мүмкіндігімді шектемейді. Дегенмен, паралимпия ойындарында ел байрағын көкке көтеру менің ең үлкен армандарымның бірі. Сондықтан соңғы жылдары паралимпиадаға дайындық барысында шаңғы спортына көбірек көңіл бөлдім.

 – Суда жүзуден жас спортшыларды жаттықтыратыныңды білеміз. Одан бөлек бос уақытыңды немен өткізесің?

 – Адамның сыртқы сауыты мен ішкі байлығы, білімі сай болуы керек деп есептеймін. Спортты жаныма серік ете жүріп екі бірдей жоғары оқу орнын бітірдім. Өткен жылы ғана «Шаңғымен сырғанау және биатлон» мамандығы бойынша магистратураны аяқтадым. Қолым қалт ете қалғанда, әдеби шығармалар оқып, танымдық бағыттағы кинофильм­дер тамашалаймын. Сол арқылы өзімді ру­хани байытып отырамын. Ал негізгі уа­қытым спорттың айналасында өтеді.

 – Жаңа бір сөзіңде жер бетіндегі барлық жылылық ананың алақа­ны­нан тарайды деген едің. Халықаралық әйелдер күні мерекесінде газетіміз арқылы аналар мен қыздарға қандай тілек білдіресің?

 – «Егемен Қазақстан» газетінің барша нәзікжанды оқырмандарын шуақты мерекемен шын көңілмен құттықтаймын! Ақ жаулықты әжелеріміз бен аналарымыз аман болсын! Барша қыз-келіншектерімізге жақсы ұрпақ тәрбиелеп, ана бақытын сезінуді нәсіп етсін. Алла бұйыртып, пар­алимпия ойындарынан олжалы оралып жатсам анама ғана емес өзіме, барша арулар қауымына, туған еліме жасаған ең үлкен сыйым сол болар.

 – Әңгімеңе рахмет.  

 Әңгімелескен

 Арман ОКТЯБРЬ,
«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Қ.Тоқаев Мюнхен конференциясына қатысты

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу