Биыл шағын несиелеудің көлемі 20 млрд теңгеге ұлғайды

Жуырда «ҚазАгро» Ұлттық басқарушы холдингі құрамындағы «Ауыл шаруашылығын қаржылай қолдау қорының» баспасөз қызметі өткізген тур бағдарламасына орай Ақсу қаласындағы Айнакөл ауылына сапар шектік. Бұл қор мамандандырылған қаржы-несиелік ұйым болып табылады. Мақсаты – ауыл шаруашылығының басымды салаларында шағын бизнесті дамыту. Биыл бұл компания «Нәтижелі жұмыспен қамтуды және жаппай кәсіпкерлікті дамыту бағдарламасы» аясында ауыл халқы мен ауылшаруашылық тауарларын өндірушілерге шағын несие беруді бастаған-ды.

Егемен Қазақстан
13.06.2018 657
2

Мемлекет басшысының бес әлеуметтік бастамасына сәй­кес, биыл шағын несиелеудің көлемі 20 млрд теңгеге ұлғайды. Кәсіп­керлерге осы жылы 62 млрд теңге беріледі. 

Ауыл шаруашылығын қаржылай қолдау қоры «Нәтижелі жұмыспен қамтуды және жаппай кәсіпкерлікті дамыту» бағдарламасының шең­берінде ауылға шағын несие беретін уәкі­летті ұйым болып табылады. Несие­лер өз бизнесін ашуға немесе кеңей­туге беріледі. Жобаның мақ­сат­ты бағытталуына байланысты қарыз­дың мерзiмi, сомасы, жеңіл­де­тілген мерзімі өзгерiп тұрады. Мал шаруа­шылығына арналған жобалар­дың талаптары бар. Мәселен, қарыз алушының сатып алынатын және қолдағы өз малын ұстауға қажетті инфрақұрылымы болғаны жөн. 

Лебяжі ауданында орналасқан «Жұлдыз» шаруа қожалығының басшысы Қуанышбек Түсіпов мал шаруашылығымен айналысады. Бүгінде шаруашылығында 60-тан астам ірі қара мал өсіріп отыр. Мем­ле­кет­тің жеңілдетілген несиелері тура­лы қор мамандарының аудан тұр­ғын­дарымен өткізген кездесуінде есті­ген ол табынын өсіруге бел байлап, несие алуға бекініпті. Сөйтіп «Биз­нес Бастау» курстарынан өтіп, тиіс­ті құжаттарды жинап, қордың қар­­жы­­ландыру туралы шешіміне ие бола­ды. Несие алу туралы келісім­шарт­­қа қол қойған кәсіпкердің шотына бү­гінде несиелік қаржы аударылып та қойыпты. 

– Екі айға жетер-жетпес уақытта несиеге қол жеткіздім. Енді 4 миллион теңгеге 16 мал басын сатып ала­мын. Шарттары өте тиімді: мер­зімі ұзақ, ал пайызы төмен. Бір жыл – же­ңілдетілген мерзім. Бұл уақыт­тың ішінде сатып алынған малды өсіріп, сатып, біраз пайда табуға болады. Кепілге үйімді қойдым. Жа­қын болашақта тағы бір несие алып, ет бағытындағы шетелдік асыл тұ­қым­ды мал басын сатып алсам деген жоспарым бар, – дейді Қуанышбек.

Қор мамандарының айтуларына қарағанда, биыл «Нәтижелі жұмыспен қамту бағдарламасы» аясында берілетін несиенің сомасы – 4 миллион теңгеге дейін жетеді екен. Жылдық үстеме мөлшері – 6 пайыз, мерзімі 7 жылға дейінгі ара­лық­ты қамтиды. Мұндай шарттар өз биз­несін ашамын және кеңей­темін деген ауыл тұрғындарына өте тиімді. Соның арқасында өзін-өзі жұ­мыс­пен қамтыған азамат­тар фермерлік шаруашылық ашып, жұ­мыстарын жалғастыруда. Бағдар­ла­ма аясында бөлінген қаржы «Игілік», «Кәсіпкер», «Егінжай», басқа да несиелік өнімдер бойынша облыс­тағы ауыл тұрғындары мен шаруа қожалықтарына бөлінеді. 

– Өткен жылы қордың облыстық филиалы барлығы 2 млрд теңгені құрайтын 480 несие берді. Оның ішінде «Нәтижелі жұмыспен қамту бағдарламасы» аясында және «Жұмыспен қамту жол картасы» бойынша қайтарылған қаржыға 543 миллион теңгенің 157 шағын несиесі берілді. Биыл шағын несиелеу көлемінің өскенін ескерсек, облыс тұрғындарына – 1,6 млрд теңге, оның ішінде бағдарлама аясында 700 миллион теңге бөлінеді, – дейді «Ауыл шаруашылығын қаржылай қолдау қоры» АҚ облыстық филиалының директоры Сайра Ықыласова. 

Ал облыстық ауыл шаруашылығы басқармасының бөлім бастығы Нұралы Қабиевтің айтуынша, бағ­дарлама арқылы облыс бойынша жалпы 1,8 млрд теңге шағын несиелеуге бағытталады. 

Алғабас ауылдық аумағына қарас­ты Айнакөл ауылының маңайы жап-жасыл, салқын ауа, еркін тыныс­пен демаласың. Осындай таби­ғатымен тамылжыған аймақ малға жайлы жайлаумын деп тұрғандай-ақ. Бұл ауылда орналасқан «Атамұра-Павлодар» ЖШС да қордан несие алушылардың бірі. Шаруашылықтың кең аумақты алып жатқан алаңында жаңадан қо­ра­жай кешендері, тұрмыстық тұр­ғын үйлер салыныпты. Тағы бір ерек­ше­лігі, ауыл облыс орталы­ғына да, Ақсу қаласына да жақын орна­ласқан. 

«Атамұра-Павлодар» сүт бағы­тын­дағы мал шаруашылығын дамытып келе жатыр. Өткен жылы қордан «Ырыс» бағдарламасы бойынша жеңілдетілген несие алып, тауар­лы-сүт фермасына ірі қараның 100 ана­­лық басын, қажетті техника мен құрал­­дарды сатып алыпты. Қазір фер­­маның жұмысы жолға қойылып, өндіретін өнімін сүт өңдеуші зауыт­тарға уақтылы жеткізуде.

– Биыл асыл тұқымды малдан алғаш­қы төлдерді алдық. Қолымызға ерте берілген несиенің тиімділігі осы. Енді сүт өндіруге арналған желі­ні фер­маға орнатамыз. Ал қажет­ті қар­жыны тағы да осы «Ауыл ша­руа­шы­лығын қолдау қорынан» ала­мыз деп үміттеніп отырмыз, – дейді шаруа­шылық басшысы Асқар Бимағанов. 

 Серіктестіктің егістік, шабындық, жайылымдық жерлері бар. Ауыл­дар­дан келген 15 адам фермада ең­бек етуде. Шаруашылық ет және сүт бағытындағы малдардың санын көбей­тіп келеді. Екі мал кешенінде сиыр сауу орындары, мал төлдету орны, астық қоймасы бар. Қажетті көлік, тракторлар, тіркемелер, шал­ғы­лар, стогомет, тырнауыштармен қамтамасыз етілген. 500-дей мүйізді ірі қара, 100-дей жылқы және ұсақ мүйізді мал ұстайды. Осы жылдың бес айында серіктестік 80 тонна сүт, 27 тонна ет өндіріпті. Сөз жоқ, жақсы көрсеткіш. Алдағы уақытта ферма әлі де қанат жайып, еңбек өнімділігін арттыра түсуге тиіс. Мәселен, өздері өндірген сүттің шамамен 2 тоннасын пакеттеуді жоспарлап отыр. Бұл үшін қордың жергілікті филиалымен бизнес-жоспар құруда. 

– Мен жастарды еңбек етуге ауыл­ға шақырамын. Біздің «Атамұра-Павлодар» ЖШС жұмыс істеймін деген жастар­ды құшақ жая қарсы алуға әзір. Еңбек­­­тену­ден қашпайтын адам болса, жақсы жағ­дай жасалған. Тұр­ғын үй бар, кешен жанында асхана жұ­мыс іст­ейді. Келіңіздер, ауылды, мал ша­руа­­шы­лығын бірге өркенде­те­­йік, – дейді тасы өрге домалаған ша­руа­­шы­­лық­тың басшысы Асқар Ерсайынұлы. 

Елбасы биылғы Жолдауында «Адам­дар­ды нәтижелі жұмысқа тарту үшін көбірек мүмкіндік беріп, олар­дың жеке кәсібін бастауына немесе жаңа мамандық алып жұмысқа ор­на­­ласуына жағдай жасау керек» деп ауыл­дағы жастарды, тұрғындарды жұ­мыспен қамту саласына ерекше ба­сым­дық бергені белгілі. Өйткені қа­зір кәсіпті нәсіп етемін, табысты ең­­­бек көзін табамын деген адамға жұ­­­мыс жетеді, оларға қолдау да бар. Осы мақ­сатта «Ауыл шаруашылығын қар­­­жы­­лай қолдау қоры» арқылы биыл бар­­­лық қаржы көздерінен 43,4 миллиард теңгеге несиелеу жоспарланған. Оның ішінде Нәтижелі жұмыспен қам­­ту бағ­дарламасы бойынша 26,7 млрд тең­ге беріледі деп жоспарланып отыр. 

Мемлекеттің қолдауын көрген ауыл тұрғындары бүгінде кәсіпкер атанып, өз жұмысын бастауда. Ал шағын және орта бизнес нысандары ауыл шаруашылығы саласының қоғамның дамуына, көркеюіне, өсуіне өз үлесін қосуда. 

Фарида БЫҚАЙ,

«Егемен Қазақстан»

Павлодар облысы, 

Ақсу қаласы, 

Айнакөл ауылы
 

СОҢҒЫ ЖАҢАЛЫҚТАР

20.10.2018

Журналист Джамаль Хашагджиді өлтірген арабтар екені белгілі болды

20.10.2018

Нұрсұлтан Назарбаев Ресей және Өзбекстан басшыларымен кездесті

20.10.2018

Үндістандағы пойыз апатынан зардап шеккендер арасында қазақстандықтар жоқ

20.10.2018

Қостанай облысында 750 мың теңге пара алған аудан прокуроры ұсталды

20.10.2018

Маңғыстау облысының кәсіпкерлер палатасында  семинар өтті

20.10.2018

Данияр Елеусінов АҚШ-та салмақ өлшеу рәсімінен өтті

20.10.2018

Мектеп туризмі отансүйгіштікке бастайды

20.10.2018

Павлодарда ТҮРКСОЙ жастар камералық хоры өнер көрсетті

20.10.2018

Ақтауда ана мен бала орталығы ашылады

20.10.2018

Сенаторлар Батыс Қазақстан облысын аралады

20.10.2018

Маңғыстау облысына ирандық делегация келді

20.10.2018

Қазақстан 2019 жылы медициналық қызметтерді көрсетудің электронды форматына толық көшеді

20.10.2018

Ғылыми-әдеби интеграция артып келеді

20.10.2018

Сыр елінде тұңғыш рет «Қорқыт. Қобыз» атты республикалық байқау өтті

20.10.2018

Кандагарда парламенттік сайлау кейінге қалдырылды

20.10.2018

Маңғыстау облысында өрт сөндірушілерге арналған ескерткіш ашылды

20.10.2018

Тіл меңгерудің өзекті мәселелері талқыланды

20.10.2018

Қызылордада  «Жолда қабылдау» акциясы өтті

20.10.2018

Сенат депутаттары Алматыдағы көпір құрылысы зауытын аралады

20.10.2018

Түрік технологы сүт өндірудің тың әдісін үйретті

ТАҒЫ ЖҮКТЕУ
КОЛУМНИСТЕР

Мирас Асан, «Егемен Қазақстан»

Ádep pen ádet

Jýyrda Almaty qalasyna jolymyz túsip, taǵylymy mol tamasha toıǵa qatystyq. Taý shatqalyna aqshańqan shatyr tigip, qudalaryn taǵatsyzdana kútip turǵan almatylyqtardyń ónegeli isine kóz toıyp, kóńil marqaıady. Biz toıly aýylǵa qudalar kelmeı turyp barǵan edik. Qyzyq ıelerimen burynnan tanyspyz. Arǵy túbi Arqanyń qazaqtary. Ultymyzdyń qadym zamandardan beri kele jatqan salt-dástúri, tartý-taralǵysy, jón-joralǵysy yqylym josynymen úılestirilgen toıdyń erekshe bolatyny sezilip tur.

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу