Конституциялық Кеңес Төрағасы Қ.Мәми Андорра Конституциялық сотының 25 жылдығына арналған «Конституциялық соттар: демократиялық қоғамның кепілдігі» атты халықаралық конференцияға қатысты.
Конференция жұмысына 40 елден астам конституциялық бақылау органдарының делегациялары, сондай-ақ Құқық арқылы демократия үшін Еуропалық комиссияның (Венеция комиссиясының) және өңірлік конституциялық әділет органдары қауымдастықтарының өкілдері қатысты.
Талқылаудың тақырыбы Конституцияның үстемдігін қамтамасыз ету, осы процестегі билік тармақтарының өзара іс-қимыл тетіктері, адам құқықтары мен бостандықтарын қорғаудың ұлттық және халықаралық құралдарын және конституциялық соттардың тәуелсіздігін нығайту мәселелері болды.
Ресми іс-шараларда Қ.Мәми оның басшысы ретінде Жаңа демократия елдерінің конституциялық бақылау органдары конференциясының мүддесін білдірді.
Форум шеңберінде Қазақстан Республикасы Конституциялық Кеңесінің Төрағасы бірқатар еуропалық елдердің конституциялық соттарының бас судьяларымен екіжақты кездесулерді өткізді.