«Айнадай ізің қалды жарқыраған»

Бүкіл қазақ халқы азалы күйде. Еліміздің айбынын асқақататып, көк туымызды көкте желбіретіп жүрген дарабоз спортшы, мәнерлеп сырғанаудан Сочи олимпиадасының қола жүлдегері, Азия ойындарының чемпионы Денис Теннің қапияда қаза табуы қалың елдің қабырғасын қайыстырды. 

Егемен Қазақстан
23.07.2018 11086
2

Жоқтау айтқан жұрттың жүрегі тыншу табар емес. Айнадай айдында сынаптай сырғып өте шыққан өміріңдегі жетістігіңді жіпке тізіп қана көлкіген көз жасын сығып, көңілін алдарқатқан болады. Денис Теннің еліне бергенінен берері, әлі де еңсерер белесі көп еді. Өкінішке қарай,  Алматы қаласының қақ ортасында қаныпезерлердің  қолынан қапыда қаза тапты. Ажалға араша түскен дәрігерлер барын салып баққанмен, саңлақтың өмірін сақтап қала алмады. Қазақтың ұранына, ұлттың ұланына айналған ұлы спортшы қамшының сабындай ғұмырында атын күллі әлемге әйгілеп кетті. Қазақстан спорты тарихында мәнерлеп сырғанаудан халықаралық додаларда бұған дейін оза шауып, олжа салған  ешкім болған жоқ. Денис - жеңіс тұғырынан түспеген сайыпқыран еді.

Текті туған Тен - халықаралық дәрежедегі спорт шебері. Ол 2010 жылы Канаданың Ванкувер қаласында өткен ХХІ қысқы Олимпиада ойындарында өнер көрсетіп, мәнерлеп сырғанаудан финалдық кезеңге өткен Қазақстанның тұңғыш спортшысы. 2013 жылы әлем чемпионатының күміс жүлдегері атанды. 2014 жылғы қысқы Олимпиада ойындарында және 2015 жылғы жаһандық жарыста қола медальға қол жеткізді. Мәнерлеп сырғанаудан төрт құрлық додасының, VII қысқы Азия ойындарының және Қазақстанның үш дүркін чемпионы. Халықаралық конькишілер қауымдастығы рейтингінде үздік үштікті түйіндеді.

Біртуар спорт шебері "Денис және оның достары" деп аталған дәстүрлі ғаламат шоуын биыл төртінші мәрте өткізіп, Астананың 20 жылдық мерейтойына арнады. Тамаша қойылым көрсетуге Ресей, Франция, АҚШ, Канада, Қытай мен Жапониядан мәнерлеп сырғанаудың жұмыр жердегі жұлдыздары келді. «Барыс Аренадағы» керемет кеште ол ерекше ерік-жігер, тың серпінмен өнер көрсетті. Бұл оның мұз айдындағы еркін самғаған ең соңғы сәті екен.

Иә, оның жарақаты жанына батса да, ел намысы үшін додаларда дара  шапқан шағы көп. Өзімді алмастыратын сырғанаушы болса екен деумен есіл ер арманда кетті. Осы олқылықтың орынын толтыру үшін өзімен өкшелес өрендерге бар өнерін үйретіп баққан Денис 2010 жылы шеберлік сыныбын өткізуді бастаған болатын. Бала шақтан балаң арман алға жетектеген албырт жастар арасынан әлемдік додаларда әнұранымызды әуелетіп, алғы шептен көрінетін шеберлер шығатынына кәміл сенетін. Әттең, мезгілсіз ажал межеге жеткізбей, қағілез қара бала қапыда мерт болды.

Барша Қазақстан халқына ортақ қайғылы қазаға қабырғасы қайысып, азалы ой толғаған торғайлық ақын Саят Әбеннің өлеңі өлімге өзегі өртенген жұрттың өксігін жеткізіп тұрғандай:

Өткінші өмір дейтін майданда бұл,

Соғарын кім біледі қайдан дауыл?!

Көліктің айнасы үшін ажал құшты,

Қазақтың айнасына айналған ұл.

 

Еріксіз көзімізге жас келеді,

Еліме арналатын басты өнері.

Мәңгілік қош айтысты өмірменен,

Мәнерлеп сырғанаудың хас шебері.

 

Айнадай айдында айқын із қалдырған алтын асықтай ұл шарыққа ұстаған шарболаттай лыпып тұрушы еді. Жасындай жарқ еткен жас ғұмыр небәрі жиырма бесінде қыршынынан қиылды. «Жазмыштан озмыш жоқ». Ел боп еңіреп, жұрт боп жоқтасақ та мұздағы мұзбалақтың орыны ойсырап тұрары өкінішті! Жарқын бейнең жасампаз халқымыздың жадында жатталып, санасында сақталып қалары хақ. Сенің биік тұғырдағы тұма бұлақтай тұнық тұлғаң өзіңе қарап бой түзеген болашақ чемпиондар үшін бойтұмар болары сөзсіз. Десек те... Денис... жеңіс жолына жетелеген жеткіншектер ұлтымызды ұлықтайтын ұлы мұратыңа жеткізері Айдан анық!

 

Аспан бұлтсыз болмайды,

Бұлтты жарып Күн шығар!

Айдынға өрнек салатын

Қазақтан сендей ұл шығар!

 

.... Бақұл бол, қазақтың Денисі!

 

Амангүл Ермекқызы,

Серік Әбдуәлі,

«Қазақ радиолары» ЖШС ұжымы атынан

СОҢҒЫ ЖАҢАЛЫҚТАР

09.12.2018

Алпамыс Шәрімов: Қайырымдылық жасау үшін бай болу қажет емес

09.12.2018

Павлодар облысында 1 мыңнан астам кәсіпорын 1,6 трлн. теңгенің өнімін шығарған

09.12.2018

Қостанай облыстық қазақ драма театры Шәмші туралы спектакль қойды

09.12.2018

Павлодарда «ҚазАвтожол» АҚ-ның облыстық филиалына қатысты қылмыстық іс тергелуде

09.12.2018

Маңғыстау полициясының басшысы халық алдында есеп берді

09.12.2018

Ұлытау ауданында спорт нысандары салынады

09.12.2018

Үздік шаруашылыққа жаңа трактор тарту етілді

09.12.2018

Aktobe Invest-2018 форумында 300 млрд теңгеге меморандумдарға қол қойылды

08.12.2018

Семейдегі колледж ұжымы бойжеткенге пәтер алып берді

08.12.2018

Тарбағатай ауданының әкімі семейлік жастармен кездесті

08.12.2018

ШҚО Алтай ауданында Татуласу орталығы ашылды

08.12.2018

Күй жетті Алтай-Қобда – арғы беттен...

08.12.2018

Астанада Өспен ауылының азаматтары бас қосты

08.12.2018

Өспен ауылының ардагерлері «Егемен Қазақстан» газетіне қонаққа келді

08.12.2018

Ақтөбе облысының жастары сарапшылармен бірге Президенттің мақаласын талқылады

08.12.2018

Қазақстан-Перу саяси консультациялары өтті

08.12.2018

Астанада бірыңғай 112 байланыс орталығы құрылмақ

08.12.2018

Шорт-тректен әлем кубогінде жерлестеріміз жартылай финалға өтті

08.12.2018

Юлия Галышева фристайлдан әлем кубогінің күміс жүлдегері атанды

08.12.2018

8 желтоқсанға арналған ауа райы болжамы

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

Сайраш ӘБІШҚЫЗЫ, Қазақстанның білім беру ісінің құрметті қызметкері

Halyq sózinde birtutastyq, birlik bar

«Halyq» sóziniń mán-maǵynasy óte tereń ekeni barshaǵa málim. Másele – osyndaı saıası astary aıryqsha sózdi qalaı qoldanyp júrgenimizde. Merzimdi baspasóz betterindegi habarlardan,  teleradıo arnalardan, ózara áńgimeden «aýyl halqy», «qala halqy» degendi oqyp ta, estip te júrmiz. Máselen, telearnalardyń birinen «Arshaly aýdanynda 27 myń halyq bar» degendi estidim de, «halyq sózin durys qoldanaıyq» dep, ózimniń oı dápte­rime jazyp qoıdym. Sebebi orys tilinde «narod sela» nemese «narod derevnı», «na­rod raıona», «narod goroda» demeıdi, tipti jazbaı­dy. Bul tilde «naselenıe», «jıtelı», «gorojane», «selchane» deıtinin bilemiz. Biz qazaqsha «aýyl turǵyndary», «qalalyqtar» nemese «qala turǵyndary» desek, ekpini báseń bolyp, birdeńe joǵaltyp alatyndaı, «aýyl halqy», «qala halqy» dep qysqa qaıyramyz. Sonda deımin-aý, qazaǵymyzdy bólip, jiktep, birtutas halyq sanatyna qospaı turǵanymyzdy nege ańǵarmaımyz?!

Дидар Амантай,

Túsiniktiń kúıreýi

Sońǵy jyldary, sandyq tehnologıalyq ónimderdiń (iPhone, Red One, digital camera, information technology) alǵashqy nusqalary (computer, printer, scaner, copier), shyqqanyna tabany kúrekteı jarty ǵasyrǵa jýyq ýaqyt, jeteqabyl mezgil ótkende, ozyq qoǵamdarda, qala berdi, damýshy elderde, tipti, jalpy adamzattyq mádenı-rýhanı keńistikterde iri-iri qomaqty ózgerister júrdi. 

Думан АНАШ, «Егемен Қазақстан»

Ejelden metal ılegen el

Memleket basshysy Nursultan Nazarbaevtyń jýyrda jaryq kórgen «Uly dalanyń jeti qyry» atty maqalasy búginde 30-dan astam ult pen ulystan turatyn, jalpy sany 200 mıllıonǵa jýyqtaıtyn, ońtústik-batysta Jerorta teńizi jaǵalaýynan bastap, soltústik-shyǵysta Soltústik Muzdy muhıtqa deıingi Eýrazıa qurlyǵynyń apaıtós alyp dalasynda 6 táýelsiz memleket, onyń ishinde Reseı Federasıasynda 20-dan astam túrki tildes halyqtardyń túrli sýbektilerimen, keı jerde avtonomıalyq, keı jerde esh sýbektisi bolmasa da iri oblys quramynda ómir súrip jatqan túrki halyqtarynyń ortaq kóne tarıhyn qamtıtynymen erekshe deýge bolady. Iаǵnı osynaý baıtaq keńistikte bul halyqtar bir kezderi bir memleket quramynda ómir súrip, álemdik órkenıetke ózderiniń laıyqty úlesin qosty.

ҰҚСАС ЖАҢАЛЫҚТАР

Тағы да оқу

Пікір қосу