nurotan.kz
Оған «Нұр Отан» партиясы Төрағасының бірінші орынбасары Мәулен Әшімбаев, Ақпарат және коммуникациялар вице-министрі Динара Щеглова, «Атамекен» ҰКП Ақпараттық-коммуникациялық технологиялар, білім беру және инновациялар комитетінің төрағасы Болат Башеев және цифрландыру саласының білікті мамандары қатысты.
Цифрландыру тақырыбы Қазақстан үшін өткір әрі маңызды тақырып екені бәрімізге айқын. Сол себепті «Цифрлы Қазақстан» тұжырымдамасы негізінде қабылданған іс-шараларды жүзеге асыру кезінде туындаған мәселелерді шешу үшін саланы жетік меңгерген мамандармен жиі пікір алмасуды жөн көрдік. Бүгін партия ұсынған еркін пікірталас алаңында Қазақстанды цифрландыру мәселесін талқылап қана қоймай, мамандар тарапынан нақты шешімдер мен ұсыныстар күтеміз, деген Мәулен Әшімбаев цифрландырудың еңбек өнімділігі мен жұмыс сапасын арттырып, жалпы кез келген өнімді шығару барысында кездесетін қиындықтардың алдын алуға көмектесетінін жеткізді. Сондай-ақ егер елімізде цифрландыру бойынша міндеттелген мәселелер мен жоспарланған жобалар толыққанды жүзеге асса, қазақстандықтар қолданатын мемлекеттік және жекеменшік қызмет түрлері артып, жаңа кәсіпорындар ашылмақ. «Нұр Отан» партиясы да цифрландыру жобасының тезірек жүзеге асуына мүдделі. Осы орайда партия бастамасымен Қазақстан бойынша қолға алынған 1000 ІТ-сынып бағдарламасы туралы айта кету керек. Бүгінде әр облыстан ашылған бұл бағдарламалар арқылы жас жеткіншектерге 3 D модельдеу, бағдарламалау негіздері, роботтытехника факультативтік негізде тереңдетіп үйретілуде. Сондай-ақ «Нұр Отан» партиясы келешекте «Атамекен» ҰКП-мен біріге отырып, әр аймақтардан сала мамандарын дайындайтын 20 ІТ-орталық ашуды көздеп отыр.
Ақпарат және коммуникациялар вице-министрі Динара Щеглова цифрландыруды жүзеге асыру бойынша пилоттық және күнделікті режімде ашылған 120 жобаға аралық баға беріп өтті. Оның айтуынша, жобалар пилоттық жүйеде жүзеге асырылса да, олардың тиімділігі әлден-ақ байқалуда. Сол себепті оларды өзге аймақтарда жолға қою жұмыстары жүргізілуде.
«Цифрлы Қазақстан» тұжырымдамасы аясында халыққа пайдалы, экономикаға тиімді көптеген жобалар өзінің жүзеге асуын күтуде. Осы орайда, пікірталас соңы Қазақстанның ІТ-қауымдастығы мемлекетпен, партиямен жұмыла, «бір жеңнен қол, бір жағадан бас шығара отырып», сапалы мамандар дайындауы керек деп түйінделді.
Венера ТҮГЕЛБАЙ,
«Егемен Қазақстан»