«Тыңдаңыздаршы, егер біз оны былтыр жасаған болсақ, тағы да пресс-тур жасап қайтеміз? Біз командамыз бірлескен баспасөз мәслихатын өткізуден бас тартты. Себебі бізге жұмыс істеу қажет. Мен үшін қазір ең бастысы - жаттығу жасау. Баспасөз мәслихаты ұнайды ма деген сұраққа келсек, маған одан гөрі жаттығулар мен жекпе-жектер ұнайды», - деді «Канело» Los Angeles Times-қа берген сұхбатында.
Еске салайық, таяуда Головкин мен Альварес өзгеше баспасөз мәслихатын өткізген еді. Баспасөз жиыны қашықтықтан өтті, боксшылар өз лагерлерінде болды.
«Канело» - GGG рематчы 15 қыркүйекте Лас-Вегастағы T-Mobile Arena-да өтеді.
