Кәсіпкер құқығы лайықты қорғалуы тиіс

Мемлекеттік қызмет істері және сыбайлас жемқорлыққа қарсы іс-қимыл агенттігінде сыбайлас жемқорлықтың алдын алу, халықаралық қатынастарды дамыту, мемлекеттік қызметті өткеру, сондай-ақ сыбайлас жемқорлыққа қарсы іс-қимыл бюросының ағымдағы қызметіне арналған брифинг өтті. 

Егемен Қазақстан
10.08.2018 3810

Алдымен Сыбайлас жемқор­лыққа қарсы саясат департа­ментінің директоры Данияр Са­бырбаев сөз алып, агенттік бас­тамасымен маусым айынан бас­тап «Protecting business and investments» инвесторларды қорғау жобасының жүзеге асырыла бастағанын жеткізді. Оның айтуынша, бүгінде жемқорлықтан қорғау мақсатында отандық және шетелдік 56 инвест-жоба тікелей агенттік қамқорлығына алынған. Олардың қаржы портфелі 2 трлн 875 млрд теңгені құрайды. Жоба қызметін бастаған қысқа уақыт ішінде кәсіпкерлерден 26 арыз түсіп үлгерген көрінеді. Жүргізілген тексерістердің 18-і инвесторлар пайдасына шешіл­ген. Мәселен, Қостанай облысын­да «Заря» АҚ-тың заңдық құқы қорғалып, жайылым жері  иесіне қай­тарылған. Сонымен бірге Архи­повка ауылының 650 тұрғы­нының құқы қорғалған. Ал ком­панияға әкімшілік кедер­гілер жасаған ауыл әкімі қызме­тінен босатылды. Алматы облы­сындағы аймақтық кеңсеге арыз айта келген «Empire Food» компаниясының мәселелері де оң шешілді.

 
Биыл агенттік баспасөз арқылы Білім және ғылым министрлігі қызметіндегі ішкі сыбайлас жемқорлықты сараптау мақсатында жұмыс тобына қосылуға еріктілерді шақырған болатын. Жұмыс тобына өздерінің осы салада білімі мен тәжірибесі бар екенін айғақтайтын құжаттары барын растаған 45 маман қабылданып, олар зерттеу аяқталған соң 1061 ұсыныс даярлаған. Нәтижесінде түрлі деңгейдегі 114 жаңа құқықтық актілер қабылданды. 


Сонымен қатар квази­мем­лекеттік сектор субъектілеріне агент­тік тарапынан тұрақты мони­торинг жүргізілуде. Атап айтқан­да, «ҚазАвтоЖол» ҰК» АҚ-тың Шығыс Қазақстан облысындағы филиалының директоры қыз­метіне бұрын жемқорлық қыл­мы­сы үшін жауапкершілікке тар­тылған тұлғаның тағайындалғаны анықталды. Бұл мәлімет қазір тексерілу үстінде. Агенттіктің жіті на­зарға алған бағыттарының бірі – пойыз билеттерінің жетіспеу­шілігі. Осы орайда «Қазақстан темір жолы» ҰК» АҚ базасында, темір жол тасымалы саласындағы жүйелі сыбайлас жемқорлықты жою, жемқорлық фактілерінің алдын алу үшін  тікелей агенттікке бағынатын «Адал жол» кеңсесі құрылмақ. Департамент басшысы агенттіктің темір жол билеттерінің заңды сатылуына қатысты тексеріс жүргізгенін атап өтіп, «алып-сату» әдісі арқылы жолаушыны билетсіз кез келген өңірге жібере алатын «көмекшілер» анықталғанын хабарлады. Заңсыз тасымалдаушылар жолаушыларға темір жол билеттерін нарық бағасынан 50% қымбатқа сатқан.


Стратегиялық әзірлеу және халықаралық бағдарламалар депар­та­ментінің директоры Ай­жанат Құштарова Қазақстанның Азия және Тынық мұхиты, Азия даму банкі және Экономикалық ынтымақтастық және даму ұйы­мына мүше елдердің сыбайлас жемқорлыққа қарсы бастамасына мүше екендігін хабарлады. Оның айтуынша, 6-8 қарашада Астанада осы бастаманың сыбайлас жемқорлыққа қарсы мәдениетті дамыту туралы жиналысы өтпек. Шараға 70-тен астам шетелдік мамандар қатысады деп күтілуде. Сонымен бірге БҰҰ-ның есірткі және қылмыстар бойынша басқармасымен тығыз қарым-қатынас орнатылғаны туралы қысқаша мәлімет бере кетті. 


Брифинг барысында сөз алған Мемлекеттік қызмет депар­таментінің директоры Жар­қын Тілеукенов мемлекеттік қыз­меттің тартымдылығы артқанын жеткізді. Оның айтуынша, биыл 2694 мемлекеттік қызметкер ман­сап жолында өсуге қол жеткіз­ген. Бұл өткен жылғы көрсет­кішпен салыстырғанда 63 процентке жоғары. Ашық байқау негізінде іріктелген мемлекеттік қызметкерлер саны 42 %-ке артып, жергілікті жерлерде кадр тұрақсыздығы азайған. 


Брифингті қорытындылаған агенттіктің ресми өкілі Нұр­лан Жахин соңғы екі аптада қо­ғамды шулатқан сыбайлас жемқорлық қылмыстары факті­леріне тоқталып, сондай-ақ агенттік төрағасы Алик Шпек­баев ұлттық бюроның 8 аймақ­тық департаментінің басшыларын ротациялау туралы шешім қа­былдағанын мәлімдеді. Оның айтуынша, ротация өз лауазым­дарында 2 жылдан 4 жылға дейінгі аралықта жұмыс атқарған Алматы қаласы, Атырау, Шығыс Қазақстан, Жамбыл, Қостанай, Қызылорда, Павлодар және Солтүстік Қазақстан облыстары бойынша департамент басшыларына қолданылған.

Венера ТҮГЕЛБАЙ,
«Егемен Қазақстан»

СОҢҒЫ ЖАҢАЛЫҚТАР

20.08.2018

Батыс Қазақстанда жылыту маусымына дайындық қызу

20.08.2018

Талдықорғанда Тыныштықбек Әбдікәкімұлының кітабы талқыланды

20.08.2018

Головкин-Альварес андеркартында жекпе-жекке шығатын үш жұп белгілі болды

20.08.2018

Тұлға еді ол...

20.08.2018

Құрбан айт – ұлық мереке

20.08.2018

Елорда орманын зиянкестерден қалай қорғаймыз?

20.08.2018

Азиада-2018: Қазақстан 4 медаль еншіледі

20.08.2018

Уикипедияның үйретері не?

20.08.2018

Бас жүлде Айгүл Елемесоваға бұйырды

20.08.2018

Кеншілер қаласы көркейе түседі

20.08.2018

Ақтөбеге Қарағанды облысынан мектеп оқушылары мен жетек­шілерден құрылған топ келді

20.08.2018

Астанада математика мен тілді терең меңгеруге арналған мектеп ашылды

20.08.2018

Түркологтар төрқалада бас қосты

20.08.2018

Болат Баймұхамбетов баптаған батырлар

20.08.2018

Көп балалы аналар құқығы назардан тыс қалмауы тиіс

20.08.2018

Тамыз кеңесі: білім саласында қандай бетбұрыс бар?

20.08.2018

Түркістанның жаңа дәуірі басталды

20.08.2018

Бұқар жыраудың 350 жылдық тойы Арқа төсінде тойланды

19.08.2018

Маңғыстауда мемлекеттік органдардағы кадр қызметінің сапасы қандай?

19.08.2018

Азиада-2018: Дмитрий Алексанин Қазақстан қоржынына алғашқы алтынды салды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу