Зейнетақымен қамсыздандыру заманға икемді ме?

Қашықтықтан және көзбе-көз қызмет көрсетеді

Бірыңғай жинақтаушы зейнетақы қоры ағымдағы жылдың 1 шіл­десінен бастап салымшыға шот ашудан бас­тап, зейнетақы төлем­дерін алуға дейінгі негізгі қыз­мет­терді элек­тронды формат­та көрсету мүм­кіндігіне ие болды. Сон­дай-ақ қазіргі уақыт­та зейнетақы жинақ­тарын өмірді сақтандыру бойынша ком­панияларға аудару және ерікті жарналар бойынша төлем­дер алу секілді онлайн-сервистер әзірленіп жатыр. Алайда әзір­ге электронды сер­вистер қатарына ше­телге тұрақты тұруға кетуге байланысты төлемдер, жерлеуге және мұра­герлерге берілетін төлемдер осы қызметтер бо­йынша құжаттар ұсыну­дың ерекшелігіне байланысты енгізілмей отыр. 

Аталған мәселелерді қор қызметінің жарты жылдық қорытындысы бойынша өткен мәслихатта қордың бас­қар­ма төрайымы Н.Наурызбаева мәлімдеген болатын. Оның айтуын­ша, алдағы уақытта электронды цифрлы қолтаң­баға ие бола отырып, қор сай­­тының «Электронды қызмет көр­сету» бөлімінде жеке зей­нетақы шотын ашу­ жөнінде өтініш беруге, же­ке зей­нетақы шотынан үзін­ді-көшірме алуға, жеке дерек­­темелерге өзгерістер енгізу­ге, интернет хабарлан­дыруды таңдай отырып ақ­парат алу тәсілін өзгертуге, зейнетақы төлемдерін та­ғайын­дау жөнінде өтініш жолдап, оның орындалу барысын қадағалауға бо­лады. 

«Одан бөлек ағымдағы жыл­­дың алғашқы жартысында жаңа «Жеке зейнетақы шо­­тын ашу жөніндегі өтініш­­­тің көшірме-нұсқасын алу» электронды қызметі, сон­дай-ақ «Ерікті зейнетақы жарналары есе­бінен өз пайдасына шарт жасасу» сервисі әзірленіп іске қосылған. Со­ны­мен қатар Бірыңғай жинақ­таушы зейнетақы қоры 2018 жылдың мамырында танымал Telegram мессенджері үшін өзінің ботын қолданысқа енгізді. Пайдаланушылар жаңа қыз­­­меттің көмегімен қыс­қа үзінді-кө­шір­ме алу немесе үзінді-көшірмені элек­­тронды поштасына жібе­ру, жеке ка­бинетке кіру, құпия сөзін қайта қа­лпына кел­тіру, қордың маңызды жаңа­лықтары және ағымдағы көр­­сеткіштерімен танысу, сон­дай-ақ оның ең жақын бөлімшесін табу мүм­кінді­гіне ие болады», дейді Н.Наурызбаева. 

Жоғарыда аталған жиында сөз болғандай, 2018 жылдың алғашқы жартысында электронды арналар арқылы 7,5 млн қызмет көрсетілген. Бұл есептік кезеңде көрсетілген қыз­меттердің жалпы көлемінің 72 про­центін құрайды. Осы ретте қор кең­селерінде және көшпелі қызмет көр­сету барысында 2,9 млн операция орын­далғандығын да айта кеткеніміз жөн.

Жалпы, электронды сер­висті енгі­зу және дамыту қор қызметін жаңа дең­гейге көтеруге мүмкіндік береді. Бүгінде еліміздегі қор қызметінің басым бөлігі қа­шықтықтан көрсетіледі. Қызмет көрсету сапасының жоғары дең­гейде екендігін халықаралық сарап­шылар да растап отыр. Биыл нау­рыз айында «БЖЗҚ» АҚ сапа менеджменті жүйесі бо­йынша серти­фикациялық аудиттен сәтті өтті. Аудит­ті ал­дыңғы қа­­­­тарлы еуропа­лық ком­пания­лар­дың халық­аралық аудиторлары жүргізді. 

3 ай ішінде 75 сапарға шықты

Зейнетақымен қамсыздан­дыру елімізде тұратын барлық азаматтарға, шетел­діктер мен азаматтығы жоқ адам­дарға, олардың ішінде шал­ғай­да орналасқан кішігірім елді­ ме­кендердің тұрғындарына да қа­тысты. Осыған байланыс­ты шалғайда орна­ласқан елді мекендерде, сондай-ақ қор бөлімшелері жоқ аудандарда зейнетақы қызметтерінің қол­жетім­ді­лігін қамтамасыз ету мақ­сатында «Мобильді кеңсе» жобасы іске қосыл­ды. Аталған жоба соңғы үш ай ішінде 75 рет жолға шықса, соң­ғы алты айда  3,9 мың көшпелі шара ұйымдастырып, 93,4 мың операцияны жүзеге асыр­ды. 

Бұл туралы «БЗЖҚ» бас­қарма төрайы­мының орынбасары С.Егеу­баева халыққа кеңінен түсіндірген болатын. Бүгінде «Мобильді кеңсе» жобасы Алматы, Атырау және Қостанай облысында жүзеге асырылып жатыр. «Мо­бильді кеңсе» жобасын ағымдағы жылы Шығыс Қа­зақстан, Батыс Қазақстан және Оңтүстік Қазақстан облыстарында іске қосу бойынша ұйымдастыру жұмыстары жүргізілу үстінде. Ал келесі жылы жобаны қордың Қа­рағанды, Қызылорда, Ақтөбе, Ақмола, Жамбыл, Павлодар және Солтүстік Қазақстан об­лыстық филиалдарында  жүзеге асыру жұ­мыстары жан­­данбақ.    

 «Осы сапарлар барысында қор қызметкерлері 5,1 мыңнан астам адам­ға қызмет көрсетіп, 6,3 мыңнан астам операцияны орындады. Сонымен қатар көшпелі қызмет көрсету барысында 2,3 мыңнан астам жергілікті тұрғынға ақыл-кеңес берілді», дейді төрайым орынбасары.  

 Бұдан басқа, «БЖЗҚ» АҚ зейнет­ақы қызметтерінің қолжетімділігін арттыру­ мақ­­сатында «Бірыңғай жинақ­­­таушы зейнетақы қоры» акцио­нерлік қоға­мы мен «Қазпошта» акцио­нер­лік қоғамы арасында ын­тымақтастық және шаралар жоспары туралы Ме­морандумға қол қойғандығын айта кеткеніміз жөн. Жалпы, жыл соңына дейін респуб­лика өңірлерін зейнетақы қыз­меттерімен қамту көрсет­кіші 11 процентке ұлғаймақ. 

Зейнетақыны жоспарлауға көмектесті

Бірыңғай жинақтаушы зейнетақы қоры ағымдағы жылдың сәуір айынан бастап жеке және корпоративтік зейнетақы калькуляторын қолдана отырып, салым­шыларға болашақ зейнет­ақыны жоспарлау бойынша ақыл-кеңес беріп келеді. Айталық, үш ай ішінде зей­нет­ақыны жоспарлау мәселелері бойынша келу­ші­лермен 118 517 кеңес өткі­зілді. Қордың бас­пасөз қызметінің мәлімдеуінше, ақыл-кеңестердің басым бөлігін Ал­маты қаласының тұрғындары мен қонақ­тары алған. Оларға 18 270 консультация берілсе, Түркістан және Павлодар облыстарында сәйкесінше 16 011 және 7 881 азаматқа ақыл-кеңес берілді.     

Осындай шаралар барысында негі­зінен, салымшыларды зейнет­ке шығу мерзімі, жарналарды өз бетінше төлеу мүмкіндігі, инвес­тициялық табыс, зейнетақы жинақ­тарының сақталуына мемлекет тара­пынан берілетін кепілдік, зейнет­ақы мөлшері және оны көбейту жол­дары жайындағы мәселелер маза­лайтындығы анықталған.

Байқағанымыздай, БЖЗҚ-ның түрлі қызметтері елдің игілігі мен икем­ділігіне негізделіп жасалып отыр. Тек қолайлы тетіктерді тез мең­геріп кету жеткілікті. Осы орайда ағымдағы жылда зейнетақы түсімдерінің сомасы өсіп жатқандығын да айта кеткен абзал. Жыл басынан бері зейнетақы түсімі 407,5 млрд теңгені құрап, өт­кен жылдың сәйкес кезеңімен салыс­тырғанда 11 процентке көбей­ген.

Мирас АСАН,

«Егемен Қазақстан»