Қазақстан • 15 Тамыз, 2018

Алдағы тәулікте күн суытады

372 рет
көрсетілді
1 мин
оқу үшін

Елімізге Карск теңізі аумағынан суық дымқыл арктикалық ауа ығысатын болады.

Алдағы тәулікте күн суытады

Соның салдарынан Қазақстанның солтүстік бөлігінде күн күркіреп, жаңбыр жауады, екпінді жел соғуы мүмкін. Бұл туралы ҚазАқпарат Қазгидрометке сілтеме жасап хабарлайды.

Күндізгі уақытта бұршақ жауып, түнде ауа температурасы 7-15 градус шамасында болады. Күндіз 18-25 градус жылы болуы ықтимал. Республиканың қалған өңірлеріндегі ауа температурасы климаттық нормадан ауытқымайды. 17-28 тамыз аралығында елдің оңтүстік-шығысы мен шығыс аймақтарының кей жерлерінде найзағай ойнап, өткінші жаңбыр жауады.