Мәулен Әшімбаев арнайы сапармен Атырау облысына келді

«Нұр Отан» партиясы Төрағасының Бірінші орынбасары Мәулен Әшімбаев арнайы сапармен Атырау облысына келді. Сапар барысында ол бастауыш партия ұйымдарының жандандыру аясында жасалып жатқан жұмыстармен, Президенттің бес әлеуметтік бастамасының және жаңа партиялық жобалардың жүзеге асырылу барысына бақылау жүргізіп, бірқатар әлеуметтік нысандарды аралады.

Егемен Қазақстан
08.09.2018 18247
2

Ағымдағы жылдың маусым айында өткен партияның Саяси кеңес отырысында Президент бастауыш партия ұйымдарының жұмысын жандандыруды тапсырған болатын. 2018 жылғы 1 шілдедегі жағдайда бойынша республикамызда 1 млн.-нан астам партия мүшелерін біріктіретін 6 мыңға жуық бастауыш партия ұйымдары жұмыс істейді. Партия құрылымын жетілдіру мақсатында тұрақты түрде мүшелер саны аз ұйымдарды біріктіру арқылы БПҰ желісін оңтайландыру  процесі жүргізілуде. Бүгінгі күні «Нұр Отан» партиясы бастауыш партия ұйымдарының қызметін жандандыру тұжырымдамасының жобасы әзірленіп, оны жан-жақты талқылау басталып кеткен. Шымкент, Қарағанды, Павлодар қалаларында 800-ге жуық партия мүшесінің басын қосқан «Бастауыш партия ұйымдарының» форумдары өтті. Алқалы жиындарда жаңа даярланған тұжырымдама жобасына байланысты айтылған пікірлер, ұсыныстардың барлығы іріктеліп, жыл соңында Астанада өтетін бастауыш партия ұйымдарының республикалық форумында жарияланатын болады.

БПҰ-ның жұмысына байланысты жаңашылдықтар туралы «Нұр Отан» партиясы Төрағасының Бірінші орынбасары Мәулен Әшімбаев «Атырау мұнай өңдеу зауыты» бастауыш партия ұйымында өткен кездесуде айтты.

- Партияның ірге тасы, басты күші ол бастауыш партия ұйымдары. Қазақстанды  үшінші жаңғырту аясында Елбасының бастамасымен қолға алған бағдарламалық құжаттардың, партиялық жобаларды жүзеге асыру жолында бастауыш ұйымдарының рөлі ерекше. Қазіргі күні партия қолға алған: ІТ-сыныптар мен ІТ-орталықтарын ашу, кітапханаларды, мектеп асханалары мен спорт алаңдарын жаңғырту бойынша жобаларды халық арасында насихаттау, түсіндіру жұмысына белсенді қатысуларыңызды күтеміз, - деді Мәулен Әшімбаев.

Айта кетсек, мұнай өңдеу зауытында 1 200-ге жуық партия мүшесі еңбек етеді. Зауыттың бастауыш партия ұйымы 2015 жылы  республикалық «Үздік бастауыш партия ұйымы» байқауында 2 орынды иеленген. Еліміздегі «Жас Отан» жастар қанаты мен қоғамдық қабылдау бөлімібар жалғыз ұйым. БПҰ жанында мемлекеттік тілді тереңдете оқытатын орталық та жұмыс істейді.

Президенттің тапсырмасына сәйкес «Нұр Отан» партиясы тарапынан «Президенттің бес әлеуметтік бастамасын» іске асыруға қоғамдық бақылауды ұйымдастыру мақсатында орталық және өңірлік деңгейде Қоғамдық кеңестер құрылған болатын. Қоғамдық кеңестің құрамында жетекші саяси партиялардың, Қазақстан халқы Ассемблеясының, Қазақстан кәсіподақтар федерациясының, «Атамекен» ұлттық кәсіпкерлерінің және өңірлік палаталарының, елдегі ірі ҮЕҰ-ның басшылары мен өкілдері, танымал блогерлер, салалық сарапшылар мен ғалымдар бар.

«Нұр Отан» партиясы Төрағасының Бірінші орынбасары Мәулен Әшімбаев облыс орталығында Елбасының үшінші бастамасы «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» бойынша Атырау қаласындағы «Дина Нұрпейісова атындағы халықтық музыка Академиясы» Атырау музыка колледжінің жатақханасында болды. Оқу орнында биыл 4 қабатты 100 жатар орынға арналған жатақхананы қолданысқа берілді.

 Нысанды аралаған партия Төрағасының Бірінші орынбасары 2018 жылы «ҚазТрансОйл» компаниясының Батыс филиалы Халел Досмұхамедов атындағы Атырау мемлекеттік университетіне 700 орынға арналған жатақхана бергенін атап өтті. Жыл соңына дейін қосымша тағы да 200 орындық екі жатақхана тапсырылады деп жоспарланған.

- Жатақханада студенттердің алаңсыз тұрып және оқуы үшін барлық жағдай жасалған. Студенттермен, жас ұстаздармен әңгімелестік, олар жаңадан бой көтерген студенттер үйіне қолжеткізгеніне қуанышты. Ал, бұл Президент бағдарламасының жүйелі жүзеге асып жатқанының көрсеткіші. Бес әлеуметтік бастама нақты xалықтың әлеуқатын көтеріп, өзгеде әлеуметтік мәселелердің шешім табуына септігін тигізуде. Бұл бағдарлама тұрғындар тарапынан үлкен қолдауға ие, - деді Мәулен Әшімбаев.

Елбасының бес әлеуметтік бастамасының тағы бірі – шағын несие беруді көбейту. Осы бастаманың облыста қалай жүзеге асырылып жатқанын қадағалау үшін Мәулен Әшімбаев «Caspiy Lana Atyrau» ЖШС-і алаңында орналасқан «Бастау Бизнес» бағдарламасы бойынша кәсіпкерліктің қыр-сырын үйрететін орталықта болды. Осы бағдарлама бойынша 2018 жылы облыстық бюджеттен 2 млрд. теңге, республикалық бюджеттен қосымша 589 млн. теңге бөлінген. «Бастау Бизнес» бағдарламасы аясында Атырау   аймағында 750 адам білімін жетілдірген.

Сондай-ақ, Мәулен Әшімбаев облыстық оңалту орталығында орналасқан «Мүгедек әлемі» қоғамдық бірлестігінің жұмысымен танысты. 2009 жылы іргесі қаланған орталық «Үздік әлеуметтік жоба» байқауының аймақтық жеңімпазы. Айта кетсек, қоғамдық бірлестік 2011 жылы «Инватакси» қызметін қосқан. 2018 жылдың 8 айында инватакси 5 мыңнан астам қызмет көрсеткен.

Мәулен Әшімбаев Елбасының тапсырмасы бойынша бұл салада соңғы жылдары елімізде ауқымды жұмыстар атқарылып жатқанын, арнайы бағдарлама қолға алынып, мүмкіндігі шектеулі жандардың мүддесін қорғайтын заңдар қабылданғанын да атап өтті. Алайда бұл тек мемлекеттің ғана міндеті еместігін, оған бүкіл қоғамның ат салысуы тиіс екенін айтқан «Нұр Отан» партиясы Төрағасының Бірінші орынбасары партия тарапынан да айтарлықтай іс-шаралар қарастырылғанына тоқталды.

– Партия қызметін жаңғырту аясында мүмкіндігі шектеулі жандардың өмір сүру сапасын жақсартуға бағытталған «Кедергісіз келешек» партиялық жобасын одан әрі жандандырып, тиімділігін арттыруды қолға алдық. Бұл жобаны жүзеге асыру барысында біз нақты төрт басымдықты анықтадық. Біріншіден, мүмкіндігі шектеулі жандарға арналған кедергісіз орта қалыптастыру. Екіншіден, олардың инклюзивті білім алуларына ықпал ету. Үшіншіден, жұмысқа орналасуларына қолдау көрсету. Төртіншіден, осы салаға қатысты заңнамаларды одан әрі жетілдіру. Осылайша партия құр статистика үшін емес, мүмкіндігі шектеулі жандарға нақты көмек көрсетуді көздеп отыр, – деді Мәулен Әшімбаев.

«Нұр Отан» партиясы Төрағасының Бірінші орынбасары Атырау білім-инновация лицей-интернаты базасында «Балаларға арналған тегін  IT сыныптар» партиялық  жобасын  жүзеге  асыру  мақсатында бой көтерген  IT сыныпты аралап көрді. Айта кету керек, биыл өңірде бұдан басқа әлемдік талаптарға сай 8 жастан 16 жасқа дейінгі балаларды бағдарламау және робототехника негіздеріне оқытатын  10  ІТ-сынып ашылған.  Бұл мектептерде  2018 жылы - 700,  2019 жылы – 1500,  2020 – 2000 баланы оқыту жоспарланып отыр.

Мәулен Әшімбаев Халел Досмұхамедов атындағы Атырау мемлекеттік университетінде ашылған  «ІSpace» коворкинг орталығында  да  болды. Коворкинг кеңестігі бір уақытта 80 резидентті қабылдауға арналған. Қазіргі заманғы инфрақұрылыммен жабдықталған. Жеке  жұмыс орындарымен пікір алмасу бөлмелері, демалыс аймағы бар.

Сонымен қатар, Мәулен Әшімбаев аймақтағы партия активімен кездесті. Келелі кездесуде Президенттің бес әлеуметтік бастамасының және жаңа партиялық жобалардың жүзеге асырылу барысына бақылау жүргізіп, атқарылған жұмыс барысы талқыланды.

СОҢҒЫ ЖАҢАЛЫҚТАР

21.01.2019

Мектеп түлегі «Болашақпен» оқи алады

21.01.2019

Шағын фермалардағы жоғарғы технология

21.01.2019

Қостанай облысы өткен жылы алғаш рет экспортқа мол ет шығарды

21.01.2019

Тереза Мэй Еуроодақтан шығуға байланысты қосымша жоспарын таныстырады

21.01.2019

Нұрсұлтан Назарбаев Зимбабве Республикасы Президентінің ресми сапары бойынша брифинг өткізді

21.01.2019

Қазақстанда соңғы 10 жылда нәрестелер өлімі-жітімі екі есе төмендеді

21.01.2019

Қарағандыда мамандандырылған фронт-офис ашылды

21.01.2019

Нұрлан НҰРҒАЛИЕВ: Ағам – мен үшін нағыз қаһарман!

21.01.2019

Әулиеатада денсаулық сақтау деңгейі жақсарып келеді

21.01.2019

Сыр өңірінің «Өлкетану» оқулығы әзірленді

21.01.2019

Қызылорда облысында экспорт көлемі артады

21.01.2019

Жылқының сүйек құрылымы

21.01.2019

Сәби өлімі неге көп?

21.01.2019

Алматылық студенттердің ішімдікті қаншалықты тұтынатыны зерттелді

21.01.2019

Б.Сағынтаев «Франция–Қазақстан» сауда-өнеркәсіптік палатасының өкілдерімен кездесу өткізді

21.01.2019

Ақтөбеде сегіз өзеннің арнасы тазаланып, тереңдетіледі

21.01.2019

Маңғыстауда шетелдіктер тастап кеткен кемелерді сатып алып жүр

21.01.2019

Әл-Фараби ауданына спорттық сауықтыру орталықтары қажет

21.01.2019

Қазақстанда қара және түрлі-түсті металды шетелге шығаруға тыйым салынды

21.01.2019

Қызылорда облысында 283 шетел азаматы әкімшілік жауапкершілікке тартылды

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

ҰҚСАС ЖАҢАЛЫҚТАР

Тағы да оқу

Пікір қосу