Санкцияның салдары сөзсіз сезіледі

Әлемдік БАҚ-тардағы басты тақырып ретінде антиресейлік санкциялардың тым қызу талқыланып жатқанына біраз болды. Сауда саласындағы басты әріптесіміз ретінде, көрші елге қатысты ахуалдың бізді де шарпитыны түсінікті. Ұлттық банк төрағасы алдағы жылы ұлттық валютамыздың инфляцияға ұшырау дәлізінің кең болу мүмкіндігіне де санкцияның салқыны тиюі ықтималдығын айтқаннан кейін бұл тақырып біздің елде де өрши түсті. 

Егемен Қазақстан
11.09.2018 8027
2

Биылғы жылдың қаңтар-мау­сым айларында Қазақстанның Еу­ра­зиялық экономикалық одақ ел­дерімен арадағы өзара сауда көле­мі 8,868 миллиард долларды құ­рап, өткен жылдың осы кезеңдегі көрсеткішінен асып түсті. Бір айта кетерлігі, осы сауда көлемінің 92 проценті Ресеймен арадағы байланыстарға тиесілі екен. 

Каспий төңірегіндегі елдермен экономикалық байланыс қаншалықты күшейді дегеннің өзінде, тағы да Ресейдің үлесі 95 процентке жетіп, 16 миллиард долларды құрады. Сыртқы сауда қарқынды дамып келе жатыр деген Иранмен арадағы көрсеткіш 0,5 миллиард доллардан сәл-ақ асады. Мұның барлығы Қазақстан үшін антиресейлік санкциялардан соғатын дауылды күшейте түсетіні түсінікті.

Сарапшы Жанат Момын­құ­лов­тың пікірінше, қазіргі эконо­микалық санкцияның мақсаты нысанаға алынған мемлекеттің саясатына ықпал етіп, элитасының мінез-құлқына қысым жасау, сөйтіп алған бағытынан бас тарт­қызу екені мәлім. 2014 жылы Ре­сей Қырымды өзіне қосып алғанда АҚШ пен Еуропа одағы алғашқы санкцияларды жариялады. Бұл сек­торалды санкциялар Ресей эконо­микасын құлдыратудан гөрі, атал­ған мемлекеттің аймақтағы әскери іс-қимылын тежеп, Минск шартын орындатқызуға бағытталды. 

– Еуразиялық экономикалық одаққа мүше Қазақстанның валюта бағамына сыртқы нарықтан белгілі әсерлер болғанын жасырмау керек. Аймақ үшін ең өзекті мәселе аталған көлемді санк­цияларға қарсы ұжымдық шара­ларға қатысты болуы ықтимал. Сон­дықтан бұл санкциялар пакеті күрделі болғандықтан Ресей­мен тығыз экономикалық байла­ныс­тағы Қазақстан өз мүдде­лерін бірінші орынға қоюы тиіс, – дейді сарапшы. 

Биыл АҚШ Ресейге қарсы бір­не­ше дипломатиялық, эконо­ми­ка­лық қысым жасау шаралар ке­шенін ойластырып, оның біразын жүзеге асыра бастағаны белгілі.

– Алдағы қараша айында енгі­зілетін қосымша санкциялар ауыр болатын сияқты. Бірін­шіден, бұл санкция маңызды өндіріс салаларына бағытталады. Оның екінші бір бөлігі жекелеген ірі саясаткерлерге қарсы болмақ. Санкциялар әсіресе, Ұлы­британиядағы Скрипаль оқиғасынан кейін қатты өршіп барады. Мұндай қадам­дар Ресей экономикасын әлемдік экономикадан оқшау­лауға бағытталуы мүмкін. Санкция­ларды еш нәтиже берген жоқ деп айтуға болмайды. Рубль ба­ғамы құлдырап, ұлттық экономи­каға қысым күшейді. Мұның бар­лығы көршілес елдерге де әсер ете бастады, – дейді сарапшы. 

Алдағы уақытта Ресейдің энер­гетика, технология, қорға­ныс, қаржы салалары белгілі дең­гейде зиян шегеді. Ең сезімтал салалар ретінде банктік және технологиялық операцияларға көбірек залал келуі мүмкін. 

Арнұр АСҚАР,

«Егемен Қазақстан»

СОҢҒЫ ЖАҢАЛЫҚТАР

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

23.01.2019

Конькимен жүгіру: Классикалық көпсайыстан ел біріншілігі мәресіне жетті

23.01.2019

Қостанайда «Эндохирургия мектебі» өтті

23.01.2019

Ақ Жайықтың жастары жастар жылынан көп үміт күтеді

23.01.2019

Жамбыл облысы жұмыспен қамту бойынша екінші орында тұр

23.01.2019

«Murager production» фото-кино студиясы ашылды

23.01.2019

Иван Дычко 1 наурызда рингке шығады

23.01.2019

Республика бойынша «Қайырымдылық керуені» байқауына үміткерлер іріктеліп жатыр

23.01.2019

«Барыс» қонақта «Металлургті» ұтты

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу