Бес жылдан бері полиграфия және сыртқы жарнама бойынша қызмет көрсетіп келе жатқан агенттік тарихи жәдігерлердің көшірмелерін жасауды Атырауда алғаш болып қолға алған. «Қазақстанның үздік тауары» республикалық көрме-байқауының облыстық кезеңіне жергілікті материалдан дайындалған кәдесый ұсынып, үздіктер қатарынан көрінді.
– Қазір жарнама агенттігіміз «Самұрық-Қазына» қорының әлеуетті жеткізушілер тізімінде. 300-ге жуық бұйым түрін жасаймыз. Жыл сайын 40 жаңа бұйым әзірлейміз. Баға мен сапа көрсеткіштерінің оңтайлы қатынасына сәйкес, кәсіпорын өнімдерінің көпшілігі алыс және жақын шетелдердің нарықтарында табысты бәсекелесе алады деп санаймыз», – дейді мекеме басшысы Асқар Саппаев.
«Эталонның» кәдесыйлары ағаштан, органикалық шыныдан, басқа да материалдардан дайындалады және әрқайсына дара дизайн қолданылуымен ерекше.
Бақытгүл БАБАШ,
«Егемен Қазақстан»
АТЫРАУ