Футбол • 18 Қыркүйек, 2018

«Астана» 4 қазан күні өз алаңында Францияның «Ренн» клубымен ойнайды

504 рет
көрсетілді
1 мин
оқу үшін

Футболдан УЕФА Еуропа лигасының топтық турниріндегі өзінің алғашқы ойынын «Астана» 20 қыркүйек күні Киевте жергілікті «Динамоға» қарсы өткізетіні белгілі.

«Астана» 4 қазан күні өз алаңында Францияның «Ренн» клубымен ойнайды

Қазіргі кезде біздің футболшылар Украинаның астанасында өздерінің соңғы дайындықтарын пысықтауда. Киевке сапар шеккендер арасында елордалық клубтың мына ойыншылары бар: Қақпашылар – Ненад Эрич, Александр Мокин, Станислав Павлов. Қорғаушылар – Марин Аничич, Юрий Логвиненко, Антонио Рукавина, Сергей Малый, Дмитрий Шомко, Евгений Постников. Жартылай қорғаушылар – Ласло Кляйнхайслер, Иван Маевский, Бактиер Зайнутдинов, Ричард Алмейда, Педро Энрике, Марин Томасов, Серікжан Мұжықов, Сұлтан Сағынаев. Шабуылшылар – Алексей Щеткин, Жуниор Кабананга, Рангело Янга, Роман Мұртазаев және Владислав Прокопенко.

Естеріңізге сала кетейік, «К» тобында өнер көрсететін «Астана» келесі кездесуін 4 қазан күні өз алаңында Францияның «Ренн» клубына қарсы өткізеді. Одан кейін Чехияға аттанып, 25 қазанда жергілікті «Яблонецпен» күш сынасамыз. 8 қарашада чехтармен қайта кездесеміз. Бұл матч «Астана аренада» өтеді. 29 қарашада Киевтің «Динамосын» қабылдаймыз. Ал топтық турнирдегі ең соңғы бәсекені 13 желтоқсанда Францияда өткіземіз.  

Ғалым СҮЛЕЙМЕН,

«Егемен Қазақстан»