Ақтөбеде «Анаға тағзым» орталығы ашылды

Кеше облыс орталығында «Анаға тағзым» рухани-адамгершілік тәрбие беру орталығы ашылды.

Егемен Қазақстан
22.09.2018 15530
2

Салтанатты рәсімге облыс әкімі Бердібек Сапарбаев, облыстық мәслихат хатшысы Сәния Қалдығұлова, Ақтөбе қаласының әкімі Ілияс Испанов, сондай-ақ еліміздің әр өңірінен келген белгілі тұлғалар, атап айтсақ, әнші, Қазақ КСР және КСРО халық артисі Бибігүл Төлегенова, Социалистік Еңбек Ері, Қазақ КСР-інің еңбек сіңірген агрономы Вера Сидорова, жазушы, қоғам қайраткері Алтыншаш Жағанова, ақын, Қазақстан Мемлекеттік сыйлығының лауреаты Марфуға Айтқожина, Бауыржан Момышұлының келіні Зейнеп Ахметова, Әбіш Кекілбаевтың зайыбы Клара Жұмабаева, академик, биология ғылымының докторы Ажар Жұбанова, медицина ғылымының докторы, профессор, Қазақстан Ғылым Академиясының академигі Раиса Көзденбаева, т.б. қатысты.

Шарада облыс әкімі Бердібек Сапарбаев жиналған жұртшылықты жаңа орталықтың ашылуымен құттықтады.

Қазақта «Анаңды Меккеге арқалап апарсаң да, оның алдындағы борышыңды өтей алмайсың» деген сөз бар. Сондықтан біз, бәріміз, ана алдында басымызды иеміз, оларды мәңгі құрметтейміз.

Бүгінгі ашылып отырған ғимарат — ақтөбеліктердің аналар алдындағы борыштарын өтеуге деген шынайы тілегі мен ниетінің көрінісі. Біздің мақсатымыз — тарихта өнегелі өмір сүрген, бүгінгі күні еліміздің дамуына сүбелі үлес қосқан аналарға құрмет көрсету, оларға тағзым ету, ананың адам өміріндегі орны ерекше екенін, ананың сүтімен біздің бойымызға қандай қасиеттер даритынын насихаттау, облыстағы қыз-келіншектерімізді сол батыр, дана аналарымыздың өнегелі өмірінен үлгі алуға шақыру. Мемлекет басшысы Нұрсұлтан Назарбаевтың «Рухани жаңғыру» бағдарламасын жариялағандағы ең негізгі мақсаты — ұлттық құндылықтарымызды сақтау, ұлықтау, өсіп келе жатқан ұрпақтың бойына қазақтың салт-дәстүрлерін, үрдістерін сіңіру. Сондықтан бүгінгі ашылып отырған орталықта біздің жастарымыз қазіргі заманның талабына сай озық үлгілерді үйреніп, абзал аналарымыздың өмірінен өнеге алып, абыройлы, білімді, иманды болып өсетініне сенеміз.

Барлық ақтөбеліктердің атынан Бибігүл Ахметқызы бастап келген аналарымызға, апаларымызға көп рақмет айтамын. Сондай-ақ облыс басшылығы атынан осы ғимараттың салынуына демеушілік көрсеткен барлық кәсіпкерлерге ризашылығымды білдіремін. Ақтөбеде бой көтеріп жатқан орталықтар, зәулім ғимараттар осы демеушілердің, кәсіпорындардың, кәсіпкерлердің қаржысына салынып жатыр.

Ең негізгісі, бәрімізге ортақ бүгінгі қуаныш құтты болсын! Барлық аналарымыз, қыз-келіншектеріміз аман болсын! Қазақ елінің абыройы арта берсін! — деді облыс әкімі.  

Бұдан кейін жазушы, қоғам қайраткері Алтыншаш Жағанова жиналғандарға жылы лебізін білдірді.Халқымның алтын ұл-қыздарынан айналайын! Олардың осындай жасаған бастамасына, игілікті ісіне мың да бір рақмет! Мұндай ғимаратты мен әлемде кездестірген жоқпын. Бұл — бүкіл дүниежүзіне тарататындай керемет дүние. Бұл аналардың ғана орталығы емес, өсіп келе жатқан ұл-қыздарымызға тәрбие беретін, ұлттық құндылықтарымызды насихаттайтын орталық деп санаймын. Сондықтан осы игілікті істі жасаған азаматтарға мың алғыс! Осы бастаманың қасиетті Ақтөбе жерінен басталып отырғанының өзінде үлкен мән бар. Бұл өмірде анадан артық қасиетті ештеңе жоқ! Сондықтан ендігі уақытта әр азамат өз анасын есіне алып, тағзым етуі үшін осы орталыққа келуі керек. Мен облыс әкімі Бердібек Машбекұлына осы идеясы үшін, сондай-ақ оны қолдап, ғимараттың салынуына үлес қосқан іскер азаматтарға ерекше рақметімді айтамын. Ұзақ, бақытты өмір сүрсін деп тілеймін! — деді ол.

Шарада мемлекет және қоғам қайраткері, жазушы Әбіш Кекілбаевтың зайыбы Клара Жұмабаева жүрекжарды тілегін жеткізді.

Бүгінгі қуаныштарыңыз құтты болсын! Болашақ өсіп келе жатқан ұрпақ осы жомарт азаматтардың жасаған жақсылығын түсінетін болсын! Жас ұрпақ, сіздердің алдарыңызда көп міндет тұр. Осы аға-апаларыңның жасаған еңбегін ары қарай жалғастырып, елімізді көркейте беріңіздер! — деді ол.

Салтанатты шарада әнші, Қазақ КСР және КСРО халық артисі Бибігүл Төлегенова, Социалистік Еңбек Ері, Қазақ КСР-інің еңбек сіңірген агрономы Вера Сидорова, ақын, Қазақстан Мемлекеттік сыйлығының лауреаты Марфуға Айтқожина, Бауыржан Момышұлының келіні Зейнеп Ахметова жаңа орталықтың лентасын қиып, облыс әкімі бастаған құрметті қонақтар орталықты аралап шықты.

Бұдан кейін орталықтың үлкен залында облыс әкімі Бердібек Сапарбаев, академик, биология ғылымының докторы Ажар Жұбанова және медицина ғылымының докторы, профессор, Қазақстан ғылым академиясының академигі Раиса Көзденбаева бір топ көпбалалы анаға «Алтын алқа» төсбелгісін табыстады.

Бүгіннен бастап осы зал әрдайым осы өңірден шыққан, көп бала өсіріп, тәрбиелеген аналарды құрметтейтін, марапаттайтын зал болады. Осы жерде батыр аналарымызға «Алтын алқа», «Күміс алқа» төсбелгілері табысталатын болады. Биылғы жылы облыста көп бала тәрбиелеген, елімізге еңбек сіңірген аналарға «Ана даңқы» төсбелгісі дайындалып жатыр.

Өздеріңізге белгілі, Елбасы Нұрсұлтан Назарбаев елімізде аналарға ерекше құрмет- қошемет көрсетіп келеді. Бүгінгі күні ұлан-байтақ жеріміз Қазақстанда 18 миллион адам тұрады, бұл, әрине, аз. Ол үшін халықтың санын көбейтуіміз керек. Сондықтан билікте жүрген біздер аналарға барлық жағдайды жасауымыз керек. Бүгінгі бастама — соның бір айғағы, — деді Б.Сапарбаев.

Шара соңында Ажар Жұбанова жиналғандарға жылы лебізін білдірсе, Раиса Көзденбаева облыста медицина саласының қарқынды дамып жатқанын, ал бұл өз кезегінде ана мен бала денсаулығына, ұлт болашағына жасалып жатқан үлкен қолдау екенін атап өтті.

Салтанатты шарадан кейін әнші, Қазақ КСР және КСРО халық артисі Бибігүл Төлегенова бастаған топ «Аналар» аллеясына шырша отырғызып, көпшілікпен естелік суретке түсті.

Бүгін облыс әкімі Бердібек Машбекұлының бастамасымен облыс орталығында «Анаға тағзым» орталығы ашылып отыр. Орталықта өнегелі өмір сүрген, ерлігімен есте қалған танымал әйелдер, белгілі тұлғалардың аналары туралы кең мағлұмат беретін мұражай, психологиялық, кеңес беру кабинеттері, қолданбалы өнер, музыкалық тәрбие беруге арналған арнайы бөлмелер жасақталған. Жалпы «Анаға тағзым» жобасы аясында облыс бойынша 200-ден астам адам, 300-ге жуық кәсіпорын, Мұғалжар, Шалқар аудандарының өндірістік ұжымдары өз есепшоттарынан осы орталықтың салынуына қаржы аударып, өз үлестерін қосты. Соның нәтижесінде бүгін, міне, Ақтөбеде осындай әдемі, зәулім ғимарат ашылып отыр. Біз өте қуаныштымыз. Бұл орталық тек аналар ғана емес, барлық әйелдер, қыз-келіншектер бас қосатын орталық болмақ. Бұл орталықтың салынуына 350 миллион теңге қаржы жұмсалса, оның құрылысын жүргізуге 10 мың адам үлес қосты, — дейді Ақтөбе қаласы әкімінің орынбасары Күлпаршын Айдарханова.

Айта кету керек, аталған ғимараттың құрылысын мердігер ұйым «ЕСАТ» ЖШС жүргізсе, жобалаушы ұйым — «РегионСтройПроект» ЖШС.

Үш қабатты ғимаратта «Ана даңқы» музей-галереясы, мультимедиялық экспозиция залы, хореография залы, сондай-ақ бірыңғай тақырыптық кабинеттер орналасқан.

Данагүл ҚАЗИХАН

СОҢҒЫ ЖАҢАЛЫҚТАР

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

16.02.2019

Алматыда студенттер арасында «IITU Robocon 2019» робототехника чемпионаты өтті

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу