Атырау қаласында ашылған көші-қон қызметін көрсету орталығы осындай мүмкіндік туғызып отыр. «Бір терезе» қағидаты бойынша жұмыс істейтін орталық мигранттарға ел аумағында еңбек қызметін жүзеге асыруға арналған рұқсат беру, рұқсат мерзімін ұзарту, уақытша тіркеу, Қазақстанда тұрақты тұруға қалдыру қызметтерін көрсетеді. Медициналық тексеру, дактилоскопиядан өту, сақтандыру полисін рәсімдеп, ЖСН нөмірін алу секілді рәсім- дер де осында атқарылады. Бұрын мұндай орталық Астана, Алматы, Шымкент қалаларында ғана болатын. Енді осы қатарға Атырау да қосылып отыр.
Мұнайлы өңірге шекара асып келіп еңбек етуге ниеттілер саны жыл санап артып келеді. Жыл басынан бері облыстық ІІД Көші-қон қызметі басқармасының қызметкерлері 75 503 шетелдіктің уақытша тіркелуін рәсімдеген. Басқарма басшысы Болат Досқалиевтің айтуынша, биыл 55 мың мигрант Қазақстан аумағында еңбек етуге рұқсат алуға, рұқсат мерзімін ұзартуға құжат тапсырған.
Бақытгүл БАБАШ,
«Егемен Қазақстан»
АТЫРАУ