Аймақтар • 29 Қыркүйек, 2018

«Ұлы Дала Eліне саяхат» Отырар қаласына жетті

804 рет
көрсетілді
4 мин
оқу үшін

28 қыркүйекте «Ұлы Дала Eліне саяхат» жобасының «Жаңа Жібек жолы» бағдары бойынша қатысушылары Түркістан облысындағы тарихи орын — Отырар қаласына келіп жетті, деп хабарлайды primeminister.kz.

«Ұлы Дала Eліне саяхат» Отырар қаласына жетті

12 күнде экспедиция қатысушылары облыспен Орта Азиядағы ең ертедегі қорықтардың бірі Ақсу-Жабағылыдан бастап танысқан еді. Қорықтың жалпы ауданы 131 934 га құрайды. Бұл жерді сирек кездесетін жануарлар мекендейді және мұнда 170-тен аса өсімдік түрі өседі.

Ақсу-Жабағылы қорығының аумағында әртүрлі экскурсиялар жүргізіледі. Табиғатты сүюшілер үшін экологиялық экскурсиялар және мектеп оқушыларына арналған балалар бағдарлары бар. Қорықта адамдардың ең көп баратын жерлерінің бірі — Ақсу шатқалы, ол көне замандарда тұрақ орны болған, мұны тастағы суреттер куәландырады. Шатқалдың тереңдігі 1800 м.

Батыс Тянь-Шаньның шығыс бөлігінде орналасқан Сайрам-Өгем мемлекеттік табиғи паркінде бағдар қатысушылары 2350 метр биіктіктегі Сайрамсу көліне тоқтады. Бұл мұздықтан пайда болған тамаша көріністі көл, суы өте салқын, өйткені көл қуатты жерасты бұлақтардан толығып отырады.

Бұдан басқа, бағдар қатысушылары Ұлы Жібек жолындағы тағы бір әйгілі қала – Сауранның орнын көрді. Бүгінде өңір өкіметтері қаланы туристер үшін тартымды орынға айналдыруға бар күштерін салуда. Туризм индустриясын дамыту, жаңа нысандар құрылысы және көшелерді реконструкциялау қала әкімшілігі әзірлеген «Көне Түркістан» тұжырымдамасында қарастырылған.

Бұл ең мазмұнды бағдарлардың бірі болды, өйткені саяхатшылар мүлде аз уақыт ішінде мейлінше көп жерлерге барды, олардың арасында: Жаркент, Қорғас селосы, Саты кенті, тау биігіндегі Көлсай көлдері мен Қайыңды көлі, Шарын мемлекеттік ұлттық тарихи паркі, Темірлік шатқалдары, Бекіністер алқабы, «Алтын Емел» мемлекеттік ұлттық табиғи паркі, Ақтау таулары, Әнші құм, Талқыз қаласының орны, Таңбалы шатқалы, Ақыртас археологиялық кешені, Қарахан және Айша-Бибі кесенелері және т.б.

Отырар — «Ұлы Дала Eліне саяхат» жобасы бағдарларының соңғы нүктесі. Отырарда қатысушыларды ҚР мәдениет және спорт министрі Арыстанбек Мұхамедиұлы қарсы алды.

«Құрметті экспедиция қатысушылары, сіздерді ірі және отандық туризмнің дамуы үшін маңызды «Ұлы Дала Eліне саяхат» экспедицясының аяқталуымен қуанышпен құттықтағым келеді. Үш ай шамалас біздің туған өлкеге саяхат артта қалды, сіздер біздің тамаша Отанымыздың ең ғажайып жерлерін көрдіңіздер! Нәтиже бізде сұлу табиғат пен назар аударуға лайықты тарихи ескерткіштер санының көптігін көрсетті. Енді өңірлерде ішкі туризмді дамыту жұмысын жалғастыру керек, бұны өскелең ұрпаққа көрсету, біздің игіліктерімізді шетелдік туристерге таныстыру қажет», — деді Арыстанбек Мұхамедиұлы.

Кері жолда қатысушылар Шымкент қаласының көрікті жерлерін тамашалайды және қаладан 90 шақырым жердегі Ақмешіт үңгіріне барады. Ол әктас жыныстарынан пайда болған және жартас қуысы болып табылады. Ішінен оның шеттері киіз үй күмбезін еске салады.

«Ұлы Дала Eліне саяхат» экспедициясының алты бағдары аясында бірнеше мыңдаған шақырым артта қалды. Қорытынды ретінде әрбір бағдар бойынша фото-, бейнебанк, жолкөрсеткіш және жаңа туристік бағдарлар жасалатын болады.

«Ұлы Дала Eліне саяхат» экспедициясы Астана қаласының 20-жылдығын мерекелеу аясында өткізілгенін естеріңізге сала кетейік. Ұйымдасырушысы — Мәдениет және спорт министрлігінің Туризм индустриясы комитетінің тапсырысы бойынша «Kazakh Tourism» ҰК. «Жаңа Жібек жолы» экспедициясының бағдарын «QazaqGeography» РҚБ жүзеге асырды. Экспедиция қатысушыларының құрамында тәжірибелі саяхатшылар, туроператорлардың өкілдері, шетелдік және қазақстандық тревел-блогерлер, сонымен қатар «National Geographic Ресей» командасының өкілдері бар.