«Астана» «Реннге» азуын көрсетті

УЕФА Еуропа лигасының топтық кезеңінің екінші туры аясында елорданың «Астана» командасы өз алаңында Францияның «Ренн» командасын қабылдап, 2:0 есебімен жеңіске жетті.   

Егемен Қазақстан
06.10.2018 2967
2

Екі команда арасындағы кездесу басталмай тұрып футбол сарапшыларының пікірі екіге бөлінді. Бірі чемпионаты жағынан, деңгейі жағынан және халықаралық тәжірибесі жағынан жоғары «Ренн» командасы басым түседі десе, екіншілері «Астана» өз алаңында жеңіле қоймайды, тым құрығанда тең нәтижеге қол жеткізеді дескен болатын. Ал тіпті букмекерлік кеңселер матч басында-ақ «Астана» жеңіске жетеді деп есептеген. 

Кездесуге бір сағат қалғанда екі команданың бас бапкерлері негізгі құрамның тізімін жария­лады. Григорий Бабаян алаң­ға бірінші минуттан бастап венгриялық жартылай қорғаушы Ласло Кляйнхайслерді емес, Қазақстанның болашақ үміті санал­ған Бақтиер Зайнутдиновті шығарды. Қалған футболшы­лар негізгі құрамдағы өз орын­дарын сақтап қалған. «Ас­тана» бас бапкері алаңда шап­шаңдығымен көзге түсіп, кейде екі футболшының мінде­тін атқаратын Ласлоны алаңға неге шығармағанын былай түсіндірді. «Ласло кешегі жаттығу кезінде өзін жайсыз сезін­гендіктен, оны алаңға шығарып, тәуекелге барғымыз келмеді».

Ал қарсылас команда сапынан негізгі құрамда Францияның бес дүркін чемпионы атанып, биыл ғана ПСЖ командасынан «Реннге» ауысқан Хатем бен Арфаны көре алмадық. Баспасөз мәслихатында бас бапкер Сабри Лямуши «Оны Қазақстанға әдейі әкелген жоқпыз. Өйткені оған демалыс бергенді жөн санадық. Оның үстіне бұл матчтан кейін бізді Франция чемпионатында «Монакоға» қарсы маңызды кездесу күтіп тұр», деді мән-жайды түсіндіріп.

Енді аз-кем «Астана» – «Ренн» матчына тоқталып өт­сек. Кездесуді елордалықтар ша­буылмен бастап, қарсылас командаға қарағанда жеңіске ынтасы бар екенін бірден бай­қатты. Ойынның басында-ақ екі бұ­рыштама және бір айып добын орындап, Марин Томасов пен Педро Энрике «Ренн» футболшыларын аздап састырғаны бар. Бірақ матчтың 13-минутында Мбай Ньянг алыстан соққы бағыттап, доп Эрич қорғаған қақпаның бағанына тиіп кері серпілді. Тайм аяғына дейін ойын орта деңгейде өрбіп, екі команда да айтарлықтай қауіпті шабуыл ұйымдастыра алған жоқ. 

Екінші таймды да «Астана» шабуылмен бастап, ойынның 65-минутында ақыры дегеніне жетті. Кезекті бұрыштама сәтінде Марин Томасов әуелете тамаша пас асырып, допқа бірінші жеткен Бақтиер Зайнутдинов басымен допты қақпаға топ еткізді. Есеп – 1:0. Қақпасына гол өткізіп алған соң қонақтар жиі шабуылдаумен болса, біздікілер осы есепке де «қанағат» дегендей қорғанысқа мықтап «жатып» алды. «Реннің» шабуылы қақпамызға үдей түскенінен сес­кенген Бабаян алаңға бесінші қорғаушы Юрий Логвиненконы шығарды. Матч осы есеппен аяқталуына екі команда да іштей келіскен сыңай танытқан болатын. Алайда ойынға қосылған 

4 минуттың 1-минутында қарсы­ластың қателігін тиімді пай­даланған Марин Томасов есепті 2:0-ге жеткізді. Осылайша, «Астана» өз алаңында «Реннді» тізе бүктірді. 

Матчтан кейін екі команда бас бапкерінің пікірін тыңдадық. Бірінші болып сөз алған «Ренн» бапкері футболшылары допқа жақсы иелік еткенімен, жеңіліске ұшырағаны қынжылтатынын айтты. «Біздің жеңілісімізге Қазақстанға дейінгі алыс жол әсер етті. Дегенмен, «Астана» қолайлы сәттерін жақсы пайдаланды. Ал біздің командаға тепе-теңдік, сенім, қорғаныс пен шабуыл­дағы нәтижелілік жетіспеді», деді ол.

Григорий Бабаян өз шәкірт­теріне көңілі тоқ екенін жет­кізді. «Бүкіл Қазақстанды «Ас­тананың жарқын жеңісімен құттық­таймын! Ойын соңына дейін жанкештілік танытқан жігіттерге ерекше алғысымды білдіремін.  «Астана» өте керемет еуро­па­­лық футбол атмосферасын ту­ғыза алды», деді Григорий Бабаян.

«Астана» – «Ренн» матчынан кейін Чехияда топтағы екінші ойын өтті. «Яблонец» командасы өз алаңында Украинаның «Динамо» клубымен 2:2 есебімен тарқасып, төрт ұпайы бар «Астана» «K» тобында көш бас­тады. Енді елорда командасы келесі ойынын 26 қазанда сырт алаңда «Яблонец» клубымен өткізеді.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

19.10.2018

Ресей қорғаныс министрлігінің апатқа ұшыраған Л-39 ұшағының құлаған жері белгілі болды

19.10.2018

Түркі кеңесінің Экономика министрлерiнiң 8-шi кездесуi 2018 жылдың 17 қазанында Бішкекте өттi

19.10.2018

Багам аралдарында Бағытбергеновтың бағы жанды

19.10.2018

Ұлттық банк халықтың құқығын бұзған банктерді атады

19.10.2018

Ресей, Қазақстан, Өзбекстан жаңа ғарыш жобасын бастамақ

19.10.2018

Нәтижесі көңілімізден шығады

19.10.2018

Робот техникасынан өткен халықаралық чемпионатта қарағандылықтар жүлдемен оралды

19.10.2018

«Өзен» фильмі «Азиялық Оскардан» үмітті

19.10.2018

Танымал ақын Абдрахман Асылбеков өмірден озды

19.10.2018

Айкерім Мұқағалидың ауылына барады

19.10.2018

Парламент Сенатының депутаты Атбасарға барды

19.10.2018

Ең төменгі жалақыны ұлғайту үшін үш жылда 288,9 млрд теңге қарастырылған - Қаржы министрі

19.10.2018

Ақтау-Баку бағытындағы жүк кемесінің экипаж мүшелері уланды

19.10.2018

Қазақ­стан 140 елдің ішінде 59-орынға табан тіреген

19.10.2018

Зиялы қауым өкілдері Жолдауға пікір білдірді

19.10.2018

Қазақстанда Ішкі істер департаменттерінің атауы өзгертілді

19.10.2018

«Азия-Еуропа» саммиті Брюссельде өтіп жатыр

19.10.2018

Оралда Ассамблея мүшелері кеңесті

19.10.2018

Амангелді Кеңшілікұлы: «Әдебиетіміздің алтын ғасыры алда»

19.10.2018

Данияр Елеусінов: Бостонда айқасу - мен үшін абырой

ТАҒЫ ЖҮКТЕУ
КОЛУМНИСТЕР

Мирас Асан, «Егемен Қазақстан»

Ádep pen ádet

Jýyrda Almaty qalasyna jolymyz túsip, taǵylymy mol tamasha toıǵa qatystyq. Taý shatqalyna aqshańqan shatyr tigip, qudalaryn taǵatsyzdana kútip turǵan almatylyqtardyń ónegeli isine kóz toıyp, kóńil marqaıady. Biz toıly aýylǵa qudalar kelmeı turyp barǵan edik. Qyzyq ıelerimen burynnan tanyspyz. Arǵy túbi Arqanyń qazaqtary. Ultymyzdyń qadym zamandardan beri kele jatqan salt-dástúri, tartý-taralǵysy, jón-joralǵysy yqylym josynymen úılestirilgen toıdyń erekshe bolatyny sezilip tur.

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу