Меніңше, Қазақстанның Дүниежүзілік банк рейтингісіндегі көптеген көрсеткіштер, соның ішінде «Doing Business» индикаторы бойынша алға шығуы кездейсоқ емес. Жетекші экономикасы бар көптеген елдердің осы бір қазақстандық тәсілді өздеріне ыңғайлы етіп иемденуіне болар еді деп ойлаймын.
Жоспарлы даму мен бағытты уақтылы түзетіп отыру туралы айтқанда, ең алдымен Қазақстан Президенті Нұрсұлтан Назарбаевтың жыл сайынғы халқына Жолдауын ерекше атап өткім келеді. Бұл Жолдау өзегінде елдің алдағы жылда және болашақта қалай қарай даму керектігінің жан-жақты схемасы мен іс-әрекет алгоритмі тұрады. Мен Н.Назарбаев мырзаның өткен жылғы Жолдауын зерделеп шыққан едім, бұл жолғы Жолдауымен де таныстым. Бұл құжаттардың бірізділігін, жалғастылығын, бір-бірін өзара толықтырып тұратын логикалық жүйелілігін көріп отырмын.
Президент мырза өз ой-пікірін халықаралық саясат пен экономика қағидаттарын терең түсінуімен қуаттап отырады. Осы орайда Қазақстан халқының билік көрсеткен қамқорлықтың игілігін көруіне, ал ел басшылығының алға қойған мақсаттарға табыспен қол жеткізуіне тілектестік білдіремін.
Франтишек МАСОПУСТ,
ТМД елдері бойынша сауда-экономикалық палатасының басқарма төрағасы
