Катя салған ән қандай!

«Сендерде, Шемонаиха ауданында Екатерина деген орыс қызы тұрады екен. Қазақша керемет сөйлейді дейді. Өзі сондай белсенді. Сол кісі туралы мақала әзірле» деген тапсырма түскенде Екатеринаға теле­фон шалмас бұрын «кейіп­керіміз туралы қандай дерек бар екен?» деп ғаламторға көз жүгірткенімде «Одно­классники» әлеумет­тік желісіндегі парақшасына жаз­ған мына бір сөзі көңі­лімізді елең еткізгені рас.

Егемен Қазақстан
08.10.2018 2301
2

Байып кетсең байлыққа көп құнықпа, 

Жүректегі иманыңды суытпа. 

Ей, бауырым, сол байлықты Алланың,

Өзі беріп, өзі аларын ұмытпа.

Осы сөзді оқығаннан кейін оның қазақ тілін білетініне еш кү­мәніміз қалмаған. Иә, Екатерина өзге ұлт өкілдері көп қоныстанған Шемонаиха ауданында тұрады екен. Қазір аудан орталығындағы Мәдениет үйінде әнші болып жұмыс істейтін ол 1991 жылы Бес­қарағай ауданының Бозтал ауылында дүниеге келіпті. «Қа­зақ тілін осындағы мектепке бар­ғаннан кейін үйрендім. Апам мен әкем үйде орысша сөйлейтін. Біз осы ауылдағы жалғыз орыс отбасы болдық. Жасыратыны жоқ, мектепке барған кезде қиындықтар кездесті. «Мектепке барғым кел­мейді, оқығым келмейді, қазақ балалар бізді бөледі» деп жылаған кездеріміз де болды. Апайым мен сіңілім де осы мектепте оқыды. Не керек, ақыр соңында қазақшаға судай болып шықтық қой», – дейді Екатерина.

Екатерина Бозталдағы мек­теп­ті бітіргеннен кейін Шемо­наи­хадағы гуманитарлық-тех­ни­калық колледжде «Дене шы­нықтыру» мамандығы бойынша білім алға­нымен бүгінде өнер жолында тер төгіп жүр. Өзінің айтуынша,­ репертуарында 30-дан астам қазақ әні бар. «Бір тылсым күш мені өнер саласына жетелегендей болды. Әйтпесе ешқандай музыкалық білімім жоқ. «Дедім-ай, ау», «Кө­зіңнің мөлдірін-ай» деген секіл­ді ха­лық әндерін орындағанды жақ­­сы көремін. Гүлмира Сарина шыр­­қайтын «Шығысым, шырайлы елім» әнін де жиі айтамын. «Ке­шікпей келем деп ең» деп, Шәм­ші әндерін де әуелетемін. Тамара Асар, Роза Әлқожа, Ерке Есмаханның әндері де жүрегіме жақын. Репертуарымда орысша әндерден гөрі қазақша әндер көп. Қазір тойларға да жиі шақырады. Өзімнің әріптесім Нұрболат Ра­йысов екеуміздің «Ақниет» деп ­аталатын дуэтіміз бар», – дейді кейіп­­керіміз.

Екатерина –­ қа­­зақ­тың келіні. Бүгінде жол­дасымен бірге Аяулым, На­ри­ман есімді ұл мен қыз­ды тәр­биелеп отыр. «Байып кет­сең бай­лыққа көп құнықпа, Жүректегі иманыңды суытпа» деп өзінің әлеуметтік желідегі па­рақ­­шасына жазғанындай, осы­дан 10 жыл бұрын ислам ді­нін қабылдапты. «Ислам дінін тұр­мысқа шықпай тұрып қабылда­дым. Қазақ тілі туған ті­лім сияқты. Шынын айтсам, орыс тілінен гөрі ойымды қазақша оңайырақ жеткі­земін. Қызымыз Аяулым орысша мектепке, ұлымыз Нариман қазақша балабақшаға барады. Үйде бәріміз қазақша сөй­лесеміз. Өзге ұлт өкілдерінің са­ны басым болғандықтан Шемо­наи­хада ха­лықтың көбі орысша сөйлейді. Жолдасым кей кездері қазақ­шадан гөрі орысша көп сөй­леп кетеді. Кейде оған да қазақша үйре­тіп жіберетінім бар (күлді). Шемо­наихалықтар менің қа­зақ­шама әуелде таңғалатын, қа­зір үйреніп ал­ған секілді. «Қа­зақстанда тұратын әрбір азамат қазақ тілін білуі керек. Ақырындап меңгеруі керек» деп үнемі айтып жү­ремін. Өйткені қазақ тілі  – мақ­танышы­мыз, болашағымыз», – дейді ол.

Екатерина Бейсембаева былтыр Глубокое ауданында өзге ұлт өкілдері арасында өткен облыстық «Абай оқулары» байқауында же­ңім­­паз атаныпты. Тарбағатай ауда­­­нын­да ұйымдастырылған «Тар­ба­ғатай жұлдыздары» халық­ара­лық ән байқауына қатысыпты.  

Ана тілімізді ардақтаудың үз­­­­­­дік үлгісін көрсетіп жүрген жан­­­­­­­­­­­­­­ның ендігі бір арманы – жо­ғары білім алу. «Семей мен Өске­мен­­нің бірінде музыкалық бі­лім алып, өнерімді одан әрі шың­дай түссем деймін. Және осы мүм­кін­дікті пайдаланып мені үне­мі қол­дап, бағыт-бағдар бе­ріп жү­ретін аудандық Мәде­ниет бө­лімінің басшысы Әлия Сел­теева мен Мәдениет үйі­нің директоры Қарақат Атахановаға алғы­сымды жеткізгім келеді», – дейді Екате­рина. 

Әріптестерінің Екатеринаға деген құрметі өзгеше. «Катяны ерекше жақсы көреміз. Қазақ тілінде жетік сөйлейді. Қа­зақтың салт-дәстүрін ұстанады. Осында өтетін кештерді қазақ тілінде жүргізеді. Қазақтың ән­дерін шырқайды. Біздің Мәде­ниет үйінде жұмыс істейтін өнер­паздардың көпшілігінің кәсіби білімдері болмаса да, табиғи таланттарымен жұртшылықты тамсантып жүр. Катя да сондай өнер иесі. Екі бала тәрбиелеп отыр. Өзі қарапайым. Еңбекқор. Біздің аудан­да 80 процент өзге ұлт өкілдері тұрады. Қазақтың салт-дәстүрін білмей­тін қазақтар да бар. Ал біздің Катя ұлты орыс болса да, маған қазақ секілді көрінеді», – дейді аудандық Мәдениет үйінің директоры Қарақат Атаханова.  

Азамат ҚАСЫМ,

«Егемен Қазақстан»

Шығыс Қазақстан облысы,

Шемонаиха ауданы

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу