Әлеуметтің әлеуеті арта түседі

Мемлекет басшысы Нұрсұлтан Назарбаевтың тапсырмасымен Премьер-Министр Бақытжан Сағынтаев Шығыс Қазақстан облысына арнайы жұмыс сапарымен келді. Бұл сапардың ерекшелігі, жуырда Елбасының Қазақстан халқына Жолдауынан кейін Үкімет мүшелерінің кеңейтілген құрамымен алғаш рет жаңа стратегиялық міндеттерді өңір жұртшылығымен бірге талқылауы деуге болады. Сапар аясында Үкімет басшысы өңірдегі ірі индустриялық және әлеуметтік нысандарда болып, облыс активімен және кәсіпкерлермен кездесу өткізді. Жүздесу барысында Президент Жолдауында жүктелген міндеттерді жүзеге асыру мәселелері жан-жақты сөз болып, нақты тапсырмалар берілді.

Егемен Қазақстан
11.10.2018 4470
2

Семейдегі серпіліс

Үкімет басшысы өңірдегі сапарын Семей қаласынан бастады. Әуелі шаһарда жөндеу жұмыстары жүргізіліп жатқан әуежайдың ұшу-қону жолағымен танысты. Айта кетейік, 30 жыл бойы жөндеу көрмеген әуежайға мемлекеттік «Нұрлы жол» бағдар­ламасы арқылы 10 млрд теңгеден астам қаржы бөлінген болатын. Жаңғырту қорытындысы бойынша әуежай «В» санатындағы халықаралық әуежайларға арналған ИКАО (Халықаралық азаматтық авиация ұйымы) талаптарына сай болмақ. Ал бұл 300 жолаушыға дейін тасымалдай алатын Boeing, Airbus, ИЛ-76 түріндегі әуе кемелерін қабылдауға мүмкіндік береді. Яғни, тәулігіне 25-30 рейске дейін, сағатына 200 адамға дейін қызмет көрсетуге жол ашылады. 

Премьер-Министр бұдан кейін қаладағы Жедел медициналық жәрдем ауруханасында болды. Мұндағы операция жасау, қабылдау бөлмелері жаңа Triaqe жүйесіне көшірілген. Облыс­тық денсаулық сақтау басқар­масының басшысы Марат Шоранов Жедел жәрдем ауруханасы заманауи жабдықтармен қамтамасыз етіл­генін, биылғы 8 ай ішінде 9 мыңға жуық науқасқа қызмет көрсетілгенін айтып берді. Сонымен қатар осы жерде Б.Сағынтаевқа облыстағы «Денсаулық» бағдарламасының орындалуы туралы ақпарат ұсынылды.

Үкімет басшысы өңірдің индус­трия­лық дамуымен, атап айтқанда машина жасау саласымен танысу мақсатында «Daewoo Bus Kazakhstan» және «СемАЗ» ЖШС-на барды. Б.Сағынтаев автоқұрастыру зауытының жұмысын көріп, тех­нологиялық процеспен және қосал­қы бөлшектер мен аккумуляторлар өндірісі желісімен, түрлі дайындау сатыларындағы автокөлік құрастыру сапасымен танысты. Кәсіпорынның бас директоры Әсемхан Досқожанов 2017 жылы 3 млрд теңгеге 136 автобус, ал биылғы қаңтар-тамыз айларында 2,3 млрд теңгенің өнімі өндіріліп, конвейерден 82 Daewoo автобус шығарылғанын баяндады. 

Премьер-Министр Семей қала­сының зиялы қауым өкілдерімен де жүздесті. Елбасы Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты биылғы Жол­дауының басым бағыттарына жан-жақты тоқталды. «Мемлекет бас­шысының биылғы  Жолдауының өзгешелігі – әрбір қазақстандыққа арналғандығында. Жолдаудың негізгі өзегі – халықтың өмір сапасын жақсарту. Бұл ретте Еңбек және халықты әлеу­меттік қорғау, Денсаулық сақтау, Білім және ғылым министрлігіне жүктелген шаруа жетерлік. Еңбек және халықты әлеуметтік қорғау министрлігі жаңа жылдан бастап ең төменгі жалақы мөлшерін бір жарым есеге өсіруі тиіс. Ал атқарушы билік жергілікті жерлерде мемлекеттік бағдарламалар бойынша тұрғын үйлер салуы қажет. Тұрғындар ең алдымен бала-шағасын ойлайды. Қолындағы соңғы малын сатса да, баласы білім алса деп армандайды. Сондықтан жас ұрпаққа білім беретін педагогтердің мәртебесі жоғары болуы тиіс. Біз қазір Білім және ғылым министрлігімен бірлесе мектеп психологі мамандығының мәртебесін көтеруді, олардың жалақысы туралы мәселені қарастырып жатырмыз»,  деді Б.Сағынтаев.

Кеңесте Ұлттық экономика, Ең­бек және халықты әлеуметтік қор­ғау, Денсаулық сақтау, Білім және ғылым, Инвестиция және даму, Ауыл шаруашылығы министрліктері мен «Атамекен» ҰКП басшылары Жолдауды жүзеге асыру аясында ат­қарылатын жұмыстар жайлы баяндады. Ал Семей қаласының тұрғындары Мемлекет басшысының Жолдауында айтылған бастамаларды қуаттап, қолдайтынын жеткізді. Кездесуде «Фирма «Азия» ЖШС-ның құрылтайшысы  Әсемхан Досқожанов Елбасының әлеуметтік бастамаларына қолдау көрсету мақсатында кәсіпорын қызметкерлерінің ең төменгі жалақы мөлшерін 50 пайызға көтеру туралы шешім қабылданғанын айтты. «Біз Президент Жолдауында алға қойылған міндеттерді іске асы­руға әзірміз», деді ол.

Шәкәрім атындағы Семей мем­лекеттік университетінің профессоры, белгілі ғалым Арап Еспенбетов Мемлекет басшысының Жолдауында педагогтердің мәртебесін арттыру бойынша қойылған міндеттердің маңыздылығы мен уақтылы көтеріл­генін атап өтіп, Президентке Абай елі мен Семей халқы атынан ыстық ықы­ласын жеткізуді өтінді.

Өндірісі өскелең өңір

Үкімет басшысының жұмыс сапары одан әрі Жарма ауданында жалғасты. Б.Сағынтаев Бақыршық тау-кен өндіру кәсіпорнында болды. Бүгінгі таңда кен өндіру кешенінде 1097 адам жұмыспен қамтылып отыр. Оның ішінде 97,2 пайызы – еліміздің азаматтары. Бұдан өзге кәсіпорынға мердігер ұйымдардың 700-ге жуық қызметкері тартылған. Қазіргі кезде мұнда жылына 2 млн тонна кен өндіретін тау-кен байыту комбинатын салу жобасы іске асырылып жатыр. Жоба индустриялық-инновациялық даму бағдарламасына енген. Кәсіп­орынға салынған инвестицияның жалпы көлемі 133 млрд теңгеден асады. Өн­діріс орнын аралау барысында ком­бинаттың бас директоры Юрий Овчинников кен өндіру кешенінің күллі ұжымы Жолдаудағы әлеуметтік бастамаларды қызу қолдайтындығын ерекше атап өтіп, өз кезегінде жұмыс­керлерінің еңбекақысын арттыру мәсе­лесі қаралып жатқанын тілге тиек етті.

Үкімет басшысы бұдан кейін облыс орталығына келді. Өскемендегі жаңа шағын ауданда орын тепкен №46 орта мектепте болып, «Назарбаев зияткерлік мектептері» дербес білім беру ұйымы талаптарына сәйкес жабдықталған физика, биология, химия және роботты техника каби­неттерін, IT-сыныпты аралап көріп, өңір­дегі білім беру сапасына оң баға­сын берді. Мектеп директоры Г.Ауғанбаева жаңа модификациядағы сыныптар интерактивті сенсорлық тақ­талармен, микроскоптармен, хи­мия­­лық тәжірибелерге, биология жұ­мыс­тарына арналған арнайы жаб­дықтармен жарақтандырылғанын айт­ты. 

Бүгінде облыста «Назарбаев зият­кер­лік мектептері» стандарттарына сәйкес 277 орта мектепті жаңа модификациялау және роботты техника сыныптарымен жабдықтау жұмыстары жүргізілді. 1 қыркүйектен бастап 277 жалпы білім беру мектебінде IT-сыныптары ашылды. 

Сондай-ақ Шығыс Қазақстан облыстық драма театрында өт­кен облыс активімен және қала жұрт­шы­лығымен кездесу барысында Б.Сағынтаев бастаған Үкімет мүше­лері мен өңір басшысы Даниал Ах­метов Жолдау аясында алдағы уа­қытта қолға алынатын жобалар туралы айта келіп, жұмыс сапарын қорытындылады. Д.Ахметов Жол­дауды жүзеге асыру бойынша әр са­лада кеңінен өңірлік жұмыс жос­пары әзірленгенін, негізгі міндет халықтың әл-ауқатын арттыру, өмір сапасын жақсарту, табысын еселеуден тұратынын атап өтті.    

Раушан НҰҒМАНБЕК, 

Азамат ҚАСЫМ,

«Егемен Қазақстан»

Шығыс Қазақстан облысы

СОҢҒЫ ЖАҢАЛЫҚТАР

12.12.2018

Елбасының «Ұлы даланың жеті қыры» атты мақаласын талқылауға арналған TEDx форматында жиын өтті

12.12.2018

Мемлекет басшысының төрағалығымен Түркістан қаласын дамыту мәселелері жөнінде кеңес өтті

12.12.2018

Астанада Гейдар Алиевті еске алды

12.12.2018

Алматыда ережесіз жекпе-жектен жарыс өтеді

12.12.2018

«Жер жәннаты – Ақмола» деп аталатын жинақ жарыққа шықты

12.12.2018

Солтүстік Қазақстанда Желтоқсан құрбанын еске алу турнирі өтті

12.12.2018

Сенатта сыбайлас жемқорлыққа қарсы стратегияны іске асыру мәселелері талқыланды

12.12.2018

Солтүстік Қазақстанда цифрлы сүт фермасы іске қосылды

12.12.2018

Қазақ киносының Бауыржанын еске алды

12.12.2018

«Маңғыстау - адалдық алаңы» жобалық кеңсесі ашылды

12.12.2018

Павлодар облысында тұрғындар ауыз суды Ертіс өзенінен алуға мәжбүр

12.12.2018

Солтүстік Қазақстанда қарымды қаламгер Мәлік Мұқановтың  мерейтойы атап өтілді

12.12.2018

Маңғыстау полицейлерінің жалақылары өседі

12.12.2018

Отандық автоөндіріс саласының инвесторлары Қостанайда болды

12.12.2018

Конькиден Алматы қаласының біріншілігі аяқталды

12.12.2018

Қыздар университетінде тұрмыстық әлімжеттікке қарсы жиын өтті

12.12.2018

Қазақ спорт және туризм академиясында Президенттің «Ұлы даланың жеті қыры» мақаласы талқыланды

12.12.2018

Қарағанды облысында 2019 жылдың бюджеті бекітілді

12.12.2018

Павлодарда патриоттық әндер фестивалі өтті

12.12.2018

Шытырман оқиға жазудың жүйріктері анықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу