Құрылысы ұзаққа созылған 25 нысанның 23-інің иелері әкімшілік жауапкершілікке тартылып, 4,3 миллион теңге көлемінде айыппұл төледі. Нысандардың 4-і мемлекеттік меншікке қайтарылса, 4 нысанда құрылыс жұмыстары басталыпты.
Қалалық әкімдік облыс орталығындағы орталық көше Тәуелсіздік даңғылы, 89/4, 89/5 мекенжайында орналасқан ғимараттар- енді жарқырған сауда үйлеріне айналады деп сендіреді.
Мысалы, 2004 жылы облыс орталығында өмірбақи бас бостандығынан айрылғандарға арналған 1500 орындық колония құрылысы басталған-ды. Қазір түрмеге сұраныс жоқ деген себеппен 2008 құрылыс тоқтатылады. Бітпеген құрылыс қалалық әкімдіктің балансына беріледі. Жекешелендіру бағдарламасы аясында сатылымға шығатын нысандар тізіміне алыныпты. Құны-3 млрд 800 миллион теңгеге жеткен.
Сұраныс болмаса,неге құрылыс бастаған? Жауапкершілік кімде? Сонымен бірге, «Сарыарқа» шағын ауданында салынып жатқан №27 тұрғын үйдің құрылысы да қазір құрылысы тоқтап тұр. Жалпы, бұл шағын ауданында жыл соңына дейін 8 тұрғын үйдің берілуін тұрғындар асыға күтуде.
Фарида БЫҚАЙ,
«Егемен Қазақстан»
Павлодар