Аталған құжат қоғамдағы барлық адамдардың игілігін көздейтіндігімен құнды. Онда 2019 жылдың 1 қаңтарынан бастап ең төменгі жалақыны бірден 1,5 есеге өсіру қажеттігі атап көрсетілген. Бұл елдегі 1 млн 300 мың адамның еңбекақысына тікелей қатысты. Бұл шараны Қазақстанның 2050 жылға дейін әлемнің дамыған 30 елінің қатарына қосылу бағытындағы стратегиялық мақсатын жүзеге асырудағы маңызды қадам деп есептеймін.
Жолдауда адамның өмір сүру деңгейін арттыруды көздейтін мақсат-міндеттер нақтыланған. Осы орайда қауіпсіз өмір сүру, баспана, сапалы білім алу, денсаулық сақтау салаларының қолжетімділігі маңызды болып табылады.
Халықтың сұранысын қанағаттандыруда, азаматтардың өмір сүру деңгейін көтеруде заманауи, кәсіби мемлекеттік аппараттың рөлі ерекше. Осыған байланысты Жолдауда мемлекеттік органдардың тиімділігін арттыру, сыбайлас жемқорлықпен күресті күшейту, формализм мен бюрократияны азайту, мемлекеттік қызметтерді көрсетудің жаңа тәсілдерін қолдану сынды мәселелер орынды көтерілген.
Ел алдына қойылған басты міндеттерді жүзеге асыруда тиімді сыртқы саясаттың маңызы зор. Сондықтан Жолдауда атап көрсетілгендей, қазіргі күрделі жағдайда Қазақстан Республикасының сыртқы саясаты бейімделуді жəне ұлттық мүддені прагматизм қағидаттарына сəйкес ілгерілетуді талап етеді.
Əрбір қазақстандық жүргізіліп жатқан реформалардың мəнін жəне олардың елді өркендету жолындағы маңызын жете түсінуі тиіс.
Жолдаумен танысқан әрбір адам онда көтерілген әрбір мәселені еңсеру жолдарының егжей-тегжейлі әрі кешенді түрде зерделенгенін анық аңғарады.
Мені көлік саласының маманы ретінде Қазақстандағы тасымал саласына қатысты көрсеткіштермен атқарылған жұмыстар қызықтырады. Соңғы жылдары Қазақстанда «Нұрлы жол» бағдарламасының арқасында республикалық маңызы бар инфрақұрылым қалыптасты. 2015 жылдан бастап 2400 шақырым автомобиль жолы салынды жəне қайта жөнделді. Бұл жұмыстар жалғасуда.
Қорыта айтқанда, Жолдаудан туындайтын әлеуметтік-экономикалық мақсат-міндеттерді орындауда Қазақстан халқына және Президент Нұрсұлтан Назарбаевқа тек табыс тілеймін.
Тадеуш ШОЗДА,
Темір жол ынтымақтастық ұйымы комитетінің төрағасы (Польша)