Аймақтар • 16 Қазан, 2018

Өскеменде Әміре Қашаубаев атындағы республикалық фестиваль өтеді

414 рет
көрсетілді
1 мин
оқу үшін

17-21 қазан аралығында Өскеменде Мәдениет және спорт министрлігі мен Шығыс Қазақстан облыстық әкімдігінің бірлесуімен Астана қаласының 20 жылдығын мерекелеу аясында Әміре Қашаубаев атындағы республикалық фестиваль өтеді. 

Өскеменде Әміре Қашаубаев атындағы республикалық фестиваль өтеді

Әйгілі әншінің 130 жылдығына орай ұйымдастырылатын мерейтойлық шаралар 17 қазанда сағат 16:00-де облыс орталығындағы «Юбилейный» кинотеатрында шығармашылық интеллигения мен басты рөлдерді сомдаған актерлардың қатысуымен өтетін «Әміре» көркем фильмінің көрсетілімінен және кешке, сағат 19:00-де «Ертiс концерт» залында фестивальдің салтанатты ашылу рәсімінен басталады. «18-20 қазанда Халық әртістері ағайынды Абдуллиндер атындағы Шығыс Қазақстан өнер училищесінде Әміре Қашаубаев атындағы республикалық фестивальдің конкурстық күндері өтеді.

21 қазан күні сағат 19.00-де Шығыс Қазақстан облыстық драма театрында Қазақстанның мәдениет қайраткерлері мен өнер шеберлерінің қатысуымен Гала-концерт және қатысушыларды марапаттау рәсімі болады», - дейді облыстық Мәдениет басқармасының басшысы Азамат Мұхамедчинов.

 

Азамат ҚАСЫМ,

«Егемен Қазақстан»

ӨСКЕМЕН    

Соңғы жаңалықтар

Су үнемдейтін қондырғы

Технология • Кеше