Бокс • 17 Қазан, 2018

Елеусінов Монте-Карлода жұдырықтасады

292 рет
көрсетілді
1 мин
оқу үшін

Қазақстандық кәсіпқой боксшы Данияр Елеусінов жыл соңына дейін екі кездесу өткізбек. Бұл туралы оның промоутері Эдди Хирн мәлімдеді.

Елеусінов Монте-Карлода жұдырықтасады

Бұған дейін үш жекпе-жек өткізіп, үшеуінде жеңіске жеткен отандасымыз төртінші кездесуін 20 қазанда АҚШ-тың Бостон қаласында өткізеді деп жоспарланған. Кездесу алты раундқа белгіленгенімен, қазірше қарсыласының есімі белгісіз.

Елеусіновтің кәсіпқой шаршы алаңдағы бесінші айқасы 24 қараша күні Монаконың Монте-Корле қаласында өтеді. Эдди Хирннің мәлімдеуінше, бұл кештің басты айқасы ресейлік Денис Лебедев пен америкалық Майк Уилсон арасында өтпек.