Аймақтың әлеуметтік-өндірістік нысандарының жұмысымен танысты. Облыс активімен кездесуде аймақ басшысы Қырымбек Көшербаев Жолдаудағы тапсырмалардың облыста қалай орындалып жатқандығын тарқатып берді. Ішкі істер министрі Қалмұханбет Қасымов Жолдаудың міндеттері бойынша водомстваның атқарған жұмыстары жайлы баяндады.
- Мемлекет басшысы Жолдауында негізгі басымдықтарды айқындап берді. Оның ішінде полиция қызметінің құрылымын жаңғырту, оны жаңа деңгейге көтеру туралы нұсқау берілді. Себебі, қоғамдық қауіпсіздік бәрінен де маңызды болып табылады. Қазіргі таңда көп істер атқарылды, бірақ ішкі істер органдарының жұмысында әлі шешілмеген мәселелер бар, сондықтан әлде де атқаратын жұмыстар көп, - деді ҚР Ішкі істер министрі.
Жиында ҚР Денсаулық сақтау вице-министрі Ләзат Ақтаева мен Білім және ғылыми вице-министрі Асхат Айтмағамбетов өз салалар бойынша айтылған мәселелерді талдап, атқарылып жатқан жұмыстармен таныстырды. Бұдан соң ақпараттық-насихаттық топ өңірдегі нысандарды аралап, халықпен кездесулер өткізді.
Бақтияр ТАЙЖАН,
«Егемен Қазақстан»
Қызылорда облысы
