55 кило салмақтағы Жансерік Сәрсенбиев алғашқы белдесуін Мұстафа Сұлтан Алкуадеге қарсы өткізеді. Иордания өкілі күні бүгінге дейін ауыз толтырып айтарлықтай табыстарға жете қойған жоқ. Сол себепті де Жансерік бұл ежеден еш қиналмай өтуге тиіс. Қандасымыз Алкуадені жеңген жағдайда 1/8 финалда биыл Азия чемпионатында алдына жан салмаған жапониялық Шота Танокурамен жолығады.
63 кило салмақтағы Айдын Нұғыманов Ленур Теміровпен күреседі. Өзбекстанда туып-өсіп, кейіннен Украинаға қоныс аударған айтулы балуанның жастар арасындағы әлем мен Еуропа біріншіліктерінің жүлдегері және өз елінің үш дүркін чемпионы деген атақатры бар. Осы тартыста бағы жанған балуан 1/8 финалда Болгарияның беткеұстары Никола Вичевпен шеберлік байқасады.
72 кило салмақ дәрежесіндегі Демеу Жадыраевқа жарысты бірден 1/8 финалдан бастайды. Әлем және Азия чемпионаттарында жеңіс тұғырына көтерілген қазақтың белді балуаны өзбекстандық Арам Варданян мен украианлық Парвиз Насибов арасындағы кездесудің жеңімпазымен айқасады.
Ал 72 кило салмақтағы Азия чемпионы және сол жарыста төрт рет жүлде алған Мақсат Ережепов чехиялық Петр Новакпен күш сынасады.
Ғалым СҮЛЕЙМЕН,
«Егемен Қазақстан»
