Әлем • 08 Қараша, 2018

Чехиядағы цирктерде жабайы аңдарға тыйым салынуы мүмкін

578 рет
көрсетілді
1 мин
оқу үшін

Чехияның ауылшаруашылығы министрлігі цирктерде жабайы жануарлардың өнер көрсетуіне тыйым салуды ұсынды, деп хабарлайды ria.ru.

Чехиядағы цирктерде жабайы аңдарға тыйым салынуы мүмкін

Чехиядағы цирктерде итбалық, жираф, маймыл сынды кейбір жануарлардың өнер көрсетуіне тыйым салынған. Енді жергілікті шенеуніктер барлық жабайы жануарларға тыйым салуды ұсынып отыр. Цирктерде тек жылқы, түйе, лама секілді үй жануарлары ғана болады.

Чехияда бағдарламасына жабайы жануарлар кіретін 12 цирк жұмыс істейді. Цирк жетекшілері министрліктің бұл ұсынысына қарсылық білдіріп жатыр. Олардың айтуынша, бұл ұсыныс жүзеге асқан жағдайда аңдардың өмір сүру деңгейі нашарлайды.

Министрліктің жоспарына сәйкес, аңдар әзірге арнайы орталықтарда болады.