Абылайхан ЖҮСІПОВ: Токио туралы айтуға әлі ерте...

Кеше Ақтау қаласында бокстан Қазақстан чемпионаты аяқталды. 10 салмақ дәрежесі бойынша еліміздің барлық өңірінен қатысқан былғары қолғап шеберлері сынға түсіп, өзара мықтыны анықтаған болатын. Бұл чемпионатта жеңімпаз атанғандардың дені ұлттық құрама сапында бұрыннан жүрген боксшылар. Айта кетерлігі, 69 келідегі финалдық кездесу Абылайхан Жүсіпов негізгі қарсыласы Асланбек Шымбергеновты жеңіп, құрамадағы бірінші нөмірлі боксшыны анықтап бергендей болды. Осыған орай, 69 килодағы Қазақстан чемпионы Абылайхан Жүсіповпен жедел сұхбаттасқан болатынбыз.  

Егемен Қазақстан
19.11.2018 5828
2

– Биылғы Президент кубогының финалында Асланбекпен жолың түйіскенімен, кездесуге шықпадың. Осы жолы сол олқылықтың орны толғандай болды. Жалпы, Шымбергенов сенің көзқарасында қандай боксшы?

– Асланбек әлеуеті жоғары, тәжірибелі боксшы. 69 килода екі дүркін ел чемпионы. Сондықтан оны осал деуге болмайды. Жазда өткен Президент кубогының финалында жарақат салдарынан жұдырықтаса алмадым. Нәтижесінде жеңімпаз атанған Асланбек Азия ойындарына аттанды.  

– Ұлттық құраманың оқу-жаттығу жиындарында спаррингке шыққан боларсыңдар. Ол кездері басымдық көбіне кімде болушы еді?

– Біз спаррингте де өте сирек кездестік. Себебі ол «Астана арландарының» сапында жүргендіктен, бірлесіп өткізген жаттығуларымыз аз болды. Ал жаттығу барысындағы бокста толығымен ашылмадық деп ойлаймын. Негізгі қарсылас болғандықтан көбіне жұмбақ күйде жүрдік.

– Алда көптеген жарыстар бар. Екеуара бәсеке әлі де жалғасары анық...

- Әлбетте! Мен чемпионат жеңімпазы болғаныммен, бұл Олимпиадаға бірден апаратын жолдама емес. Әрі дәл қазір «Жүсіповті Олимпиадаға апарамыз» деп ешкім де кесіп айта алмайды. Сондықтан, Токио туралы айтуға әлі ерте. Өйткені ішкі біріншілікте менің лайықты бәсекелестерім жеткілікті. Үнемі үздік екеніңді дәлелдеп отырмасаң, құрамадағы негізгі орныңды жоғалтып аласың. Алда маңызды турнирлерде биіктен көрінуге тиістімін.  

– Шымбергенов екеуің 69 килоның әр жылдардағы чемпионысыңдар. Дегенмен бұл жолы оған қарсы Стрельников сені әбден дайындаған тәрізді...

– Әрине, біз рингке бір-бірімізді толық зерттеп шықтық. Жекпе-жектерін қалт жібермей қарап, толық назарда ұстадық. Финалда көп қателестім деп ойламаймын. Александр Стрельников менің екінші бапкерім. Қазіргі салмағым бойынша боксшыларды баптауда оң нәтиже көрсетіп, Олимпиада чемпионын шығарған маман. Алда бірлесіп жұмыс істеп, ауыз толтырып айтарлықтай нәтижеге жетеміз деп үміттенемін.  

– 64 килодан 69 килоға ауысқанына екі жыл болды. Жалпы, салмақ ауыстыруда қиындық болды ма?    

– Аса қиындық болған жоқ. Керісінше, 64 килода салмақ көп қуып жүрдім. Негізінен 69 кило менің тұрақты салмағым.

– Былтырғы Азия чемпионаты мен әлем біріншілігінде өзбек боксшысын ұтуға не жетіспеді?

– Ол кезде Олимпиада жүлдегерімен бокстасуға менде мүмкін тәжірибе жетпеген болар. Жаңа салмаққа ауысқан екі жылдан бері халықаралық турнирлерде бақ сынап, Германия мен Финляндияда болдық. Жарыстарда мүмкіндігімізді көрсетуге тырыстық.  

– Бұл чемпионат 2020 жылғы Олимпиадаға негізгі құрамды іріктеп берді деуге бола ма?

– Мұндай шешім қабылдауға әлі ертелеу. Чемпион атанғаныммен бір сәтке де босаңсуға болмайды. Алда Шымбергенов сияқты тәжірибелі боксшылармен талай айқастар күтіп тұр. Сондықтан бапкерлермен бірлесе отырып, 69 килода №1 боксшы болу үшін еш аянып қалмаймын.    

Сіз не дейсіз?

Мырзағали АЙТЖАНОВ, бокстан Ұлттық құраманың бас бапкері:

– Бұл екі боксшы рингте алғаш рет кездесіп, төрешілер 5:0 есебімен жеңісті Абылайға берді. Жекпе-жекке қатысты әркімде түрлі пікір болуы мүмкін. Біреу Шымбергеновке жақтасады, бірі Жүсіпов мықты дейді. Меніңше, екеуі де келешегінен зор үміт күттіретін, айрықша сенім артып отырған спортшылар. Жекпе-жекте екеуі бірінен бірі айтарлықтай жоғары болған жоқ. Тең дәрежеде өткен кездесу болды деуге әбден лайық. Бірақ... Әрбір раундтың сәл басымдылығы көзге айқын көрініп тұрды. Сол басымдылық Абылайханнан байқалды. Төрешілер де соны ескеріп, жеңісті Жүсіповке берді.  Алда жоспар түзілгеннен кейін, халықаралық жарыстарға апарып сынға саламыз. Сол кезде кімнің шын мықты екені көрінеді.

Әңгімелескен

Жанкелді ҚАРЖАН,

Ақтау қаласы

СОҢҒЫ ЖАҢАЛЫҚТАР

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

16.02.2019

Алматыда студенттер арасында «IITU Robocon 2019» роботехника чемпионаты өтті

16.02.2019

Павлодарда «Қаһармандар» республикалық қоғамдық қорының филиалы ашылмақ

16.02.2019

Сенатор Ә.Құртаев Азия елдері парламентшілерінің кездесуіне қатысты

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу