Футбол • 13 Желтоқсан, 2018

Футзалдан әлем чемпионатының жеребесі тартылды

425 рет
көрсетілді
2 мин
оқу үшін

Швейцарияның Ньон қаласында 2020 жылғы әлем чемпионатының Еуропа құрлығы бойынша өтетін іріктеу турнирінің алғашқы екі кезеңінің жеребесі тартылды.

Футзалдан әлем чемпионатының жеребесі тартылды

Іріктеу турнирін негізгі кезеңнен бастайтын Қазақстан құрамасы Румыниямен бірге 5-топта өнер көрсетеді. Тағы қос қарсылас бастапқы раундтағы бәсекелерден кейін белгілі болады. Бұл ретте жерлестеріміздің жолы G тобында топ жарған және С тобында екінші орын алған командалармен қиысады. Осы айтылған сөзіміз көпшілікке түсінікті болу үшін төмендегі кестеге назар аударған жөн.  

Іріктеу турнирінің бастапқы раунды

А тобы: Латвия, Англия, Кипр, Гибралтар.

В тобы: Беларусь, Норвегия, Косово, Андорра.

С тобы: Македония, Албания, Грекия, Сан-Марино.

D тобы: Грузия, Дания, Германия, Израиль.

Е тобы: Бельгия, Швеция, Армения, Мальта.

F тобы: Босния мен Герцеговина, Түркия, Швейцария, Шотландия.

G тобы: Голландия, Черногория, Болгария, Эстония.

Н тобы: Финляндия, Молдова, Уэльс, Солтүстік Ирландия.

Іріктеу турнирінің негізгі раунды

1 топ: Испания, Польша, D тобының жеңімпазы, Н тобында екінші орын алған команда.

2 топ: Украина, Словения, С тобының жеңімпазы, В тобында екінші орын алған команда.

3 топ: Әзірбайжан, Словакия, H тобының жеңімпазы, G тобында екінші орын алған команда.

4 топ: Италия, Венгрия, B тобының жеңімпазы, А тобында екінші орын алған команда.

5 топ: Қазақстан, Румыния, G тобының жеңімпазы, С тобында екінші орын алған команда.

6 топ: Сербия, Франция, Е тобының жеңімпазы, F тобында екінші орын алған команда.

7 топ: Ресей, Хорватия, F тобының жеңімпазы, Е тобында екінші орын алған команда.

8 топ: Португалия, Чехия, А тобының жеңімпазы, D тобында екінші орын алған команда.

Бастапқы кезеңдегі матчтар 2019 жылдың 29 қаңтары мен 3 ақпаны аралығында өтеді. Негізгі кезеңдегі кездесулер 2019 жылдың 22-27 қазан аралығында ойналады. Әр топта алғашқы екі орынды иеленгендер элиталық раундқа шығады. Бұл бәсекелер 2020 жылдың 28 қаңтары мен 2 ақпаны аралығында өтеді. Ол жерде қатысушылар төрт-төрттен төрт топқа бөленіп, өзара тартыста мықтыларды анықтайды. Сол сайыста бірінші орынды олжалаған командалар бірден әлем чемпионатының жолдамасына иелік етсе, екінші сатыға табан тірегендер плей-офф додасына қатысып, қалған екі жолдаманы сарапқа салады. Плей-офф додасы 2020 жылдың 9-12 сәуір аралығында ұйымдастырылады.  

 Ғалым СҮЛЕЙМЕН,

«Егемен Қазақстан»