Атырауда бала өлімі көбейіп тұр

Атырауда өткен жылы 176 нәресте бір жасқа толмай шетінеп кетті. Желтоқсан айының өзінде 23 сәби дүниеге келер-келместен көз жұмды. Әрқайсысы әр үйдің үміті, үміттің тым ерте сөнгенінен ауыр не бар? Жас анаға перзентханадан ұзақ күткен сәбиінің орнына өлімі туралы бір парақ қағаз ұстап шыққаннан ауыр не бар? Өкініштісі, өңірде бала өлімі көбейіп тұр. Ата-аналар дәрігерлерді біліксіз дейді, ал ақ халаттылар отбасын жоспарлау қағидасын ұстанбайды деп ата-анаға кінә артады. 

Егемен Қазақстан
11.01.2019 1831
2

Солардың бірі – Атырау қаласының тұрғыны Альбина Ермекова. Егіз қыз бен ұлды дүниеге әкелген ана босану процесі қалыпты болғанын айтады. Балаларды реанимация бөліміне алып кеткен, бір аптадан кейін дәрігерлер ұлына қан құю керек депті. Көп ұзамай аузы-мұрнынан қан кеткен сәби қайтыс болды, оның артынан сыңары да кете барды, сөйтіп айдың-күннің аманында екі бірдей перзентінен айырылған жас ана аңырап қалды. Мұндай мысал жеткілікті. Сәбилері перзентханада шетінеген аналар жанайқайларын ақпарат құралдары арқылы жеткізуді жөн көргенге ұқсайды. «Ба­ла­ларымыз дәрігерлердің білік­сіздігінен көз жұмды» деген аналар облыстық перинаталдық орталықты тез арада тексеруді талап етіп отыр.

Осы мәселе бойынша Өңір­лік коммуникациялар қызметінде өткен баспасөз мәслиха­тында об­лыстық перинатал­дық ор­та­лық басшылары мен пе­диа­торлар түсінік берді. Олар­дың бәрі де бір ауыздан бала өлімі ана­сының денсаулы­ғына байла­нысты және алдымен ме­ди­ци­налық мекемелерде алдын алу жұмыстарын күшейту керек деген пікірде. Облыстық пери­­на­талдық орта­лықтың бас дәрі­гері Қуаныш Ны­санбаев: «Жа­ңа туған сәбилер арасын­да­ғы өлімнің басты себебі – ата-ана­ларының денсаулығы», дейді. 

«Бала өлімінің басым бөлігі уақытынан бұрын босанғандарға тиесілі. Жоспарланбаған жүктілік деп те айтуға болады. Жүктілікті жоспарлап, кем дегенде 1,5 жыл аралықты сақтау керек, - деп есептейді Қуаныш Нысанбаев. – Бұл жерде алдын алу шараларының маңыздылығын да айта кету керек. Біздің орталықта медициналық қызметтердің сапасы бақылауда. Босанған әйелдермен жұмыс жүргізіледі. Уақытынан бұрын босану және бала салмағының аз болуы өлімге әкеледі. 2018 жылы облыстық перинаталдық орталықта жаңа туған сәбилер арасында 108 өлім тіркелді».

Әрине, шала туған шақалақтардың қатарға қосылып жатқандары да бар. Бұл ретте дәрігерлердің тынымсыз еңбектерін жоққа шығаруға болмайды. Алайда көңілге қаяу түсіретін тұстар да жоқ емес. Облыстық перинаталдық орталықтың неонатология бөлімінің меңгерушісі Гүлмира Әбекеева: «Біздің орталықта уақытынан бұрын босанатындар саны артып отыр, соның ішінде салмағы тым аз сәбилер де бар. 2018 жылы салмағы өте төмен 300 нәресте түсті, олардың иммундық жүйелері төмен деңгейде болады. Аналарынан жыныстан тыс дерттер анықталды. Интергеникалық аралықты сақтамау проблемасы да жиі кездеседі. Бір қарағанда жай нәрсе болып көрінуі мүмкін, бірақ осының бәрі баланың иммундық жүйесіне әсер етеді», дейді. 

Бала өлімін облыстық перинаталдық орталықтың бас дәрігері мерзімінен бұрын туу, жүкті әйелдердің тіркеуге кеш тұруы, құрсақ ішіндегі инфекциялар секілді бірнеше себептермен байланыстырады. Өңірдегі барлық емханалар мен ауруханаларда отбасын жоспарлау және репродукция бөлімдері ашылды. «Аналар мектебі» жұмыс істейді. Алдын алу шараларын жүргізуге қажет жағдайлар жасалған. «Барлық жерде патронажды мейірбике бар, олар жас аналармен жұмыс істеп, бәрін түсіндіреді. Тек соларға барып, айтқан нұсқауларының бәрін толық жасау керек, бірақ көп жағдайда бұл айтылғандар орындалмайды, – дейді Қуаныш Нысанбаев.

Балалар өлімінің жыл санап көбейіп келе жатқанын облыстық денсаулық сақтау басқармасының штаттан тыс педиатры Райса Баймұқанова да жасырмайды. 2017 жылы 146 сәби шетінесе, 2018 жылы бұл көрсеткіш 176-ға жетті. «Әрине, жақсы көрсеткіш емес, бірақ бұл дәрігерлердің біліктіліктері төмендігін көрсетпейді, – дейді педиатр. – Әйелдердің денсаулықтары көңіл көншітпейді. Солай екен деп құр қарап отырғанымыз жоқ. Алдын алу шаралары жүргізіліп жатыр».

Кім қалай дегенмен де, деректің бары шындық және жақсы жайт емес. Бала өлімі негізінен облыс орталығы Атырау қаласында көп тіркелген. Қазір аймақта 10 акушер-гинекологтің орыны бос тұр. 

..Анасын бала, баласын ана жоқтамағанға не жетсін?

Бақытгүл БАБАШ,

«Егемен Қазақстан»

АТЫРАУ

СОҢҒЫ ЖАҢАЛЫҚТАР

24.01.2019

Сексен деген сеңгірге шығып жатқан Кәмел Жүністегі туралы үзік сыр

24.01.2019

Береке белсендіге бітеді

24.01.2019

Алғашқы қысқы ҰБТ қорытын­дылары шықты

24.01.2019

Маңызды заң жобалары мақұлданды

24.01.2019

ҚХА «Жаңғыру жолы» республикалық жастар қозғалысының үндеуі

24.01.2019

Жалындаған жастардың жарқын жобалары

23.01.2019

Шекара бұзған азамат қаза тапты

23.01.2019

Елбасының Жастар жылының салтанатты ашылуында сөйлеген сөзі

23.01.2019

Мәулен Әшімбаев: Жастар жылында науқаншылдыққа жол бермеуіміз қажет

23.01.2019

Түркістанда «Орта Азия жастарының форумын» өткізу жоспарлануда

23.01.2019

«Жастар жылы» жамбылдық жастарға мол мүмкіндік береді

23.01.2019

Қаржы және бюджет комитетінің Заң жобаларын талқылау бойынша отырысы өтті

23.01.2019

Мәжіліс сот жүйесі мен судьялар мәртебесі туралы конституциялық түзетулерді мақұлдады

23.01.2019

Алматы облысында 1332 әйел онкологиялық есепте тұр

23.01.2019

Сенаторлар Жастар жылын қолдауға бағытталған жұмыстарға кірісті

23.01.2019

Еурокомиссия MasterCard-қа айыппұл салды

23.01.2019

Жылқының қозғалыс аллюры: Аяң түрлері

23.01.2019

Юлия Тимошенко Украина президенті сайлауына қатысатынын мәлімдеді

23.01.2019

Конькимен жүгіру: Классикалық көпсайыстан ел біріншілігі мәресіне жетті

23.01.2019

Қостанайда «Эндохирургия мектебі» өтті

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу