Көгілдір отын өндіріске серпін береді

Бір күнде Федоров ауданында үш бірдей шара, үш бірдей қуаныш болды. Алдымен аудан орталығынан қол созым жерде тәулігіне 50 тонна май сығатын қуатты зауыт ашылды. Осы аудандағы «Қаржау» шаруа қожалығы осыдан бірнеше жыл бұрын май зауытын ашып, онда неміс технологиясы бойынша суықтай сығылған, тазартылмаған күнбағыс майын шығаратын. 

Егемен Қазақстан
14.01.2019 2195
2

Облыс нарығында «Лавра» деген атпен белгілі май сапа­сын­ың жоғарылығымен дүкен сөре­лерінде көп жатпайды, тұты­нушы оны іздеп жүріп алады. Енді «Промбаза-7» жауап­кер­шілігі шектеулі серіктестігі «Даму» кәсіпкерлікті дамыту қоры арқылы 1 миллиард 700 мың теңге инвестиция салып, тазартылған май өндіруді қолға алды. Бұл облыстағы тазар­тыл­ған өсімдік майын өндіретін алғашқы қуатты май зауыты болып табылады. Соңғы жылдары Қостанай облысында өңдеу өнер­кәсібі шикізаттың алдына шыққан болатын. Әдетте, ауыл шаруашылығы өнімдерін өң­деу кәсіпорындары көбіне Қостанай қаласының айналасына орнығатын. Міне, енді сол өңдеу кәсіпорындарының бірегейі облыс орталығынан алыс Федоров ауданынан орын тепті. Бұл қара топырақты құнарлы өңірде күнбағыс та, зығыр да егіледі. Соңғы жылдары облыстағы егін алқаптарын әртараптандыру жылдам жүріп жатыр. Диқандар бидайдың алқабын азайтып, нарықта бағасы қымбат әрі өтімі жақсы майлы дақылдарға бет бұра бастаған. 

– Жаңа май зауытының инфра­құрылымы облыс бюд­же­ті есебінен мүмкін болды. Ауданға келіп тұрған газ құ­бы­рына жалғанысымен зауыт толық жұмыс істей бастайды. Газ құбырын өндіріске жал­ғау ғана қалды. Газбен қатар өн­ді­ріс­ке су да керек, ол да облыс басшылығының көме­гі­мен шешімін табатынына сенімдіміз, – дейді «Промбаза-7» жауап­кер­ші­лігі шектеулі серіктестігінің директоры Мұхамеджан Ақұлов. 

Зауытта май екі желі арқылы өндіріледі. Бұрыннан жұмыс істеп тұрған желіде тұтынушыға таныс «Лавра» майы өндіріледі. Ал екінші жаңадан орнатылған желіде сығылған май одан әрі та­зар­тылады. Мұхамеджан Ақұловтың айтуынша, тазар­тыл­­ған май тек экспортқа артуға бағытталған. Кәсіпкер өнімді өткізуден ешқандай қиын­дық болмайтынын да айтты. Тазар­тыл­ған өсімдік майына Қытайда да, Ресейде де, өзге елдерде де сұраныс жоғары. Зауыт шикізатты облыс өңіріндегі, көрші Ресейдің іргелес шаруашылықтарынан сатып алады. Күнбағыс күн­жара­сынан мал жемі дайындалады. Жаңа май зауытын облыс әкімі Архимед Мұхамбетов аралап, инвестициялық жобаның іске қосылуға дайын екенін көрді. Жаңа зауыт толық қуатына көш­кен­де мұнда 30 адам жұмыс істейтін болады.

 Май зауыты ашылған күні Федоров ауданы орталығына көгіл­дір отын да келді. Село ішін­дегі газ құбырларының өткен жылы басталған құры­лыс­ының бірінші кезеңі аяқ­тал­ды. Облыс әкімі Архимед Мұхамбетов селоға газ беру салтанатына қатысып, тұрғындарды қуанышымен құттықтады. 

– Елбасы Нұрсұлтан Назарбаевтың «Бес әлеуметтік бас­­тамасы» аясында Федоров село­сын газбен қамтамасыз етіп отырмыз. Осыдан екі жыл бұр­ын үлкен магистральды газ құбы­ры­ның құрылысы аяқталған болатын. Рудный қаласынан басталған 68 шақырымдық құбыр Қашар кенті арқылы Федоров ауданына жеткізілген еді. Енді өткен жылы Федоров селосының ішіне құбырлар жүргізіле бастады. Мұның барлығы Прези­ден­ті­міздің қамқорлығы арқа­сында мүмкін болып отыр. Газ адамдар тұрмысын көріктендіріп, әл-ауқатын жақсартады, – деді Архимед Бегежанұлы. 

Федоров селосында келесі жылдың мамыр айында газ құ­бы­ры құрылысының екінші кезеңі, ал күзге қарай үшінші кезеңі толық аяқталады.

– Ауылдастардың қуан­ыш­ын­да шек жоқ. Газ деген рахат ғой, әрі таза, әрі жылы, әрі арзан. От жағудың бейнетінен арылатын болдық. Елбасына, облыс, аудан басшыларына, газшыларға үлкен рахмет! – деп, ақжарма қуанышын білдірді Федоров селосының тұрғыны Рысалды Есмұхамбетова.

Ауданда 3000 абонент – 12 мың адам көгілдір отынның игілігін көреді.

Сол күні аудан орта­лы­ғын­дағы Мәдениет сарайы федо­ров­тық­тарға лық толды. Ауданның құрыл­ғанына 90 жыл толу мере­кесі атап өтілді. Елбасы «Ұлы даланың жеті қыры» атты мақаласында: «Уақыт пен кеңістіктің көкжиегі тоғысқан кезде ұлт тарихы басталады» деген болатын. Федоров ауданының тарихы да ел, өңір тарихының бір бөлшегі. Осы мерейлі мерекеге байланысты салтанатты жиында аудан әкімі Тәуба Исабаев өңір тарихын, аға ұрпақтың ерлігі мен еңбегін баяндап берді. 1928 жылы құрылған ауданның бай тарихы бар. Бұл өңір ұжымдастырудың, аштықтың, саяси қуғын-сүр­гін­нің, соғыстың алапат қасіреті мен қиындықтарын бастан кешті. Тың және тыңайған жерлер игерілді. Бұл ауданнан 2 Кеңес Одағының Батыры, 12 Социалистік Еңбек Ері шықты. Федоров ауданының диқандары биыл гектар айналымын 16,5 центнерден келтіріп, 500 мың тонна астық жинады. 

Қазір ауыл дамудың жаңа жол­ына түсті, Федоров ауданы да солардың қатарында. Жыл сайын ауыл шаруашылығымен қатар өндіріс, өңдеу өнеркәсібі өсіп келеді. Мемлекеттік бағ­дар­ламалар жүзеге асып жатыр. Өңдеу өнеркәсібі ауылды әлеу­ет­тен­діреді, жолдың түзеліп, газ, су құбырларының келуі туған жерді ажарландырады. 

Нәзира Жәрімбет,

«Егемен Қазақстан»

Қостанай облысы,

Федоров ауданы

СОҢҒЫ ЖАҢАЛЫҚТАР

20.02.2019

Елбасы Сауд Арабиясының Королімен телефон арқылы сөйлесті

20.02.2019

Елбасы «Самұрық-Қазына» акционерлік қоғамы басқармасының төрағасы Ахметжан Есімовті қабылдады

20.02.2019

Жас журналистер клубы құрылды

20.02.2019

Алексей Луценко тағы да топ жарды

20.02.2019

«Амурға» әліміз жетпеді

20.02.2019

Асанәлі Әшімов: «Театрды ашудағы мақсатым – талантты жастарды қолдау»

20.02.2019

Бақыт Сұлтанов автобус паркін жаңарту жоспарлары туралы айтып берді

20.02.2019

Қарағанды облысында 2 күнде 41 жол-көлік оқиғасы тіркелді

20.02.2019

Бейсенбі күні Қостанай облысы мен СҚО-да дауылды ескерту жарияланды

20.02.2019

Тілсіз жаудан зардап шеккен отбасыға тәртіп сақшылары көмектесті

20.02.2019

Ақмола облысының 5 ауданында «Еnglish for jastar» жобасы жалғасатын болады

20.02.2019

Бурабайда қысқы президенттік көпсайыстан облыстық біріншілік өтті

20.02.2019

Көкшетауда «Бояулар құпиясы» жас суретшілер байқауы өткізілді

20.02.2019

Еліміз Иранға 42 тонна сиыр етін экспорттайды

20.02.2019

Қарағандыда жемқорлық құқық бұзушылықтар бойынша брифинг өтті

20.02.2019

Алматыда ережесіз жекпе-жектен жарыс өтеді

20.02.2019

Ақтөбе облысында «Агрогектар» жобасы жүзеге асырылуда

20.02.2019

Қырғыз Республикасынан кіргізілетін өнімдерге шектеу қойылмақ

20.02.2019

Мемлекеттік қызметшілер декларациясын тапсыру мерзімі 31 наурызда аяқталады

20.02.2019

Астанада кәсіпкерлер мен инноваторларды біріктіретін алаң ашылады

ТАҒЫ ЖҮКТЕУ
КОЛУМНИСТЕР

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

ҰҚСАС ЖАҢАЛЫҚТАР

Тағы да оқу

Пікір қосу