С.Сәдуақасов: Кешегі боранда «Қазавтожолдың» техникаларының жетіспеушілігі байқалды

Кеше облыстың Үржар ауданы аумағында, «Алматы-Өскемен» республикалық жолының 681 шақырымында ақ түтек боран салдарынан таңғы сағат 3:50-ден бастап, автокөліктердің кептелісі орын алып, 400-ден астам адамы бар 7 автобус, 45 КамАЗ, 30 жеңіл көлік және 8 Газель жүре алмай, тұрып қалған еді. Сол күні кешке қарай 312 адам эвакуацияланып, оның 28-і Таскескен ауылындағы ауруханаға, 40-ы Ы.Алтынсарин атындағы орта мектепке, 55-і - Ақтамберді орта мектебіне, 19-ы - колледжге, 60-ы - Таскескен ауылының тұрғындарына, 70-і - «Әйгерім» кафесіне орналастырылып, 40 адам Үржар ауылындағы үйлеріне жеткізілген-ді. Көлігінің қауіпсіздігіне алаңдап, эвакуациялаудан бас тартқан жолаушыларға жергілікті атқару органдары ыстық тамақ пен көліктер үшін жанармай беруді ұйымдастырған болатын.

Егемен Қазақстан
21.01.2019 3453
2

Ішкі министрлігінің Төтенше жағдайлар комитетінің ресми өкілі Нұрсұлтан Нұрахметов 21 қаңтардағы сағат 11-дегі жағдай бойынша 80 көлік әлі де жолда тұрғандығын, автобустар Таскескен ауылына жеткізілген жолаушылардың күтіп отырғандығын, қар тазалау жұмыстарына 100 маман мен 41 техника жұмылдырылғанын хабарлаған еді. Біз мән-жайды білмек ниетпен ұялы телефон арқылы кешеден бері қар құрсауында қалған жолаушылардың қасында жүрген Үржар ауданы әкімінің орынбасары Серік Сәдуақасовқа хабарласып, қысқаша сұхбат алдық.

-Жол ашылды деп естідік. Барлық көлік жолға шығып кетті ме?

-Жол ашылды. 11 автобус та Өскеменге қарай жолға шықты. Автобустағы жолаушылар түнде Таскескен ауылындағы мектептер мен колледжге, емханаға, Мәдениет үйіне орналастырылды. Қалған жолаушылар ұзын саны 153 адам Тескескен ауылына жеткізілді. Таңертең көлік ұйымдастырып, жолаушыларды төрт автобуспен тоқтап қалған жерлеріне әкеліп, автобустарына отырғыздық. Қазіргі уақытта бұл жерде 5 ротор, 2 грейдер мен 3 шынжыр табанды тиегіш жұмыс істеп жатыр. Көліктерді кезек-кезегімен жіберіп жатырмыз. Шамамен 10-14 мәшинедей бар.

- Кеше автобустағы жолаушылардың бірінің «24 сағат болды. Көмек сұраймыз. Жол жоқ. МЧС қайда? Телевизордан көргенде әйбат. Мына жерден көре алмай отырмыз» деген сөзі уатсап арқылы жұртқа тараған болатын.

-Расында, кешегі күн жолаушылар үшін де, біз үшін де ауыр болды. Тыным таппадық. Көліктерін тастап жолаушылардың көліктерінің от алуына көмектестік. Түнде соляркасы біткен көліктерге Үржар ауданының әкімі бөлген Тигачпен «Қазмұнайгаздан» солярка алып бердік. Таскескен ауылының жастарына ерекше алғысымызды білдіргіміз келеді. Олар өз еріктерімен кеше 16 техника шығарды. Екі снегоходпен тамақ жетпей қалған адамдарға тамақ жеткізді. Мақаншыдан арнайы келген әскери бөлім қызметкерлеріне де алғысымыз шексіз. Әскери бөлімнен төрт мәшинемен 20 адам келді. Халықты түнімен тасып, көліктеріне апарып, әкеліп отырды. Өздерімен бірге 100 бөлке нан, ыстық шай әкеліпті. Үржар ауданының әкімдігі де жолаушыларға 60 келідей колбаса, 100 бөлкеден астам нан, су жеткізді. Таскескен ауылының әкімшілігі де көмектесті. Әрине, адам көп болды. Кейбір жолаушылардың наразылығын түсінеміз. Ең бастысы, халық далада қалған жоқ. Қонған мекемелердің барлығында ыстық тамақ ұйымдастырдық. Таңертең барлық жолаушыларға шәйін бердік.

- Білуімізше, республикалық маңызы бар «Алматы-Өскемен» жолы «Қазавтожол» мекемесіне қарайды. Жолдың тазалығына осы мекеме жауапты. Дегенмен жолаушылар тарапынан қардың дұрыс тазаланбауына қатысты көп сын айтылды.

-«Қазавтожолдың» техникаларының жетіспеушілігі байқалғаны рас. Кеше бір ротор мен бір грейдер ғана болды. Грейдердің өзі қайта-қайта батып, әзер жұмыс істеді. Қалған техникалар Үржар, Аягөз, Жарма аудандары мен Өскемен қаласынан келді.

-Жолаушылар арасында үсік шалған, ауырып қалған адамдар болған жоқ па?

- Абырой болғанда, мұндай фактілер тіркелген жоқ. Қан қысымы көтерілген жолаушылар болды. Оларды Таскескеннің бас дәрігері қарап, ем-домын жасады. Ауданның бас дәрігері де, әскери бөлімнен келген дәрігерлер де жолаушылардың денсаулығын бақылап отырды. 

Азамат ҚАСЫМ,

«Егемен Қазақстан»

Шығыс Қазақстан облысы

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу