Қазақстан • 05 Ақпан, 2019

Атырауда eatyrau.kz электрондық қызметтер порталы іске қосылды

1110 рет
көрсетілді
1 мин
оқу үшін

Портал өз жұмысын ағымдағы жылдың қаңтар айында бастады және 100-ден астам өтінім электронды түрде беріліп, өңделді. Бұл туралы Атырау облысының Өңірлік коммуникациялар қызметі хабаралды. 

Атырауда eatyrau.kz электрондық қызметтер порталы іске қосылды

Eatyrau.kz порталы Атырау облысы Геопорталының кіші жүйесі болып табылады және жер қатынастары, сәулет және қала құрылысы саласындағы онлайн қызметтері мен қызметтерін алуға және ұсынуға арналған.

Әзірлеушілердің айтуынша, мұнайлы өлке тұрғындары құжатты, рұқсатты немесе мақұлдауды, әсіресе жер учаскесін немесе құрылысты алған кезде көп уақыт жұмсамайды.

«Цифрлық Қазақстан» бағдарламасының арқасында цифрлық форматқа көшіру және автоматтандыру есебінен мемлекеттік қызметтерді көрсету мерзімдерін қысқарту мақсатында Атырау қаласында Электрондық қызметтер мен сервистер порталы іске қосылды. www.eatyrau.kz мекен-жайы бойынша орналасқан портал өтініш берушіге үйден немесе кеңседен шықпай қызмет алуға өтініш беруге мүмкіндік беріп қана қоймай, қаланың мемлекеттік органдары мен коммуналдық ұйымдары арасындағы келісу процесін толығымен автоматтандырады. Осылайша құжаттарды жіберу және олардың әрқайсысынан жауап күту уақыты қысқарады» дейді «Alora IT Solutions» ЖШС бас директоры Асқар Хабибуллин eatyrau.kz порталын әзірлеуші.

Айта кетейік, қазіргі таңда порталда 16 мемлекеттік қызмет көрсетілсе, ағымдағы жылдың тамыз айында құрылысшылар Атырау облысының барлық аудандарын қамтуды жоспарлап отыр.