Тосын нәтиже Мадридте тіркелді. Сырт алаңда «Реал» 2:1 есебімен жеңіске жеткенде, олардың келесі кезеңге өтетініне күмәнданғандар кемде-кем еді. Алайда «Сантьяго Бернабеу» стадионында өткен кездесуде қонақтар өздерін мүлде басқа қырынан көрсетті. Ойын тізгінін бірден қолға алған «Аякстың» ойыншылары бірінші кезеңде қатарынан рет нысананы дәл көздеді. Бұл голдардың авторлары – Хаким Зийех (7 минут) пен Давид Нерес (18 минут). Үзілістен кейін де голландиялықтар қарқынын еш бәсеңдетпей, 62 минутта Душан Тадич үшінші допты салды. 70 минутта Марко Асенсио есеп айырмашылығын қысқартқанымен, арада екі минут өтпей жатып Лассе Шене тағы да бір гол соқты. Есеп – 1:4.
Дортмундта өткен матч аса тартысты болмады. Сырт алаңда қарсыластар қақпасына жауапсыз үш гол соққан «Тоттенхэмнің» ойыншылары неміс жерінде де «Боруссиядан» басым түсті. Есеп – 1:0. Осылайша, «Аякс» пен «Тоттенхэм» ширек финалға жолдама алды. Ал бүгін түнде сіздер «Порту» (Португалия) мен «Рома» (Италия) және ПСЖ (Франция) мен «Манчестер Юнайтед» (Англия) арасындағы матчтарды тамашалайсыздар.
Ғалым СҮЛЕЙМЕН,
«Egemen Qazaqstan»
