Кәсіпкерлік саласын дамыту бағытында елімізде түрлі мемлекеттік бағдарламалардың қолға алынуы аймақтағы кәсіпорындар қатарын арттыруға да үлкен сеп болды. Үлкен демеу барда неге іс бастамасқа деген ой келді. Осылайша 2001 жылы мен де кәсіпкерлік саласын дамытуға ден қоюды жөн көрдім. Осы ретте өз кәсібімді мал шаруашылығы бағытында бастап, кейін мемлекеттік бағдарламалардың көмегіне жүгіндім. 2015 жылы «Құлан» бағдарламасымен 10 млн теңге несие алып, тиісті қаражатқа 36 бас жылқы сатып алдым. Қазіргі таңда шаруашылықтың шаруасы ширап, мал басы да артып келеді. Мұның бәрі үлкен қолдаудың жемісі деп білемін.
Облыста соңғы үш жылды «Жаппай кәсіпкерлікті дамыту жылы» деп жариялаған. Бұл бастама іскер азаматтар мен кәсіпкерлікке ден қойған жандарды қуантып отыр.
Бұл кәсібім өз кезегінде бір жағынан табысқа жетуге алып келсе, келесі кезекте өскелең ұрпақты еңбек етуге баулып жүрмін. Мәңгілік Елдің болашағы бүгінгі жастар екенін ескерсек, оларға әрқайсымыз осындай бір із қалдырып кетуге тиіспіз деп есептеймін дейді ол.
Бақтияр ТАЙЖАН,
«Egemen Qazaqstan»
Қызылорда облысы
