«Хат қоржын» (07.03.2018)

Егемен Қазақстан
07.03.2019 3057
2

...қуанышын бөліседі

Кәсіпкер жаңа ғимаратты сыйға тартты

Елбасымыздың «Болашаққа бағдар: рухани жаңғыру» мақаласынан туындайтын «Туған жер» бағдарламасы аясында Ақпәтер ауылының төл перзенттері – Хасановтар әулеті игі істі жүзеге асырды.

Туған ауылында өз кәсібін дөңгелентіп отырған Самат Хасанов фельд­шерлік-акушерлік пункт салып, жаңа ғимаратты ауылдастарына сыйға тартты. Кәсіпкер өз қаражатынан 16 млн теңге қаржы жұмсап, құрылыс жұмыс­тарын былтырғы жылы қолға алған еді. Міне, нәтижелі аяқталған құры­лыс нысаны ақпәтерлік ағайынның игілігіне қызмет жасауға толық даяр.

Жақсы істің жанашыры Самат Хасанов жаңа фельдшерлік-акушерлік пункт кілтін Қазталов аудандық ауруханасының директоры Алмас Жүнісбековке табыс етті.

Елбасының «Рухани жаңғыру» бағдарламасы аясында осындай нысанның салынып, елге тарту жасалуы ауданымызда үшінші мәрте жүзеге асып отыр. Бүгінгі заманға сай салынған фельдшерлік-акушерлік пункт ақпәтерліктердің игілігіне қызмет жасап, туған ауы­лына жанашырлық танытқан Саматтай азаматтың үлгілі ісі жалғасын табары сөзсіз.

Қайрат ЖАҚЫП 

Батыс Қазақстан облысы

...кеңес береді

Бедеулік мәселесі ойландырады

Біз өзіміз қызмет жасайтын жоғары оқу орны жанынан арнайы орталық құрып, бір буындағы қатар құрбыларымыздың репро­дуктивтік денсаулығын сақтауға қатысты мәселелерді ойластырып отырмыз. Оның форматтары мен жолдары туралы айтсақ, бірінші кезекте профилактикалық сипаттағы шараларды жүргізуді қолға алған жайымыз бар. Орталық құрамындағы акушер-гинеколог және уролог-мамандар олармен әңгімелер, тақырыптық басқосулар өткізіп келеді. Тәжірибеде кездескен жайт – ұлтымыздың ұл-қыздары бұл жөнінде мамандарға жолығудан, арнайы барып тексерілуден өтуден, олардың кеңесін алудан бой тасалай береді. Бұрын өмірге сәби әкелу мүмкіндігі болмаған дерт, яғни бедеулік қыз-келіншектерге қатысты айтылса, қазіргі кезде жігіттер арасында да белсіздік белгілері жиі байқалып жүр. Мұны жасырудың ешқандай қажеті жоқ. 

Бір сөзбен айтқанда, Жастар жылында олардың өмірі мен тыныс-тіршілігіне қатысты бірде-бір мәселе шет қалмауы керек. Бұл ретте мен биылғы жыл – жастардың өз денсаулықтарын күтуі үшін өздері қам жасайтын жыл болуын қалаймын.

Айбек НӘЖЕНОВ,

М.Оспанов атындағы Батыс Қазақстан мемлекеттік медицина университеті жанындағы әлеуметтік-психологиялық қолдау бөлімінің жетекшісі

АҚТӨБЕ 

...ой қозғайды

Жасыңа жетпей қартайма!

Жасы 75-тен асқан Әбекең ғаламторға үңiлiп отырған күйi:

– Менiң кемпiрiм он жылдан берi қарыс жерге аттап басқысы келмейдi... – деп, ас бөлмеге қарағыштап алды да сөйлей жөнелді. – Мiне, қара, Кей Д’Арси деген ағылшын кейуана 67 жасқа келгенде әртiс болыпты. Алдымен өз елiнде киноларға түсiп, онан кейiн Америкаға барып, Голливудтан бiр-ақ шығыпты. 85 жасында Дорис Лонг деген бiреу белiне белбеу байлап тiк құз жартасқа өрмелеп шығып, қайта түсудi кәсiпке айналдырыпты. Ал АҚШ-та Мэри Мозес деген кейуана 76 жасында қолына қылқалам алып сурет сала бастапты. Айта берсең, мысал көп. Бiздiң ағайындар қартайдым деп, ыңқыл-сыңқылымен әуре болып жүргенде, өзгелердiң иненiң көзiнен оқ өткiзген өлермен iсi көп.

– Қойыңыз ақсақал, қай-қайдағыны көлденең тартып. Ежелден-ақ қазақ әйелi одан да зорын атқарған. Қартайса да қары талмаған, бәрi де қазақтан. Мысалы, Домалақ ана көзi жұмылғанша әулеттi басқарып, ел ұранына айналған. Күй анасы Дина Нұрпейiсова 75 жа­сында Мәскеуде өткен Бүкiлодақтық байқауда, 1944 жылы 83 жасында Ташкенттегi Орталық Азия онкүндiгінде күйiн күмбiрлетіп көрермендердi аяғынан тiк тұрғызыпты, – деп мен де ақсақалға «айбат шектiм».

– Сен кешегiнi айтпа, бүгiнгiнi айт. Қазiр бiреуге «кешегi» деп ауыз ашсаң, мұрнын тыржитып шыға келетiн болды ғой. Мен де сондай болдым.

– Әбеке, сiз де қызық екенсiз... Ата-бабасы ғасырлар бойы көшпелi болған қазаққа қанында жоқ, зордың күшiмен болатын кәсiптi қалай күшпен дарытпақсыз? Қанымызда далалық саф, мәрт қасиет бар. Сон­дық­тан кез келген кәсiп пен қасиеттi бiз бойымызға дарыта бер­меймiз. Бiлдiңiз бе? 

– Сен, кежегеден керi тартпағын! Бұл қазақ аспанға да ұшқан, жердiң астына да түскен. Маған салсаң, жасыңа жетпей қар­тайма! Өзiңдi әманда сергек сезiн! Сонда қарттық та сенен қашық жүредi.

Жанұзақ АЯЗБЕКОВ

Қостанай

...жақсылығын жеткізеді

Кітап арқылы да баюға болады

 Елбасы Н.Назарбаевтың «Болашаққа бағдар: рухани жаңғыру» бағдарламасы аясында ел болашағы жастардың білім алуына, алдыңғы қатарлы мемлекеттердің озық тәжірибелерін оқу үрдісіне енгізу бағытында атқарылуға тиіс «100 жаңа оқулық» жобасын жүзеге асыру жұмыстары жан-жақты пысықталған болатын.

Аталмыш жоба жастарға тың серпін беретін басым бағыттардың бірі және бірегейіне айналып отыр. Аталмыш жоба әлемдегі таңдаулы оқулықтарды қазақ тіліне аударып, оқу үрдісіне енгізді. Сөйтіп, ең бастысы біраз гуманитарлық бағыттағы оқулықтар қолымызға тиді.

Бұл кітаптардың ішінде бізге жақын философия, дінтану, экономика бағытындағы оқулықтар бүгінгі күннің ең өзекті тақырыптары болып отыр. Атап айтар болсақ, әсіресе «Қазіргі психология тарихы», «Әлеуметтік психология», «Әлеуметтану теориясы, «Тіл біліміне кіріспе», «Құдайтану баяны», «Менеджмент», «Кәсіпкерлік», «Төртінші индустриялық революция» сияқты оқулықтар өз басыма қатты ұнады. Сондай-ақ осы оқулықтардың ішінде «Медиа этика» кітабы авторы Ли Энн Пэк. Бұл кітап еңбекке жарнама, жаңалықтар, қоғамдық қатынастар саласында жұмыс жасайтын мамандарға таптырмас құрал болып отыр. 

Аллаберген ҚОНАРБАЕВ

Маңғыстау облысы,

Маңғыстау ауданы

СОҢҒЫ ЖАҢАЛЫҚТАР

18.03.2019

Ж. Қасымбек су тасқыны кезеңіне дайындық туралы кеңес өткізді

18.03.2019

5 баланы құтқарған азамат Ішкі істер министрінің бұйрығымен марапатталды

18.03.2019

Елбасының азаматтарды әлеуметтік қорғау туралы тапсырмаларын орындау мәселелері талқыланды

18.03.2019

Индонезияда су тасқыны салдарынан 63 адам қаза тапты

18.03.2019

Мемлекет басшысы Қазақстан мұсылмандары діни басқармасына барды

18.03.2019

«Жетісу» телеарнасы 20 жылдығын атап өтеді

18.03.2019

Жетісу кәсіпкерлері жақсылық жасаудан жарысып жатыр

18.03.2019

Түркі Академиясының 2019 жылғы жұмыс жоспары бекітілді

18.03.2019

Е. Алпысов Ұлттық экономика вице-министрі қызметіне тағайындалды

18.03.2019

Ауыл шаруашылығы бірінші вице-министрі тағайындалды

18.03.2019

Астана әкімдігі халықтың әлеуметтік осал топтарын қолдаудың жаңа 13 шарасын ұсынды

18.03.2019

Елбасы Астана қаласында салынатын жаңа мешіттің іргетасын қалау рәсіміне қатысты

18.03.2019

Көпбалалы және аз қамтылған отбасыларды әлеуметтік қолдаудың қосымша шаралары жарияланды

18.03.2019

Оңдасын Оразалин жол-көлік апатынан қаза болғандардың туыстарына көмек көрсетуді тапсырды

18.03.2019

Бокстан Марина Вольнованың жүлдесі үшін турнир өтті

18.03.2019

Калгариде конькишілердің қанжығасы майланды

18.03.2019

Көпбалалы аналар үшін баспана кезегі бөлек болады - Бердібек Сапарбаев

18.03.2019

2025 жылға қарай өнеркәсіптік тауарлардың өндірісі 2 есеге артады

18.03.2019

Түркістан: Сайрам ауданында кәсіпкер тәулігіне 10 тонна сүт өңдейді

18.03.2019

Астанада алдағы екі айда экологиялық науқандар өтеді

ТАҒЫ ЖҮКТЕУ
КОЛУМНИСТЕР

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

Александр ТАСБОЛАТОВ, «Егемен Қазақстан»

Suranys kо́p, qoldaý kem

О́z elimizde óz tilimizdiń kenje qalǵanyn jasyra almaımyz. Eń basty másele – onyń qoldaný aıasy tarylyp ketti. Bul kemshilikti eńserý úshin qazaq tilin jańǵyrtý qajet. Qalaı? Mine, bul kimdi bolsa da tyǵyryqqa tirep, oılandyratyn úlken suraq. Biraq onyń sheshimin búgingi tańda memlekettiń ózi usynyp otyr. Bar másele, osyny arqaý etip, zańdy qoldaýǵa qajettilik týǵyzý. Ol úshin ne istegen jón?

ҰҚСАС ЖАҢАЛЫҚТАР

Тағы да оқу

Пікір қосу