Кәсіпкерлік білім беру бағытында Каспий өңірі жастарының, бизнесті жаңа бастаушы кәсіпкерлердің және оқытушылар құрамы арасында инновациялық және кәсіпкерлік әлеуетін арттыру, келешекте стартап идеяларды табысты бизнеске айналдыру мақсатында ашылған орталықта университетке оқуға келген студент өз мамандығы бойынша білім алып қоймай, өз бизнесін дамытуына мүмкіндік алады.
Жалпы оқу орнында жастарға қолдау көрсету жұмыстары жақсы қолға алынған. Соның нәтижесінде өткен жылдан бері өңір жастары бірнеше стартап жобаларға қатысу арқылы кәсіпкерлігін бастап, табыс әкелуде. Мысалы, Маңғыстау облыстық жастар форумында университет студенттері таныстырған «Ақылды таяқша» жобасы қазіргі таңда өте керекті әлеуметтік жобалардың бірі болып саналады.
Yessenov University студенттерінің қолданысқа қажетті жобаларды ойлап тауып, қолдауға ие болуы қуантады.
Гүлайым ШЫНТЕМІРҚЫЗЫ,
«Egemen Qazagstan»
Маңғыстау облысы
