Басты құндылық – рухани тазалық

«Өмір сүру үшін өзгере білу керек», деді Президент Нұрсұлтан Назарбаев «Болашаққа бағдар: рухани жаңғыру» атты мақаласында. Заман талабына сай лайықты өмір сүру үшін қазіргі уақыттағы жаңғырудың да негізгі мақсаты – осы.
Егемен Қазақстан
26.05.2017 1223
2

Жаңа жағдайда жаңғыруға деген әркімнің ішкі ұмтылысы біздің дамуымыздың ең басты қағидасы болып табылады. Бұл, ең алдымен, адами өзгеріске қадам жасау, ата-бабамыз бізге аманат етіп қалдырған жақсылықты істерге қарай бет бұру деген сөз. Ал адамның санасы, жан әлемі хал­қымыздың рухани дәстүрлерінің не­гі­зімен сусындамаса, жалпыұлттық қа­сиетті құндылықтарды сіңіре алмайды.
Осы тұрғыдан алғанда, әлемдегі озық елдердің қатарына қосылуға бет алған Қазақстан жастарына лайықты үлгі көрсете алуымыз бүгінгі күннің көкейкесті мәселесі екені сөзсіз. «Жастар өмірге шынайы көзбен қарап, өз тағдырларына өздері иелік ете алатын азаматтар болуы үшін оларға үлгі ұсынуымыз керек», деді Елбасы. Бұған, ең алдымен, сананың ашықтығы, жан дүниенің тазалығы қажет. Ал жастардың жан дүниесі, санасы қашанда таза. Сол таза жан дүниеге болашағымызды көр­кей­туге сеп болатын таза үлгілер негіз ре­тін­де қаланса, рухани жаңғыруымыз сөз­сіз жүзеге асады. Өйткені, таяу жыл­­дарға арналған нақты жобалардың жүзеге асуына жастарымыздың қазір жаң­­ғырған жан дүниесі, санасы себеп бол­мақ. 
Бірақ бұл қайткенде, қалай жүзеге аспақ? Міне, көпшілікті толғандыратын осы сұрақтар екені анық.
Елбасы айтқандай, бұл ең алдымен, адамның туған елге, туған жерге деген сүйіспеншілігінен туындайды. Туған жерге деген сезім – ең ыстық сезім. Бірақ сол ыстық сезімнің ләззатына шын мәнінде жету үшін оның қайтарымының да сайма-сай болғаны жөн. Мәселен, бәріміз де туған жердің тазалығына бас иеміз. Ал туған жердің тазалығы дегеніміз тек ғимараттардың салынуы мен әсем жолдардың төселуі ғана емес, сондағы адамдардың жан дүниесінің тазалығы. Осы рухани тазалықтың иісі аңқыған ауылдың саумал ауасымен, адамдардың ақкөңіл ниетімен, дархан көңілімен, жүрекжарды дәм-тұзымен – туған өлкенің кереметтігін, тіл жетпейтін құндылығын, жанымызға жайлылығын, ештеңеге айырбастауға келмейтіндігін мақтан етіп, жан дүниемізбен беріле жақсы көреміз.
Біраз туған жерге деген біздің осы махаббатымыз, сүйіспеншілігіміз, ынта-ықыласымыз оған егілетін адал дәннен басталса екен дейміз. Өйткені, бұл әркімнің өз ауылына баруымен және онда ата-бабасының ескерткішін тұрғызып, қолынан келсек мектеп немесе жол салуымен ғана бітпесе керек. Әрине, туған жерге баратын әр азамат өзінің маңдайтерімен тапқан қаржысына мешіт, мектеп, балабақша, т.б. тұрғызып, кәсібін жүргізуі тиіс екені сөзсіз. Бірақ біреудің көз жасына қалып қамқорлықпен алынған, арамдыққа былғанған ақшаға ғимараттар тұрғызу тазалыққа жатпайды. Өйткені, оның қабырғасында болашақ жастарымыз елге, жерге деген шынайы патриоттыққа тәрбиеленуі тиіс. Сондықтан туған жердің табиғи таза, бұлақтай мөлдір болуын осы кезден қамданғанның артықтығы жоқ. Ал мұндай тазалық тек арамдық, әділетсіздік, пайдакүнемдік, күндестік, көреалмаушылық жоқ жерде ғана болады. Сонда туған жердің ауасы, суы, нуы – бәрі-бәрі тек жақсылықты ғана бойына сіңірген табиғи таза, мөлдір рухани құндылықтардың нұрынан құралатындығын айтады ғалымдар. Міне, осыны келешек ұрпағымыз бойына күнде зәмзәм суындай сіңіре берсе, одан түбінде тек жақсы нәтиже шығатыны анық. 
Бұрын түрлі кеселдерден, кемшіліктерден, жат идеологиялардан бойын аулақ, таза ұстаған ата-бабаларымыз қашанда қара қылды қақ жара білуімен, шындықты бетке ұстауымен, әділдіктің туын желбіретуімен небір дау-дамайды еңсере алған. Осының бәрі олардың бойында тау суындай таза құндылықтарымыздың жоғала қоймауында еді. Ендеше, сол құндылықтар мен мәдени, рухани дүниелерді біз туған жерді өсіп-өркендете отырып, жастарымыздың бойына еге білуіміз керек. Өйткені, бәріміз де: «Біз жат идеологтардың әсері туралы айтқанда, олардың артында басқа халықтардың белгілі бір құндылықтары мен мәдени символдары тұрғанын есте ұстауымыз керек. Тиісінше, оларға ұлттық құндылықтарымыз арқылы ғана төтеп бере аламыз», деп Елбасы түйіндеген ойға толық қосыларымыз хақ. Ендеше, туған жерге деген сүйіспеншілікті, Отанға деген шынайы махаббатты әркім өзінің адалдығы мен тазалығынан бастайтын уақыттың жеткені күмәнсіз.

Александр Тасболатов,
«Егемен Қазақстан»

СОҢҒЫ ЖАҢАЛЫҚТАР

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

23.02.2019

Мақсат - әр тұрғынға отыз шаршы метр баспана беру

23.02.2019

Қызылорда облысы Полиция департаментінің жеке құрамы үшін гарнизондық жиын өтті

23.02.2019

Лондонда қазақстандық боксшы қарсыласын нокаутқа түсірді

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу