Денсаулық сақтау министрлігі алты айдың жұмысын қорытындылады

Елімізде медициналық көмекке көңілі толмайтындар көп. Жалпы, денсаулық сақтау саласының жұмысына сын жиі айтылады. Әрине, ауықымы кең, әрі әлеуетпен тікелей жұмыс істейтін бірден-бір әлеуметтік сала аясында «әңгіме» де көп болатыны рас. Бірақ «жел тұрмаса шөптің басы қимылдамайтыны» тағы бар. Былайынша, мемлекет тарапынан қолдау  көп, қаржы бөлініп жатыр, қолға алынған бағдарламалар да баршылық. Десек те, жұмыс неге мардымсыз? Қызмет сапасы неге халықты қанағаттардырмай жүр. Міне, осындай сауалдарға қарапайым жұртшылық қана емес, Денсаулық сақтау министрлігі мамандары да «бас қатыра» бастады. Оны министрліктің биылғы алты айдын жұмыс қорытындыларына арналған алқалы жиынында да байқадық. 

Егемен Қазақстан
21.07.2018 10145
2

Денсаулық сақтау министрі Елжан Біртановтың төрағалығымен өткен алқалы жиынға оның орынбасарлары, Денсаулық сақтау министрлігінің қоғамдық кеңесі мүшелері, сондай-ақ облыстардың, Астана, Алматы және Шымкент қалаларының денсаулық сақтау басқармаларының, ведомствоның аумақтық бөлімшелерінің және ведомствоға бағынысты ұйымдардың басшылары қатысып, атқарып жатқан жұмыстары жайы есеп берді. Жиында алдымен денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасын іске асырудың биылғы алты айдағы қорытындылары айтылды. Баяндалған мәліметтерге сүйенсек, ешкім «қол қусырып» отырған жоқ.  Межелі міндеттер орындалып, ауыз толтырып айтарлық жұмыс жасалған. Еліміздің медицина саласы қазіргі күні бұрынғы жағдаймен салыстырған әлдеқайда ілгерілеген, халықаралық стандарттардың біразын меңгерген. 

Мәселен, Денсаулық сақтау вице-министрі Ләззат Ақтаева «Денсаулық» бағдарламасы бойынша бүгінде жеті бағытта жұмыс жүріп жатқанын жеткізді.  Айталық, алғашқы медициналық-санитарлық көмекті күшейту аясында амбулаторлық-емханалық желіні шағындап ұйымдастыру жүргізіліп жатыр екен. Мәселен, есепті кезеңде дәрігерлік учаскелер саны  12 пайызға артқан, учаскелік дәрігерлер жүктемесі төмендеп, бекітілген тұрғындар саны 1950 адамды  құраған. Нәтижесінде алғашқы медициналық-санитарлық көмекке жүгінулер саны 23 пайызға артқан. Сондай-ақ қазір диспансерлеуді Ауруларды басқару бағдарламасына өзгерту жоспарланып жатқаны айтылды. «Ауруларды басқару бағдарламасы (АББ) пациенттерді өздерінің денсаулығын басқаруға белсенді тартуға бағытталған. Оның шеңберінде халық арасындағы адам өлімінің 70 пайызын және аурудың 77 пайызын анықтайтын 25 созылмалы ауру бойынша пациенттермен бірлесіп динамикалық басқаруды ұсынады. Осыған байланысты бірқатар инфекциялық емес аурулар: жүрек-қан тамыры, онкологиялық, созылмалы респираторлық аурулар мен диабет АББ-ға кірген. АББ-ны пилоттық енгізу тәжірибесі осы тәсілдің жоғары тиімділігін көрсетті», деді Л.Ақтаева.

Денсаулық сақтау вице-министрі сондай-ақ көрсетілетін медициналық қызметтердің сапасын қамтамасыз ету мәселелеріне де кеңінен тоқталды. Бүгінгі таңда, онкологиялық аурулармен күресудің кешенді жоспары бекітілді, туберкулезбен күресудің кешенді жоспары өзектендірілді. Халықтың көрсетілетін медициналық қызметпен қанағаттану деңгейін бағалау жөніндегі зерттеу, клиникалық хаттамалар мен бейіндік қызметтер стандарттарын әзірлеу үкіметтік емес ұйымдарға берілді. Сондай-ақ медициналық ұйымдарды аккредитациялау стандарттары қайта қаралды және онкологиялық, психиатриялық, неврологиялық, акушерлік және гинекологиялық көмек көрсетуді ұйымдастыру жөніндегі 4 стандарт мақұлданды», деді вице-министр.

Сонымен қатар жалпы жыл сайын өсіп келе жатқан медициналық жоғары оқу орындарын бітірушілердің саны есебінен саладағы кадр тапшылығының азайып келе жатқанын атап өтті. Бұдан басқа, шетелдік жетекші университеттермен стратегиялық серіктестік шеңберінде медициналық жоғары оқу орындарының профессорлық-оқытушылық құрамын елімізде және шетелде оқыту жүргізілуде. Л.Ақтаева атап өткендей, кезек күттірмейтін медициналық көмек көрсетуді халықаралық стандарттарға жақындату мақсатында жедел жәрдем көрсетудің бірыңғай диспетчерлік қызметі енгізілетін, шұғыл емес шақырулар емханаларға берілетін, қызметкерлерді реанимациялық көмек көрсетудің әлемдік стандарттарына кезең-кезеңімен оқыту және басқалар жүзеге асырылатын болады. Жедел жәрдемнің жету уақыты 25 минуттан 18 минутқа дейін қысқартылған.

Жалпы шара барысында денсаулық сақтау саласына қатысты барлық мәселе айтылды. Халықты дәрі-дәрмекпен қамту, кадр тапшылығын жою, жалақы мәселесі, медициналық қызмет көрсету сапасын арттыру, міндетті әлеуметтік-медициналық сақтандыруды енгізу, саланың инфрақұрылымын жетілдіру сияқты маңызды мәселелері талқыланды. Сондай-ақ салаға инвестиция тарту, цифрландыру - электронды форматқа көшу, компьютерлік-техникамен қамту жайы қаралды.

Жиын қорытындысында Денсаулық сақтау министрі Е.Біртанов айтылған мәселелерге қатысты жұмыстарды барынша жетілдіруді тапсырды. Әсіресе, жұмысқа деген жауапкершілікті арттырып, кемшілікке жол берген басшыларды қатаң жазалау қажеттігін ескертті. Кейбір мәселелерге қатысты заңнамаларды, құқықтық нормаларды қайта қарап, жұмысты жүйелендіру керектігін баса айтты. Бастысы, денсаулық сақтау әр адамның Конституциялық құқығы екенін айтып, бұл ретте министрліктің жауапкершілігі, атқарар міндеті зор екенін жеткізді.

Динара БІТІК,

«Егемен Қазақстан»

СОҢҒЫ ЖАҢАЛЫҚТАР

22.10.2018

ІІМ:1 қаңтардан тіркелмеген телефонға байланыс қызметі көрсетілмейді

22.10.2018

Алматыда жасөспірімдерге арналған футбол орталығы ашылды

22.10.2018

Талдықорғанда «Тіл – рухани жаңғыру тетігі» атты дебат өтті

22.10.2018

7-20-25: Қазақстанда 2,5 мыңнан астам өтінім мақұлданды

22.10.2018

Елбасы Жолдауын іске асыру жөніндегі жалпыұлттық жоспар бекітілді

22.10.2018

Түркі әлемі «Әзірет Сұлтан» қорық-музейінің 40 жылдығын тойлады

22.10.2018

АҚШ-тың Сауда министрі Уилбер Росс Қазақстанға келе жатыр

22.10.2018

Қазақ әдебиетінің жинақтары қытай, араб тілдерінде жарық көреді

22.10.2018

Ақтауда «Автобус» жедел алдын алу шарасы жүргізілді

22.10.2018

Павлодарда дәмханалардың жұмысын түнгі 11-ге дейін қысқарту ұсынылды

22.10.2018

Оралда жазушы Хамза Есенжановқа ескерткіш орнатылды

22.10.2018

Парламент депутаттары Оралда үш ауысымда оқытатын мектепте болды

22.10.2018

Менингококк инфекциясы бойынша эпидемиологиялық жағдай талқыланды

22.10.2018

«Мигранттар керуені» Мексикаға бет алды

22.10.2018

Өнер жұлдыздары «Денсаулық елшісі» атанды

22.10.2018

23-25 қазан: Жылы және жауын-шашынсыз

22.10.2018

Маңғыстау облысы толықтай цифрлық телевизияға қосылды

22.10.2018

eGov.kz порталында онлайн режимінде «тіркеу кітабы» жүзеге асты

22.10.2018

Солтүстік Қазақстанда азық-түлік пен ақылы қызметтер қымбаттаған

22.10.2018

Ескек есуден Азия чемпионаты: Қазақстандықтар үш медаль еншіледі

ТАҒЫ ЖҮКТЕУ
КОЛУМНИСТЕР

Дидар Амантай,

Kınoádebıet

Teginde, ult ádebıeti men qazaq kıno­sy arasynda, sonaý Sháken Aımanov, Májıt Begalın, Sultan Qojyqov, Abdolla Qarsaqbaev zamanynan beri qalyptasqan ónegeli dástúr, jaqsy qarym-qatynas, tyǵyz baılanys búginde óz jalǵasyn taýyp otyr.

Мирас Асан, «Егемен Қазақстан»

Ádep pen ádet

Jýyrda Almaty qalasyna jolymyz túsip, taǵylymy mol tamasha toıǵa qatystyq. Taý shatqalyna aqshańqan shatyr tigip, qudalaryn taǵatsyzdana kútip turǵan almatylyqtardyń ónegeli isine kóz toıyp, kóńil marqaıady. Biz toıly aýylǵa qudalar kelmeı turyp barǵan edik. Qyzyq ıelerimen burynnan tanyspyz. Arǵy túbi Arqanyń qazaqtary. Ultymyzdyń qadym zamandardan beri kele jatqan salt-dástúri, tartý-taralǵysy, jón-joralǵysy yqylym josynymen úılestirilgen toıdyń erekshe bolatyny sezilip tur.

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу