«Мультикке» миллион көптік етпейді

«Бала тәрбиесінде ұсақ-түйек болмайды» деген қағида бар. Бұл кіш­кентайларға берген жақсы тәрбие де, жағымсыз әдет те бала есейген сай­ын бірге ұлғая беретінін аңғартса керек. Ал телеөнім мен интернетті тел еміп өскен бүгінгі «бұзықтардың» тәр­биесінде анимациялық фильм­дер­дің орны ерекше екендігі белгілі.
Егемен Қазақстан
14.07.2017 224
2

Қазіргі балдырғандардың ой-санасына, тұрмыс-тіршілігіне дендеп еніп алған танымал кейіпкерлер бар. Маша мен аю, өрмекші адам, тротро, пороро, миньондар, спанджбоб... Үйде де, сыртта да, үтіктен басқа құрылғыны қосып қалсаңыз, солар шыға келеді. Теледидар мен интернетті айтпағанда, сауда үйіне барсаң да, алдыңнан сол кейіпкерлер ойыншық болып, киімге салынған бедер болып самсап шығады.

Соншама бауыр басатындай бұл кейіпкерлердің қандай қасиеті бар деп қызығушылық танытқан едік. Сөйтсек, әр сериясын жасауға жұмса­ла­тын қаражатты, оған атсалысатын мамандарды біліп, бір жайтты түсін­ген­дей болдық. Құйылған қаржы мен жұмсалған еңбектің арқасында бұл «мультиктердің» барлығы өте сапалы жасалған. Әрқайсысы балалардың жасына, талғамына сай. Еңбектеп жүр­генде елең еткізіп, тәй-тәй басқанша жа­қын туысқанына айналып, есейгенде жан досы болып алатын қасиеті бар.

Дүние жүзіндегі ең танымал екі мультфильмнің біріне айналған «Маша мен аюға» ғана тоқталайықшы. Муль­тсериалдың әр маусымына 6,5 миллион АҚШ долларынан астам қаражат құйылады екен. Әр минутын түсіруге орта есеппен 50 мың доллар жұмсалады. Бастапқыда маркетингке бөлек ақша бөлсе, қазір онсыз да жарнамасы жер жарып тұр. Жасыратыны жоқ, бұл біздің «Қошқар мен текенің» түсіне де кіріп шықпайтын ақша.

«Қошқар мен теке» демекші, аузымызды қу шөппен сүртуден құтқарып тұрған «Сақ» студиясының осы тектес өнімдері. Солардың ішіндегі ең танымалы, қазақша мақалдап-мәтелдеп майын тамызып сөйлейтін, әзілдің түбін түсіретін «Қошқар мен Теке» Youtube желісіне шығысымен бір аптада бірнеше миллиондық қаралымға ие бо­лып үлгерген-ді. Алайда, әлемнің 25 тіл­інде сөйлейтін, 25 елдің телеарнасынан көрсетілетін «Машаға» олар да бәсекелес бола алмады. Осыдан бірнеше ай бұрын  біздің басылым тілшісіне сұхбат берген «Сақ» киностудиясының ре­жи­ссері Батырхан Дәуренбеков:

 – «Қошқар мен текенің» екі сериясы «Қазақфильмнің» тапсырысы бойынша түсірілді. Қазір үшінші сериясының сценарийі жазылып, дайын тұр. Бірақ, оны түсіруге қаржы болмай тұр. Әзірге демеушілерге хабарласып, ұсыныс айтқанымыз жоқ. Дегенмен де, бұл іске қолдау болмаса, сценарий тартпада жатып, өз ма­ңы­зын жоғалтып ала ма деген де қау­пі­міз бар,– деген. Қысқасы, отандық муль­ткейіпкерлерді қайта оралтуға қаржы жетпей, қарындары қабысып жүрген сыңайлы.

Ал «Маша» ше? «Маша» ештеңеден тарыққан емес. Орыстың шынашақтай қызы өзіне салынған ақшаны еселеп қайтарып, «Анимаккорд» студиясын табысқа кенелтіп отыр. 2015 жылы ол студияға 225 миллион доллар пайда әкелген. Осынша табыстың 30 пайызы ғана телеарналардағы трансляциядан түсіпті, қалған 70 пайызы кейіпкерлердің тауарлық брендінен келген. Ойыншық, журнал, кітапша, кейіп­керлердің қатысуымен қойылған спектакльдер... мұның бәрі пайда көзі. «Маша мен аю» туралы мобильді ойын­дардың түрлі нұсқасы жыл сайын жаңарып отыратыны және бар. Біз ресейлік студияның бір ғана өнімін мысал етіп отырмыз. Одан бөлек, Голли­вуд­тың анимациялық фильмдері де үлкенді-кішілі экрандарды жаулап алғалы қашан?!

Баланы теледидар мен интернеттен шектеу қиын. Ойыншықтан шектеу одан да қиын. Тек, назарын басқаға аудару арқылы ғана алдарқатуға болар еді. Өкінішке қарай, өз баламызға көрсететін отандық мультфильмдер аз. Отандық арналардың күн сайын қайталап берген өнімдерін жаттап алған, жалыққан. Ал шетелдік студиялардың өнімі жалықтырмайды, жаңарып отырады. Қызықтырудан, еріксіз еліктіруден шаршамайды. Себебі, балаларға базарлық сыйлау – олар үшін табыстың қайнар көзі. «Бала болған соң көреді де қояды» дей салуға болар еді, бірақ мультфильмнің бала санасына терең әсер етіп, дүниетанымын қалыптастыратыны бұған дейін талай мәрте айтылып, мамандардың сөзімен дәйектелген.

Иә, мультфильм – қазір балаларға базарлық қана емес, қыруар табыс көзі. Құй­ған қаражаты еселеп қайтатын нарықтан сту­диялар ешқашан бас тартпайтыны түсінікті. Сондықтан «Маша» қашан да көңілді, «аю» тоқ. Ал біздің «Қошқар мен теке» сияқты сүйікті кейіпкерлерге қаражат бөлініп, жаңа сериялары жиі шығатын күн болар ма екен?!

Арнұр АСҚАР,
«Егемен Қазақстан»

СОҢҒЫ ЖАҢАЛЫҚТАР

16.10.2018

Маңғыстауда теміржол вокзалында мемлекеттік көрсетілетін қызметтердің жәрмеңкесі өткізілді

16.10.2018

Жаңақала мен Қазталов ауданы тұрғындары таза суға қол жеткізді

16.10.2018

Қаржы министрлігі инвесторлардың жекешелендірілген нысандар бойынша міндеттер орындауын бақылайды

16.10.2018

Б. Сағынтаев «Президенттің Бес әлеуметтік бастамасын» іске асыру жұмыстарын жандандыруды тапсырды

16.10.2018

Қарсыластар арасында осалы жоқ

16.10.2018

Шабуылда Щеткин жоқ

16.10.2018

Алматыда Ингмар Бергманның мемориалдық көрмесі өтуде

16.10.2018

11 қазақ футболшысы алаңға шығады

16.10.2018

Маңғыстауда «7 -20-25» бағдарламасы бойынша 194 өтінім қолдау тапты

16.10.2018

Мемлекет басшысы Энергия тиімділігі орталығына барды

16.10.2018

Аралда пластикалық қайық жасалады

16.10.2018

Өскеменде Әміре Қашаубаев атындағы республикалық фестиваль өтеді

16.10.2018

Алматыда алма музейі ашылды

16.10.2018

Нұрсұлтан Назарбаев «Әсем» білім беру және таным орталығына барды

16.10.2018

Мектеп түлектері жарты жыл бұрын оқуға түсе алады

16.10.2018

Маңғыстау облысы 2018 жылға 464 миллиард теңге инвестиция тартуды жоспарлап отыр

16.10.2018

Қазақстан Ардагерлер кеңесі Бурабайда бас қосты

16.10.2018

Спорттың жекпе-жек түрлері бойынша конфедерация кубогының іріктеу туры өтті

16.10.2018

Кашемирді күтіп киіңіз

16.10.2018

Қыз-келіншектерді маммологке тегін тексерілуге шақырады

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

Қарашаш ТОҚСАНБАЙ, «Егемен Қазақстан»

О́mir kúzetindegi meıirim

Otbasylyq jáne jeke basynyń jaǵdaıyna baılanysty Germanıadaǵy oqýynan eriksiz qol úzip, týǵan jerge oralǵan Ǵabıt Nurhanuly esimdi azamattyń feısbýktegi jazbasy kóńilge túrli oı saldy. Elimizdegi densaýlyq saqtaý salasyndaǵy kóptegen túıtkildi synaǵan avtor nemis halqynan kóp nárseni úırenýimiz kerek deıdi.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу