Мәдениет • 08 Ақпан, 2024
Қазақстан корейлері Соллаль мерекесін атап өтті
Ай күнтізбесі бойынша келетін Шығыс Жаңа жылы – биылғы Сольналь немесе Соллаль мерекесі 10 ақпанға тура келеді, дәл осы күні жасыл ағаш айдаһар жылы күшіне мінсе, бізде наурыз айында нағыз ұлу жылы басталады. Сондықтан да елімізде Жаңа жыл мерекесін үш рет қатарынан қарсы алатын ұлт болса, бұл – Қазақстан корейлері. Бірінші – Григориан күнтізбесі бойынша болса, екіншісі – Соллаль, үшінші – Наурыз мейрамы, деп жазады Egemen.kz.
Денсаулық • 07 Ақпан, 2024
Әлидің әлемі – гемофилияға шалдыққан барша баланың тағдыры
Көбінесе ұл балалардың арасында кездесетін, сирек әрі тұқым қуалайтын гемофилия дейтін кесел бар. Қанның ұюына әсер ететін VIII және IX факторларының жетіспеушілігінен науқастың қаны өте сұйық болғандықтан, абайсызда денесін жарақаттап, кесіп алса, стоматологиялық немесе хирургиялық манипуляциялардан кейін ұзақ уақыт қан тоқтамауы мүмкін. Осы диагнозбен өмірге келген балаларға өз ерекшелігіне бейімделуі мен ем-домын ерте бастауы маңызды. Бұл ретте Қазақстандағы «Takeda» биофармацевтикалық компаниясы мен Қазақстандағы гемофилияға шалдыққан мүгедек-пациенттер қауымдастығы қосылып, «Әли мен оның ішкі әлемі» кітабын жарыққа шығарды.
Алматы • 07 Ақпан, 2024
Аз қабатты құрылысқа қайта оралады
Мегаполистегі соңғы жаңалықтардың бірі – Алматы әкімдігі қаланың 2040 жылға дейінгі Бас жоспарына сәйкес әзірленген егжей-тегжейлі жоспарлау жобасын (ЕТЖ) мақұлдады. Бас жоспарда мегаполисті дамытудың моноцентристік моделінен полицентрлікке көшу қағидасы көрсетілген, яғни қала «Шығыс қақпасы», «Тарихи орталық», «Солтүстік», «Оңтүстік-батыс», «Батыс» сынды 5 қоғамдық және іскерлік қызмет орталықтарына бөлінеді.
Сұхбат • 06 Ақпан, 2024
Қазақстанның Сүт одағы сауда сөрелерін жаулап алған импорттық тауарлар отандық өндірушілердің дамуына кедергі келтіруде деп мәселе көтеріп жүргені бүгін емес. Азық-түлік саласын алға бастырмай отырған да – реттеуге көнбей келе жатқан ішкі нарық. Егер ірі сауда желілері импорттық тауарларға басымдық беруді жалғастырып, Үкімет мұны үнсіз бақылап отыра беретін болса, онда алдағы жағдай қалай болмақ? Осыған ұқсас өзге сауалдарымызға жауап табу үшін Қазақстан Сүт одағының директоры Владимир Кожевниковпен аз-кем әңгіме-дүкен құрдық.
Алматы • 05 Ақпан, 2024
Алматылықтар онлайн рәсімдеген құжаттарын автоХҚО-ға бармай-ақ алады
Биылғы қаңтар айынан бастап алматылық автокөлік иелері онлайн рәсімдеген құжаттарын мамандандырылған ХҚО-ларға бармай-ақ ала алатын болды. Енді Алматы қаласы Жандосов көшесі, 51 мекенжайында орналасқан Әуезов аудандық ХҚО ғимаратының 2-ші қабатында онлайн форматта рәсімделген дайын құжаттарды беру секторы жұмыс істейді. Мұнда «көлік құралдарын тіркеу» және «жүргізуші куәліктері» бойынша дайын құжаттарды алуға болады.
Қоғам • 04 Ақпан, 2024
Перзенттік парызын өтемеген балалар ата-аналарына алимент төлейді
Өткен жылы Алматыда 1,5 мыңға жуық безбүйрек әке-шеше балаларына алимент төлеуден жалтарғандықтан, сот орындаушыларына алимент өндіріп алу туралы 22 415 атқарушылық іс жүргізуге тура келген. Оның ішінде ата-аналық міндеттерін орындамағаны үшін 159 борышкер әкімшілік жауапкершілікке тартылды.
Медицина • 01 Ақпан, 2024
Жыл сайын Алматы қаласында қолқа қақпақшасы тарылған 20-22 науқасқа операция жасалса, осындай хирургиялық операцияға мұқтаж науқастардың саны 200-250-ге дейін жетіп жығылады. Осы орайда Алматыдағы Кардиология орталығында жүрекке жоғары технологиялық және зақымы барынша аз операция жасайтын TAVI орталығының ашылуын мегаполис медицинасындағы ілкімді оқиғалар қатарына қосар едік.
Пікір • 31 Қаңтар, 2024
Бала күнімізде араларында үріп ауызға салғандай сүйкімді бес бірдей ұл-қызы, оқыған-тоқыған, қызметі бар ерлі-зайыптылар ажырасқанда ақылға сыйғыза алмай, аңтарылғанымыз есімізде. Ол заманда ілуде біреу болмаса, екінің бірі оңайлықпен ажыраса салмайтын. Оның үстіне ересек адамдардың арасында түрлі келіспеушілік, дүрдараздық аздай көрінетін.
Алматы • 30 Қаңтар, 2024
Сынамасыз сатудың да сұрауы бар
Аңғарған адамға бүгінде барлық салада бақылау мен тәртіптің күшейіп келе жатқаны байқалады. Мәселен, Алматыда сатушыларға зергерлік бұйымдар мен әшекейлерді сынамасыз саудалағаны үшін жауапкершілік бар екені ескертілді.
Қоғам • 26 Қаңтар, 2024
Алматыда Мұстафа Кемал Ататүрікке арналған ескерткіш ашылды
Бүгін Алматыда Түркияның тұңғыш Президенті Мұстафа Кемал Ататүрікке арналған ескерткіш салтанатты түрде ашылды. Ескерткіш Алматы қаласының әкімдігі Мұстафа Кемалдың құрметіне өткен жылы ашылған «Ататүрік скверінде» бой көтерді.
