Қоғам • 26 Қыркүйек, 2022
Он шақты жылдан бері бие сауып, қымыз баптап, оны тұрақты табыс көзіне айналдыра білген Торғай ауылының тұрғыны, зейнеткер Мәлік Бекетов кәсіпкерлікпен қатар, кезінде қазақтың көне тұрмыс-тіршілігінде қолданылған, бүгінде көзден таса болып, ұмытылып бара жатқан ұлттық бұйымдарды, құнды жәдігерлерді көпшілікке дәріптеп келеді.
Аймақтар • 26 Қыркүйек, 2022
Сыңарынан адасқан жалғыз аққу осыдан бірер күн бұрын Бейімбет Майлин ауданына қарасты Тобыл кентінің орталығындағы Тәуелсіздіктің 30 жылдығына арналған аллеяға келіп қонған. Жабайы құстың көкке көтеріле алмайтынын көрген тұрғындар ауыл әкіміне хабарлапты.
Қазақстан • 25 Қыркүйек, 2022
Ел ықыласына бөленген экспедиция
Астанадан шыққан «Ахаң жүріп өткен жолмен...» экспедициясы Тобыл-Торғай өңірін бес күн аралап, Арқалықтан Астанаға аттанып кетті. Экспедиция мүшелері алдымен Әулиекөлдегі Ахаң ескерткішіне гүл қойып, ұлт ұстазының рухына тағзым етті. Жалпақ жұрттың Ахмет мұрасына тереңірек ендеп, ұлт ұстазына біртабан жақындай түсуінде маңызы ерек, тағылымы мол сапарға көп жылдар бойы ахметтану саласын қаузай зерттеп жүрген ғалымдар мен БАҚ өкілдері қатысып, Қостанай, Арқалықта, Торғай мен Ақкөлде тұрғындармен кездесті, дөңгелек үстел отырысы, конференция сияқты ғылыми-танымдық жиындар өткізді. Ғалымдар жолай Бидайыққа соғып, Алаш арысы Міржақып Дулатұлының рухына дұға бағыштады.
Ахмет Байтұрсынұлы • 21 Қыркүйек, 2022
Қыркүйектің басында жоспарланған Ахмет Байтұрсынұлының 150 жылдығына арналған мерейтойлық іс-шаралар Әулиекөл ауданындағы табиғи апаттың салдарынан кейінге шегерілгені белгілі. Өрттен зардап шеккен тұрғындарға Үкімет пен жергілікті атқарушы органдар, тіпті бүкіл ел жабылып көмек көрсетті.
Аймақтар • 18 Қыркүйек, 2022
Өрттен кейінгі жағдай түзеліп келеді
Премьер-Министр Әлихан Смайылов Қостанай облысына іссапармен келді. Үкімет басшысы бірінші кезекте Әулиекөл ауылына ат басын тіреп, алапат орман өрті салдарынан баспанасыз қалған тұрғындарға арнап салынып жатқан жаңа үйлердің құрылысымен танысты.
Білім • 15 Қыркүйек, 2022
Қарабалықта қазақ мектебі ашылды
Қазақ журналистикасының атасы Мұхамеджан Сералиннің кіндік қаны тамған Қарабалықта 320 орындық қазақ мектебі ашылды. Жалпы, аудан тұрғындары көптен күткен білім ошағының ашылуына орай, ауылда үлкен мерекелік іс-шара өтті. Заманауи талаптарға сай жабдықталған мектептің құрылысына 1,6 млрд теңге жұмсалған. Мұхамеджан Сералиннің атын иемденген жаңа білім ошағында қазірше 180-нен аса шәкірт оқиды. Оларға 30-ға жуық ұстаз сабақ береді.
Ахмет Байтұрсынұлы • 13 Қыркүйек, 2022
Жазушы-журналист Байтұрсын Ілиястың 1998 жылы Қостанайда жарық көрген «Алтын бесік» кітабында ұлт ұстазының 1927 жылы кіндік қаны тамған Сартүбекке келіп, ағасы Қалиға ас бергені туралы мәлімет бар. «Бұл он алты жасында оқуға кеткен Ахметтің туған жеріне ең алғаш әрі ең соңғы рет келуі еді» дейді көнекөздер. 45 жасында келіп тұр ғой сонда. Жарты жылдай елде болған кемеңгер жұртқа аумалы-төкпелі заман келе жатқанын аңдатып, ақыл-кеңес береді. Жетімге қамқор, момынға қорғаныш болып, бірсыпыра адамға шарапатын тигізеді.
Қазақстан • 13 Қыркүйек, 2022
Тың игеру жылдары жан-жағы соқаға түсіп жыртылып, тарихы тасада қалған киелі нысанның бірі – Дүрен ана обасы. Елсізде елеусіз қалған оба көпшілікке беймәлім болғанымен, бүгінде оның тарихын көнекөз қариялардан естіген бірен-саран кісілер ғана қалған.
Аймақтар • 12 Қыркүйек, 2022
Жангелдин ауданында ұлт ұстазы Ахмет Байтұрсынұлының 150 жылдығына арналған ресми іс-шаралар үш күн бойы өтеді деп жоспарланған еді. Үшінші қыркүйекте Торғайда екі қатар етіп тізілген 50 шақты ақ шаңқан киіз үй бой көтеріп, алыс-жақыннан ағылып келіп жатқан жұрттың біразы Ақкөлге, біразы аудан орталығына тоқтап жатқан. Бесін ауа Торғайдағы «Топжарған» стадионында «Бабалар аманаты» республикалық айтысы басталды.
Аймақтар • 11 Қыркүйек, 2022
ТЖМ жедел штабы 10 қыркүйекте Әулиекөл ауданындағы орман өртін сөндіру жұмыстарының түбегейлі аяқталғанын мәлімдеді. Жедел штаб қыркүйектің жетінші күні өрттің оқшауланғанын жариялаған болатын. Өрт шарпыған аумақта 73 адамы, 21 техникасы бар Басаман мен Семиозер орман шаруашылықтарының күш-құралы ғана қалды. Жедел штаб өз жұмысын аяқтады. Енді мидай далада мүлгіген орманның жартысына жуығын жойып, артында жүзден аса үйдің үйіндісін ғана қалдырған алапат өрттен келген орасан шығынды есептеп, зардап шеккендерге көмек көрсету жұмыстары жүріп жатыр.
