Өнер • 31 Наурыз, 2022
Өнер мен ұстаздықты ұштастырған
Тәуелсіздік жылдары Тобыл өңіріндегі ұлттық өнердің өркендеуіне үлкен үлес қосқан тұлғалардың ішінде халық ақыны Әсия Беркенованың есімі ерекше аталады. Республика деңгейінде өткен талай аламан айтыстарда топ жарып исі қазақтың Әсиясы атанған ақын ауылдан қалаға қоныс аударғаннан кейін Ахмет Байтұрсынұлы атындағы Қостанай университеті жанынан «Өнер студиясын» ашып, бойында таланты бар студент-жастарды өнерге баули бастады.
Аймақтар • 31 Наурыз, 2022
Қостанайдағы №28 мектеп-гимназияда өткен «Бала барысы» облыстық турнирі өңірде тұңғыш рет ұйымдастырылып отыр. Ұлт ұстазы Ахмет Байтұрсынұлының 150 жылдығы мен балалар жылына арналған белдесуге бұған дейінгі іріктеу кезеңдерінде жеңімпаз атанған Арқалық, Лисаков, Қостанай қаласы, Қостанай және Федоров аудандарынан келген 25 жас балуан күш сынасты.
Ахмет Байтұрсынұлы • 29 Наурыз, 2022
Қостанайдағы кітапханалардың бірінен белгілі ғалым Орынай Жұбайдың құрастыруымен 2017 жылы жарық көрген «Ахмет Байтұрсынұлының тілтанымдық мұрасы» атты еңбекті көзім шалып қалды. Көлемді еңбекте Ахмет Байтұрсынұлының 1914-1928 жылдар аралығында жарық көрген «Тіл – құралы» мен «Әдебиет танытқышы», тіл ғылымына қатысты мақалалары, баяндамалары, пікірлері, сондай-ақ орталық архивтен табылған бірсыпыра құжаттар берілген екен.
Өнер • 29 Наурыз, 2022
Қостанай қаласының тұрғыны Қайсар Нұғыманов темірді қамырдай илеп, одан адам таңғалатындай ғажайып мүсіндер жасап шығарады. Бұрын сурет салатыны болмаса, мүсін жасап көрмеген шебер қырықтан асқан соң ғана қолөнердің ең қиын түріне түбегейлі бет бұрыпты.
Бизнес • 29 Наурыз, 2022
Кәсіпкерлікті қолдауға қосымша қаржы бөлінеді
Тобыл өңіріне жұмыс сапарымен келген Ұлттық экономика министрі Әлібек Қуантыров Қостанайдағы «Ыбырай» жел электр стансасы мен «АгромашХолдинг KZ» кәсіпорнының жұмысымен танысты. Сондай-ақ мектеп, балабақша сияқты бірқатар әлеуметтік нысандарды аралап, өңір тұрғындарымен кездесті.
Аймақтар • 28 Наурыз, 2022
Арқалық қаласындағы «Дала өлкесі тарихы» мұражайында Торғай көтерілісінің бас қаһармандарының бірі Кейкі Көкембайұлын еске алуға арналған «Ер Кейкі ел есінде» атты тағылымды іс-шара өтті. Осыдан дәл жүз жыл бұрын ұлт азаттығы жолында оққа ұшқан ат үстіндегі ақырғы жауынгердің рухына тағзым ету кешінде Кейкінің ерлігі мен мергендігі жайында ел жадында сақталған аңызға бергісіз әңгіме-естеліктермен қатар, батырдың әдебиет, музыка, кино және драматургия өнеріндегі көркем бейнесінің сомдалуы төңірегінде сөз болды.
Аймақтар • 25 Наурыз, 2022
Төтенше жағдай қызметінің мамандары өңірде қыс бойы түскен қардың орташа қалыңдығы – 28 см, ал қар құрамындағы ылғал мөлшері 87 мм екенін айтып отыр. Бұған дейінгі жылдардағы қардың қалыңдығы әрі кетсе 21 сантиметрге баратын. Сондықтан күн жылынған сайын, әсіресе Арқалық қаласының маңайындағы ауылдар мен Амангелді, Жангелдин, Науырзым, Қарасу және Сарыкөл аудандарында жағдай қиындап кетуі мүмкін.
Қоғам • 24 Наурыз, 2022
Тобыл-Торғай өңірінде Наурыз мерекесіне орай жасалып жатқан қайырымдылық шаралары аясында 317 отбасы азық-түлік себетін алды. Олардың ішінде мемлекеттен атаулы әлеуметтік көмек алып отырған тұрмысы төмен отбасылармен қатар, көпбалалы ата-аналар, мүмкіндігі шектеулі сәби бағып отырған үйлер де бар.
Бизнес • 24 Наурыз, 2022
Әйелдер бизнесінің әлеуеті жоғары
Қостанай облыстық кәсіпкерлер палатасының жанынан бұрыннан бизнес саласында жүрген, сондай-ақ кәсібін жаңа бастап жатқан әйелдерге қаржылық емес қолдау көрсететін орталық ашылды.
Аймақтар • 23 Наурыз, 2022
Тоңы жіби қоймаған Тобыл өңірінің тұрғындары да күннің суықтығына қарамастан нақышы өзгеше Наурызды ерекше қуанышпен қарсы алды. Ұлыстың ұлы күніне орай, Қостанайдың орталық алаңында ақ шаңқан үйлер тігіліп, мерекелік концерт, спорт сайыстары, қолөнер туындыларының көрмелері ұйымдастырылды.
