2016 жылы Кәсіпкерлерге қызмет көрсету орталығы (КҚКО) кеңесшілері Қызылорда облысындағы кәсіпкерлерге 8183 қызмет көрсетті, деп хабарлады қордың баспасөз қызметі.
Бизнес өкілдері кәсіпкерлікті мемлекеттік қолдау бағдарламалары мен маркетинг және заң сұрақтары, бухгалтерлік және салық есебі бойынша білікті көмекке «бір терезе» режімінде қол жеткізуде. Гранттық қаржыландырудың мемлекеттік бағдарламаларына қатысуға, екінші деңгейлі банктерден және БҰҰ Даму бағдарламасы аясында несие алу үшін, сондай-ақ «Жұмыспен қамту-2020» бағдарламасымен жеңілдетілген несие қаржатын тартуға кәсіпкерлерге тегін түрде 83 бизнес-жоспар жасалып, қаржыландыруға дейін сүйемелденді. Кәсіпкерлерге қызмет көрсету орталығында кеңестік-ақпараттық қолдаумен қатар, тұрақты түрде тегін оқыту семинарларын ұйымдастыру жолға қойылған.
Өткен жылы КҚКО базасында түрлі тақырыптар бойынша 100-ге тарта тегін семинарлар өтті.