Сәуірдің 3-іне қараған түні футболдан Чемпиондар лигасы 1/4 финалының екі бірінші ойындары ойналды. Оларда испанның «Реалы» мен француздың «Пари Сен-Жермен» командалары жеңіске жетті. Бұл туралы ИТАР-ТАСС хабарлады.
Мадридтің «Реалы» өз алаңында Дортмундтың «Боруссиясын» (Германия) қабылдап, 3:0 есебімен басым түсті. Жеңімпаздардан голдарды Гарет Бейл (3-минут), Иско (27) және Криштиану Роналду (56) салды.
Парижде ПСЖ Лондонның «Челсиін» қабылдады. Кездесу 3:1 есебімен аяқталып, алаң иелерінің пайдасына шешілді. Голдарды алаң иелерінен Эсекьель Лавесси (4-минут) пен Хавьер Пасторе (90) түсірді. Бір голды қонақтардан Давид Луис (61) өз қақпасына соғып алды. Ал жауап допты ағылшындар 27-минутта пенальтиден салды (Эден Азар).
Екі ойынның да қарымта матчтары 8 сәуір күні ойналады.
Дамир Қожамқұл.
Дереккөз: ИТАР-ТАСС.
Фото: ИТАР-ТАСС.