«ҚТЖ» ҰК» АҚ Ақмола, Алматы, Ақтөбе, Шығыс Қазақстан, Жамбыл, Қостанай, Қарағанды, Павлодар, Солтүстік Қазақстан облыстарының әкімдіктерімен жалпы құны 68,4 миллиард теңгенің серіктестік туралы меморандумына қол қойды.
Аталмыш мәселе Үкіметтің қаңтарда бекітілген «Өнеркәсіп кәсіпорындарын қолдаудың 2015 жылға арналған жоспарлы шаралары» туралы маңызды құжатты жүзеге асырудан туындады.
Серіктестік туралы меморандум еліміздің экономикасын одан әрі дамытудың ауқымды мемлекеттік шараларына арналған. Оның ішінде өндірістегі қазақстандық үлесті көбейту мен жергілікті тұрғындарды жұмыспен қамтудың маңызы зор. Таяу арада «ҚТЖ» ҰК» АҚ Астана қаласының бірқатар өндірістік кәсіпорындарымен өзара серіктестік туралы уағдаластыққа қол қоюды жоспарлап отыр, деп хабарлады «ҚТЖ» ҰК» АҚ баспасөз қызметі.