Құдалық

Былтыр ма, әлде жылдың басында ма еді, Шымкентке құ­далыққа барғам ғой. Құданың үйі­нен кейін ағайындары жиналып, кафеде күтті. Қаланың қақ ор­тасындағы кафеге түс қайта кел­дік. Келген жеріміз үлкен той­хана екен. Бір бұрышынан осын­дай құдалық сияқты кіші­гірім той істейтіндерге арнайы зал ашып қойыпты. Төрге жай­ғасып, «алың-келің» бас­тала бер­генде даяшы жігітті ша­қы­рып: «Жақын жерде мешіт бар ма?» деп сұрадым. Ол ой­ла­нып қалды. Есіне түсіре ал­ма­ды-ау деймін: «Намаз оқиын деп пе едіңіз?» деп өзіме сұрақ қойды.

Егемен Қазақстан
16.01.2017 3148

– Иә..

– Қазір осы залдан шық­саңыз, сол жаққа қарай дәліз бар. Соның төріндегі есікке кірсеңіз, той залына кіресіз. Едені кілем. Бүгін той жоқ. Сол залда оқып алсаңыз болады…

Кешке қарай құдалық қызды. Сөз сөйлеушілер де, билеушілер де көбейді. Екі жақ бір-бірін қимағандай қайта-қайта музыка қойғызып, ортаға секіріп шығады. Қайта-қайта тост көтеру. Стаканын ұстап, стол аралау… Бидің арасында қаншама арақ ішілді. Әйтеуір, бәрі көңілді, бәрі қызу…

Бір үлкен ағамыз шақырып алып: «Құдаларға ескертші, біз жақ енді қайта берсе… Әлі арамызда сонау ауылға қайтатын адамдар бар. Жол ұзақ, күн суық дегендей… Бә­ріне ризамыз. Енді бата берсін бізге…» деп, жұмсап жіберді. Өзім де шам намазын оқуға асығып, сыртқа шыға алмай отырғанмын. Лып етіп, сыртқа шықтым.

Басқа-басқа шам намазын дәл уақытында оқу керек. Сондықтан алдымен намаз оқып алмаққа әлгі залға бет алдым. Кірсем, далада қас қа­ра­йып қалғандықтан бөлме іші ептеп қараңғылау екен. Бірақ, үлкен-үлкен терезелер­ден көмескі жарық түсіп тұр. Жан-жақтан қоршаған орындықтардың арасына тұра қалдым.

Екі ракатты оқып, енді сәж­деге бас қоймаққа еденге ең­кейе бергенімде үлкен зал­дың есігі сарт етіп ашылып, ішке біреулер апыл-ғұпыл кіріп келді. Ар жақта музыка ұрып тұр. Кірген бойда біреуі ай­қайға басты. Алла өзі кешір­сін, намаз оқып жатқанда құла­ғыңды жауып отырмайсың ғой. Оның үстіне тура жанымда тұр. Айқайлап жатқан әйел адам. Және даусын танитын да сияқтымын.

– Ей, сен тамада балаға айтсаңшы… Болды, құдалықты аяқтасын… «Тағы бір, бір би…» деп, адамның әбден зықы­сын шығардыңдар ғой… Мұн­дай да құдалар болады екен-ау… Өзіміз құдалыққа барсақ қай­туға асығып отырамыз. Бұлар болса былқ етпей әлі отыр. Еш асығар емес қой тегі…

Сәждеден басымды көтеріп, тізерлеп отырып, қайтадан сәж­деге бас қойдым. Бірақ дау­сым әлсіз шықты ма, әлде ар жақ­тағы музыканың дау­сы басып кетті ме, есіктен кір­ген­дер мені естімеді де, бұрылып та қарамады. Еркек байғұс ақ­та­лып жатыр. Әйел тыңдар емес.

– Білмеймін. Қазір кір де, тамада балаға бірден ескерт. Музыканы өшірсін… Енді қайтып қоймасын. Құдаларды қайтармай, сендер ұстап отыр­сыңдар… Арақ құйсаң, ләкілдетіп іше береді… Болды, аяқтаңдар құдалықты… Арақ та қалмай барады. Білесің бе, екі-ақ бөтелке арақ қалды складта… Неменеңе жетісіп ләкілдеп жүрсің?.. Мен мына жақта жаным шығып, өліп барамын… Сен жүрсің ана жақта «Құдаша, бір би, бір би…» деп, адамның жынын келтіріп…

Мұндай қысылмаспын. Сәждеден тұрайын ба, жоқ па деген ой келді. Әлде өстіп жата берейін бе? Тұрсам, бүлдіремін-ау. Бірақ амал жоқ қой. Мен Аллаға құлшылық жасап жатыр емеспін бе?

«Аллаһу Акбар» деп, бұл жолы даусымды қаттырақ шығарып, тура құдағидың құлағының түбінен орнымнан тұра бердім. Айқайлап жатқан апайдың «Астапыралла» деген даусы естілді де артынша есік сарт етіп ашылып, екеуі ұмар-жұмар далаға атып шық­ты. Көзім көрген жоқ, бірақ есі шыққан әйел еркекті баса-көк­теп, үстінен аттап өтіп кетті-ау деймін. Еркектің де «Ойбай» деген даусы естіліп қал­ды. Ар­тынша есік сарт етіп жабылды.

Намазымды оқып болып, ішке кірсем, ел жаппай батаға қол жайып жатыр екен…

Оралхан ДӘУІТ,

«Егемен Қазақстан»

Жамбыл облысы

СОҢҒЫ ЖАҢАЛЫҚТАР

20.05.2018

Солтүстік Қазақстан облысы мен «CLAAS» компаниясы меморандумға қол қойды

20.05.2018

Торғайдағы Ахмет Байтұрсынов туған үй жөнделетін болды

20.05.2018

Қостанай облысында 18-ші өрт сөндіру бекеті ашылды

20.05.2018

Қостанай қаласы «мерейлі отбасын» таңдады

20.05.2018

Батыс Қазақстан мен Астана әріптестік туралы меморандумға қол қойды

20.05.2018

Каспий жағалауында суға шомылу маусымына байланысты үгіт-насихат жұмыстары жүргізілді

20.05.2018

Ақтөбе және Орынбор облыстары ресми делегацияларының кездесуі өтті

20.05.2018

Павлодарда партиялық жоба аясында IT-орталық ашылады

20.05.2018

Екібастұздағы «Шығыс» кенішіне «Liebherr R-976 Litronic» экскаваторы әкелінді

20.05.2018

Павлодарда Медиаторлардың республикалық форумы өтті

20.05.2018

Павлодарда ауыл шаруашылық жерлері электронды картаға түсіріледі

20.05.2018

Павлодарда жүргізушілердің төленбеген көлік салығы 670 миллион теңгеге жеткен

20.05.2018

Хорватия Астанада дипломатиялық өкілдік ашпақ

20.05.2018

Самал Еслямова Канн кинофестивалінде үздік актриса атанды

20.05.2018

20 мамырға арналған ауа райы

20.05.2018

ҚарМУ-да «Рухани жаңғыру» бағдарламасын жүзеге асыру барысын талқылады

19.05.2018

АЭФ-2018 аясында жаһандық трансформация жағдайындағы азаматтық қоғам институттарының рөлі талқыланды

19.05.2018

Қазақстандық сарапшылар ғаламдық дамудың басты бес мегатренді туралы пікір білдірді

19.05.2018

Н. Назарбаев атап өткен бес мегатренд АЭФ-2018 алаңдарында кеңінен талқылануда

19.05.2018

QazaqGeography «Қазақстандық ұлттық географиялық қоғамының» кезектен тыс съезі өз жұмысын бастады

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Серік НЕГИМОВ, Қазақстанның еңбек сіңірген қайраткері

Қазақ қызы осындай

Ұлттық дүниетаным ілімінде халық­тың гүлі қазақ қызының болмысына, әдеп-ілтипатына, сұлулық, ізеттілік қасиеттеріне қатысты «Қызда оттай ыстық мейір бар», «Қызда 40 періште бар», «Қызда 40 көліктік бақыт бар», «Қыздың қабағында құт бар», «Қыз назы 40 кісіні мас қылады», «Қыз 40 істің қисынын біледі», «Бұрынғының қыздары бармағының шұңқырындағы асқа тояды» дейтін сұлулықтың тұңғиық сырларын мәлімдейтін інжу-маржан ойлар, толғамдар, лала лебіздер бар.

Тағы да оқу

Пікірлер(2)

(30.05.2017 20:20:37)

Асылбек Түсіпекұлы (30.05.2017 20:20:16)

Құдалықты, құда түсуді тамада сайлап кафеде өткізу қалай болр екен деп ойлану керек сияқты. Осы істермен құда түсудің негізгі мән-мағанасын жоя бастаған сияқтымыз Бұрын қалай еді. Болашақ қалыңдықтың әке-шешесінің босағасын аттап, төрінде отырып, болашақ құда-құдағиларымен олардың туыстарымен танысып, жөн сұрасып, әңгіме-дүкен құрып отырмаушы ма еді. Құдалыққа тамада сайлау маған мүлдем түсініксіз. Тамада жүрген жерде оның айтқаны болу керек. Ол отыр десе отыру екрек тұр десе тұру керек, Жетпістен асқан шал кемпірлерге биге ұқсайтын түрі де жоқ бірдемені би деп биле десе тырбыңдап билеген болу керек. Біздің ұлттық санамызға үйлеспейтін, әдет ғүрпымызға жат анайы қалжыңдарды көкіп, лепіріп айтқанында, жынды судан ішіп алған халықтың барлығы деп айтпай- ақ қояйық бір бөлігі естері ауысқан адамдар сияқты, неге күліп жатқандарына да аса мән бере қомай, біраз уақытқа дейін тоқтай алмай қақалып- шашалып күлу керек. бұл халыққа ақыл айту емес, біз халықтан жоғары емеспіз, ойтолғау деп қабылдаңыздар. Жөн көрсеттім қазақ деген намысқа Жөн сілтедім жақынға емес алысқа Өзге халық өрге қадам басқанда Дедім сенде қатарыңнан қалыспа Ахмет Байтұрсынов Жүз жылға толайын деп тұрған Алаш қозғалысының жетекшілерінің бірі Ахаң айтқан осы сөздер әлі де өз құндылығын жоғалта қойған жоқ.Біз жаңа отау көтерейін деп жатқан жастарды мән-мағанасы жоқ отырыстардан (не айтып не айтқандарын білмейтін анайы қалжыңдар мен жетпістен асқан шал кемпірлерді тырбыңдатып билететін) аулақтау ұстауымыз керек сияқты.Өйткені алға басамыз десек ой санамызға жоғарыда айтылған Ахаңның сөзін сіңіру керек.

Пікір қосу