​Азия чемпионаты: қазақ-өзбек «айқасы»

Өзбекстан астанасы Ташкентте бокстан ересектер арасындағы Азия чемпионаты тартысты кезеңіне де келіп жетті.
Егемен Қазақстан
04.05.2017 8379
2

Ертең жартылай финалдық кездесулер басталады. Қазақстан Ұлттық құрамасы құрлықтық додаға толық құрамда барып, жартылай финалдық бәсекеге тек сегіз боксшымен өтті. 49 килодағы Жомарт Ержан мен 60 кило салмақтағы Әділет Құрметов ширек финалдық бәсекеде қарсыластарына жол берді. Енді екі боксшымыз Германияда өтетін әлем чемпионатына жолдама алу үшін 7 мамыр күні қосымша кездесу өткізеді. Әділет Құрметов тайпейлік Чу-Ен Лаймен жұдырықтасса, Жомарт Ержан Индонезия боксшысы Корнелиус Квангу Лангумен кездеседі.

Сонымен, Азия чемпионатының жартылай финалына шыққан Қазақ боксшыларының осы біріншіліктегі әлеуетін, жарыс жеңімпазы атануға қаншалықты мүмкіндіктері барын саралап, сараптап шығуды жөн көрдік. 

52 кило – Азамат Исақұлов

52 кило салмақта маңғыстаулық боксшы Азамат Исақұлов былтыр ел чемпионы атанып, ұлттық құрама сапына алынды. Ол командадағы алғашқы ресми кездесуін Германияның Галле қаласында өткен «Кіші әлем чемпионатында» өткізіп, топ жарды.

Ал, Азия біріншілігіндегі алғашқы кездесуінде Исақұлов тай боксшысы Танес Онгжунтті жеңсе, ширек финалда малайзиялық Абдула Салам Касимнан айласын асырды.  Жартылай финалда Азаматты өзбек боксшысы Жасурбек Латипов күтіп тұр. Латипов та Азияның үздік боксшыларының бірі. Қай жеңгені Азия чемпионы атануы мүмкін. 

56 кило – Қайрат Ерәлиев

Ұлттық құрамадағы ең тәжірибелі боксшылардың бірі Қайрат Ерәлиев Азия чемпионатына биыл қатарынан үшінші рет қатысуда. Қайрат Сары құрлық чемпионатындағы алғашқы кездесуінде филиппиндік боксшы Марио Баутистаны жеңсе, ширек финалда жапон боксшысы Риомея Танакуды ұпай санымен ұтты. Енді ол жартылай финалда Қытайлық Жиа Вей Чжан мен жұдырықтасады. Егер Ерәлиев финалға шығар болса, онда Муроджон Ахмадалиев (Өзбекстан) - Ен Хун Хан (Оңт. Корея) жұбының жеңімпазымен кездеседі. 

64 кило – Бекдәулет Ибрагимов

Былтыр Рио-2016 олимпиадасында бұл салмақта Абылайхан Жүсіпов ел намысын қорғаса, биылғы таңдау ел чемпионы Бекдәулет Ибрагимовке түсіп отыр. Әзірше жас боксшының нәтижесі жаман емес. Жартылай финалға дейін үш қарсыласын айқын басымдықпен ұтқан ол енді жергілікті боксшы Икболжон Холдаровпен жекпе-жекке түсіп, кім мықтыны анықтайды. Екеуі де жас боксшы. Икболжон былтыр өз елінің чемпионатында екінші орын алған.  

69 кило - Абылайхан Жүсіпов

Әлем бойынша қазақтың салмағы саналатын 69 кило салмақ дәрежесінде биылдан бастап ел намысын талантты боксшымыз Абылайхан Жүсіпов қорғап жүр. Наурыз айында Германиядағы «Кіші әлем чемпионатына» қатысып, күміс медальға қол қеткізді. Абылайхан Азия чемпионатының жартылай финалында моңғол боксшысы Бямба Тувшинбатпен кездеседі. Егер қарсыласын жеңетін болса, финалда өзбек боксшысы Шахрам Гиясовпен жұдырықтасуы мүмкін. Ал Гиясовтың Рио-2016 олимпиадасының финалында Данияр Елеусіновтен ұтылғаны естеріңізде болар. Финалдық кездесуде Абылайханға Данияр ағасының жолын берсін дейміз. Жүсіповтен біз ғана емес, бүкіл қазақ жанкүйері алтын күтетіні анық. 

75 кило – Әбілхан Аманқұл

Еліміздегі 75 кило салмақтың жаңа көшбасшысы атанған Әбілхан Аманқұл Олимпиада чемпионы Бақтияр Артаевтың бапкері Нұрлан Ақүрпековтің төл шәкірті. Бұл боксшыдан да күтеріміз мол. Талантты боксшы жартылай финалдағы үшінші қазақ-өзбек тартысында ринг иесі Исраил Мадримовпен жұдырықтасады. Бұл кездесуде жеңіске жетсе, Аманқұлдың Азия чемпионы атануына толық мүмкіндігі бар.

81 кило – Ерік Әлжанов

Бұл салмақтың үздіктері Әділбек Ниязымбетов пен Жәнібек Әлімханұлы жарақаттарына байланысты Азия чемпионатына қатыса алмады. Ұлттық құрама бапкерлеріне «бас ауру» болған бұл салмақта 75 килода ел чемпионатының күміс жүлдегері атанған Ерік Әлжановты апарғанды жөн деп санапты. Ерік жартылай финалда Түркімен боксшысы Нурягды Нурядиевпен ринг төрінде кездеседі. Финалға шығып жатса, қазақ боксшылары жеңе алмай келе жатқан өзбек Бектемір Меликузиевпен жолығуы мүмкін.

91 кило – Василий Левит

Азия чемпионаты 91 кило салмақтың үздігі Василий Левиттің Олимпиададан кейінгі бірінші ірі жарысы. Ол бұған дейін Германияда өткен халықаралық турнирге қатысып, алтын медаль иеленген болатын. Жалпы айтқанда, Левитке әлемде болмаса, Азиядан қарсылас табу қиын. Сондықтан, Василий Левиттен тек Азия чемпионатының алтынын күтеміз. Жарысты ширек финалдан бастаған Левит ринг иесі Санжар Турсыновты өзбек жанкүйерлерінің алдында еш қиындықсыз жеңді. Жартылай финалдық кездесуде Василий Сирия елінің боксшысы Алаа Елдин Госсунмен жұдырықтасады. 

+91 кило – Қамшыбек Қоңқабев

Соңғы екі Олимпиаданың қола жүлдегері Иван Дычко кәсіпқой боксқа ауысқан соң, аса ауыр салмақта ел намысын кім қорғайды деген сұрақ бокс мамандарын біраз ойландырғаны анық. Әркім әртүрлі нұсқаларын ұсынып жатқанда, бапкерлердің таңдауы былтыр ел чемпионатында күміс медаль иеленген Қамшыбек Қоңқабаевқа түсті. Биыл өзі қатысқан барлық жарыстарда қарсыластарын жеңіп, Ұлттық құрамада бірінші нөмірлі боксшы болуға лайық екенін дәлелдеді. Тіпті, «Астана арландары» мен «Өзбек жолбарыстары» арасында өткен кездесуде Азия чемпионатындағы негізгі қарсыласы өзбек боксшысы Баходир Джалоловты еш қиындықсыз жеңгені жанкүйерлердің есінде шығар. 

Қоңқабаев чемпионаттың 1/2 финалында Иордания боксшысы Хуссейн Яшайшмен жұдырықтасады. Финалға шығып жатса ежелгі қарсыласы өзбек Баходир Джалоловпен кездесіп қалуы мүмкін. Жасыратыны жоқ, биылғы Азия чемпионаты Қазақ елі мен Өзбекстан боксшыларының арасындағы тартыспен тартымды болғалы тұр. Өз жерінде Өз-ағаның балалары жеңісті оңай бере салмайды. Сондықтан, біздің сайыпқырандар үшін нағыз сын сағаты туғандай. 

Бүгін боксшылар бір күн демалып, ертең жартылай финалдық кездесулерін өткізеді. Ал, 6-7 мамыр күндері финал мен әлем чемпионатына жолдама беруші қосымша іріктеу кездесулері өтеді. 


Әли Битөре,

«Егемен Қазақстан»

СОҢҒЫ ЖАҢАЛЫҚТАР

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

16.02.2019

Батыс Қазақстан облысында өңір басшысының есебі басталды

16.02.2019

Павлодар облысының әкімі жаңа орынбасарларын таныстырды

16.02.2019

Бүгін Болгариядағы турнирде Қазақстан боксшылары алғашқы жекпе-жектерін өткізеді

16.02.2019

СІМ және «Атамекен» ҰКП инвестициялық және экспорттық бағыттағы жұмысты үйлестіруді күшейтуде

16.02.2019

WGS төрағасы: Үкіметтер өздерінің бизнес-модельдерін қайта ойлап табуы керек

16.02.2019

Ресей сауда алаңдарында қазақстандық компаниялардың белсенділігі артты

16.02.2019

Алматыда «Қазақстан университеттері халықаралық аренада» тақырыбында семинар өтті

16.02.2019

Майдангер-жазушы Леонид Гирш 95 жасқа толды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу