Келер жылы қазақ халқын әлемге танытатын фильм жарыққа шығады

Келер жылы қазақ халқын күллі әлемге танытатын фильм жарыққа шығады. «EQUUS» («Жылқы») атты деректі трилогиясының түсірілім жұмысы екі аптадан кейін, яғни 28 тамыз күні басталмақ. Бүгін Ақпарат және коммуникациялар министрі Дәурен Абаев, «Қазақстан» РТРК АҚ басқарма төрағасы Ерлан Қарин, сондай-ақ БАҚ өкілдері түсірілім алаңында болып қайтты.
Егемен Қазақстан
12.08.2017 448
Фото: Орынбай БАЛМҰРАТ, «Егемен Қазақстан»

Кеше Ақпарат және коммуникациялар министрі Дәурен Абаев, «Қазақстан» РТРК АҚ басқарма төрағасы Ерлан Қарин, сондай-ақ бірқатар БАҚ өкілдері Ақмола облысының Ақкөл ауданында орналасқан түсірілім алаңында болып қайтты.

«EQUUS» трилогиясында жылқының адамзат тарихындағы орны, Орта Азия жеріндегі оның алғаш рет қолға үйретілуі жайы толығымен экранизацияланбақ. Фильмге канадалық режиссер Найоби Томпсон жетекшілік етеді. Сонымен қатар, шетелдік кәсіби кинематографтар, арт-дизайнерлер мен дыбыс режиссерлері жұмылдырылады. Бұдан бөлек Қазақстанның кәсіби реквизиторлары, суретшілері, каскадерлері мен киногерлері де қатысады деп жоспарланып отыр.

Ал жылқының образын толығымен ашып көрсету үшін түсірілім алаңында шамамен төрт аяқты жануардың бір мыңнан астам түрі болады деп жоспарланып отыр. Жобаның негізгі мақсаты – көшпелі халықтың байырғы тұрмыс-салтын айна-қатесіз көрсету.

– Мемлекет басшысының «Болашаққа бағдар: рухани жаңғыру» атты мақаласы жарияланғаннан кейін біз осындай ауқымды жобаны қолға алып отырмыз. Оған тек еліміздің ғана емес, сондай-ақ, АҚШ, Канада, Франция және Германияның телеарналарымен, білікті мамандарымен бірлесе отырып, жобаны бастап отырған жайымыз бар. Ғалымдар еліміздің осы аумағында жылқы алғаш қолға үйретілгені туралы түрлі деректерді келтіріп өтті. Қазіргі уақытта 50 мемлекет осы үлкен жобаны сатып алуға дайын отыр. Қазір Алматыда осы фильмге арнайы 6000 жыл бұрынғы адамдардың киген киімдері жасалып жатыр. Ал қаржы жағына тоқталар болсақ, үлкен сома бөлген жоқпыз, қайта бізге қарағанда шетелдік серіктестеріміз екі-үш есе көп қаржыландырды, – деді Ақпарат және коммуникациялар министрі.

Түсірілім алаңында үлкен жұмыстар атқарылғаны көрініп-ақ тұр. Бұл жерден сол кезеңдегі адамдардың тұрған үйлері дайындалған. Ішіне кірген адам бейне бір сол кезеңге тап болғандай күйде қалады. Оның ішінде тұрмыстық қажеттілікке пайдаланған түрлі заттары орналасқан. Ал сыртқы көрінісі қазақ үйге қатты ұқсас болып келеді.

Жобаның продюсері Нұрбол Баймұханов фильм туралы қысқаша түсіндіріп өтті.

– Тарихи жаңғырту жұмыстары Қазақ жерінде атқарылып жатқандығы біз үшін үлкен мәртебе деп білемін. Біз төрт кезеңді, атап айтар болсақ, аңшылар-терімшілер, ботайлықтар, Андронов мәдениеті және түркілер кезеңдерін қамтымақпыз. Сонымен қатар, екі маңызды эпизодты, яғни сақтар мен Қазақ хандығын қосуды жоспарлап отырмыз, – деді жобаның продюсері.

Белгілі археолог Виктор Зайберт те бұл жобаға үлкен үлесін қосып отыр. Ол фильмге қажетті материалдардың ғылыми зерттеулерге сүйеніп әзірленгенін мәлімдеді. Сонымен қатар, ол Ботай мәдениеті арқылы дүние жүзінде ең бірінші болып жылқы қазақ даласында қолға үйретілгенін еске салып өтті. Айта кетер болсақ, ол Ботай ескерткішіне 1981-1983 жылдар аралығында қазба жұмыстарын жүргізген болатын.

– Ботай мәдениеті бойынша ұзақ жылдар зерттеу жұмыстарын жүргіздік. Ал бірер жыл бұрын Нұрбол Баймұханов оны барша әлемге көрсетуді жөн деп санады. Себебі, біз 15 жылдай Ұлыбритания, АҚШ, Германия, Ресей елдерінің архелогтарымен біріге отырып жұмыс істеп келдік. Зерттеулердің арқасында ұлы инновациялардың бастауы Қазақстаннан шыққанын дәлелдей алдық, – дейді Виктор Зайберт.

Сонымен қатар, ол Қазақстанның тарихи құндылықтарға бай ел екенін атап өтті.

– 1969 жылғы зерттеу жұмыстары кезінде көмекшілерімді сол уақыттағы Никольский ауылына жіберіп, археологиялық қазба жұмыстарын жүргізуді тапсырдым. Осы шағын ғана орыннан әріптестерім бірнеше ұсақ заттар тауып алыпты. Уақыт созбай барғанымызда бір күннің ішінде 60 мыңнан астам жәдігер тауып үлгердік, – деді Виктор Зайберт.

Айта кетейік, осы жылдың 7 наурызында Дәурен Абаев «Қазақстан» РТРК» АҚ мен «Clearwater Documentary Inc.» компаниясының «EQUUS» деректі триологиясын түсіретінін жариялаған болатын. Бұл жоба 2018 жылдың қазан-қараша айларында көрермен назарына ұсынылады деп жоспарланып отыр. Туынды әлемнің 50-ден астам елінде миллиондаған аудитория жинайды деп күтілуде.

Аян ӘБДУӘЛИ,
«Егемен Қазақстан»

СОҢҒЫ ЖАҢАЛЫҚТАР

24.10.2017

Тағылымды шара

24.10.2017

Ж.Түймебаев: Бюджетті дұрыс игермеген басшылар жазаланады

24.10.2017

«Рухсыз адамнан мықты спортшы шықпайды»

24.10.2017

Ірі кісі

24.10.2017

Шежіре сыр шертеді

24.10.2017

СҚО әкімінің орынбасары тағайындалды

24.10.2017

Алаш тарихы халықаралық деңгейде талқыланды

24.10.2017

Солтүстік Қазақстан әкімі аппаратының басшысы тағайындалды

24.10.2017

Атырауда құқық қорғау орталығы ашылды

24.10.2017

ОҚО әкімі: Аудан-қала әкімдері тиісті индикаторларды толық орындауы қажет

24.10.2017

ШҚО прокуроры: Қылмыстық істі қарауда озық елдер тәжірибесі қолданылады

24.10.2017

Ақтөбе облысында үш ауысымдағы мектеп жаңа ғимаратқа көшті

24.10.2017

Отандық роботты техниканың қарымы

24.10.2017

Маңғыстаудағы №11 мектеп үздік тәжірибесімен үлгілі

24.10.2017

Астанада жаңбыр аралас қар жауады

24.10.2017

Жапонияда кезектен тыс парламент сайлауы өтті

24.10.2017

Өз бақытын қазақ жерінен тапты

24.10.2017

Мерейтойлардан мезі болған жоқпыз ба?

24.10.2017

Жыл өткен сайын астық сапасы артып келеді

24.10.2017

«Егемен» өкілдері мектеп мұғалімдерімен кездесті

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Рухани келісім – орнықты дамудың негізі

Тәуелсіздігіміздің елең-алаңында, яғни осыдан ширек ғасырдан астам уақыт бұрын мемлекеттік дең­гей­де қабылданған шешімдер мен қол­ға алынған бастамалар өзі­нің өмір­шеңдігін көрсете отырып, қо­ға­мы­мыздың игілігіне айнала білді. Әсіресе қоғамды рухани келісімге үнде­ген, татулық пен береке-бірлігі­мізді арт­тыруға бағытталған сауатты да сали­қалы бастамалардың жөні бөлек.

Әйіп ЫСҚАҚ, биология ғылымдарының докторы, профессор

Нәсіптің көзі атакәсіпте

Халқымыз төрт түлік өсіруді атакәсіптің біріне, тіпті бірегейіне балаған. Тіршіліктің нәрі, көзі деп ұққан. Содан болар, ауыл адамдары амандасқанда «мал-жан аман ба?» деп хал-жағдай сұрасып жатады. 

Сұңғат ӘЛІПБАЙ, «Егемен Қазақстан»

Қаржы жүйесіндегі тарихи шешім

Алпауыт ел Америка Құрама Штат­тары­ның экономикасы қазіргі кезде өз жарасын өзі жалап жазатын көк­жал қасқырға ұқсайды. Ол өзінің осы қасиетінің арқасында жазылмастай сыр­қатқа шалдыққан қазіргі қаржы ка­питализмнің ғұмырын барынша ұзартып келеді. Бүгінгі күні бүкіл әлемге билігін жүргізіп отырған ка­пи­тализмнің басты тірегі бастапқы кезде осы формациялық құрылыс­тың отаны әрі таратушысы болға­нымен соңғы жылдары барынша әлеу­меттене бастаған Еуропа емес, нарық­тық жолға түсіп, жедел байып келе жатқанымен Конфуций қағидасы бойынша мемлекетті әке деп қабыл­дап, бүкіл халық үшін одан әкелік қам­қорлық талап ететін дана Қытай емес, корпоративтік рухты ту етіп көтерген еңбекшіл Жапония мен Оңтүстік-Шығыс Азияның елдері емес, нақ осы АҚШ-тың өзі болып отырғандығын біраз жұрт жақсы біледі.

Анар ТӨЛЕУХАНҚЫЗЫ, «Егемен Қазақстан»

Онлайндағы жұңғо жұрты

Қытай. Жан-жақтан ағылған адамдар мен көлік ағысы толас­тар емес. Бағдаршамның қызыл шамына тоқтаған көлікте отырып, жан-жағыңды бағдарлайсың. Сіз отырған көлікке жапсарласа, бірінен соң бірі жапырлап велосипед мінген жолаушылар сы­наласып тоқтап жатыр. Ал жол жүруге рұқсат берілгенде бей­не құмырс­қалар тəрізді өре жөнелген қос дөңгелекті көлік­ке отыр­ған­дардың шеруін көр­гендейсіз. 

Қарашаш ТОҚСАНБАЙ, «Егемен Қазақстан»

Кімді тұлға тұтамыз?

Баяғының жастарына «Мен өмір­ден өзімді іздеп жүрмін» деп сөйлеу тән болатын... Жақында Америкада оқып жүрген қазақ­стандық жас өреннің пікірін тыңдап көруге тура келді.

Тағы да оқу

Пікірлер(0)

Пікір қосу