Маңғыстау күндері аясында қандай шаралар өтеді?

Үш жүз алпыс әулиеге мекен болған қасиетті Маңғыстаудың Астанадағы күндері де келіп жетті. Бүгін кешке ЭКСПО халықаралық көрмесінің амфи­те­атры­нда шымылдығы түрілетін облыстық мәдениет күндерінде бар­лығы 34 шара өткізіліп, ас­та­налықтар мен қала қо­нақтары 600-ге жуық өнер­паз­дың өнерін тамашаламақ.
Егемен Қазақстан
15.08.2017 880
2

Орталық коммуникациялар қыз­меті алаңында өткен баспасөз мәс­ли­ха­тында Маңғыстау облысы әкі­мі­нің орынбасары Мақсат Сқа­қов мә­дениет күндері 15-18 тамызда  өтетінін айта келе, елорданың Сту­­денттер саябағында, «Бәйтерек» мо­нументі мен қалалық әкімдік ғи­мараты алаңында және «Жерұйық» са­я­бағында әртүрлі концерттер мен ойын-сауық бағдарламалары ұйым­дас­тырылатынын атап өтті.

15 тамызда кешкі сағат 21:00-де ЭКСПО-2017 көрмесінің амфитеатрында «Қарт Каспийден сәлем ал, Ерке Есіл!» атты концерт өтеді. Оған Тамара Асар, Айгүл Қосанова, Кәмшат Жолдыбаева, Ұлықпан Жолдасов сынды Маңғыстаудан шыққан белгілі өнерпаздар қатысып, өнерімен шашу шашады. 

Одан кейін 16 тамыз күні «Шабыт» ғи­маратында маңғыстаулық ақын Есен­ғали Раушановтың «Біздің ел­дің жылқысы кіл көкмойнақ» атты  шығармашылық кеші өтеді. Кеште елі­міздің белгілі ақындары өлең оқып, көп­шілікті жыр әлеміне жетелемек. 

Маңғыстау өңірін заңғар жазушы Әбіш Кекілбаев «ашықаспан астындағы музей» деп тегін атамаған. Сондай-ақ, бұл киелі мекен туралы Президент Нұрсұлтан Назарбаев «Маңғыстау тұрғындарына көп адамдар өмірінде тым құрығында бір рет болып, көруді армандайтындай жерде тұру бақыты бұйырған», дегені бар. Ендеше, небір тарихи-мәдени ескерткіштерімен талайларды тамсандырған өркенді өңірдің тастан қашалып, ағаштан ойып жасаған бұйымдарын астаналықтар «Этноауыл» ұлттық-мәдени кешенінде 17 тамыз күні өтетін этнографиялық театрландырылған шаралар кезінде тамашалай алады. Онда маңғыстаулық жыр мен күй мақамы әуелеп, қазақ­тың ұлттық салт-дәстүрі мен әдет-ғұр­­пынан театрландырылған қой­ы­лым көрсетіледі. Ақсақалдар мен ақжаулықты әжелер бата берсе, ізетті келіндер мен ибалы қыздар ұлттық тағамдар әзірлейді. Маңғыстау облыстық мәдениет басқармасы бас­шысының міндетін атқарушы Пәния  Сармурзинаның айтуынша, «этно­ауылда» төрт қазан палау пісіріліп, жұрт­шылыққа үлестірілмек. 

Жалпы, Маңғыстау өңірі шұбаты­мен, балқаймағымен әйгілі екені бел­гі­лі. Осы ұлттық тағамды дәріптеуге үлкен үлес қосып жүрген облыстық мәслихаттың депутаты Сәуле Жақаева бас болып, ЭКСПО аясындағы мәде­ни­ет күндеріне бал татыған шұбат пен Жаңаөзеннің сүт өнімдері зауы­ты­ның тәтті өнімдері әкелініпті. Елорда­лық­тар бұл тағамдардан дәм татып, сатып алуға мүмкіндігі болады. 
Сондай-ақ, «этноауыл» алаңында «Өрнек» және «Тәрбие» сән үйлерінің ұлттық костюмдер көрсетілімі ұйым­дас­тырылады. Одан кейін Тамара Асар мен «Жорға» би ансамблінің концерттік бағдарламасы көпшілікке ұсынылады.

Бұған қоса, 18 тамыз күні Әбіш Кекілбаевтың «Шыңырау» спектаклі қой­ылмақ. Спектакль М.Горкий атын­да­ғы мемлекеттік академиялық орыс драма театрында сағат 16:00-де бас­талады. 
Облыстың мәдениет күндері аясын­да сонымен бірге, көкпардан, жас­өс­пірімдер арасында қазақ күресінен, тоғызқұмалақтан сайыстар өтеді. «Қазанат» ипподромында көкпардан Қазақстан ұлттық құрамасы мен «Адай» командасы сынға түседі. Қыз қуу, теңге ілу, асық атудан сайыстар ұйымдастырылады.

Ал 18 тамызда «Қазақстан» спорт кешенінде «Ұлы дала қырандары» жобасы аясында аралас жекпе-жектен (М1 және К1) жарыс­тар өтеді. Жарысқа алты мемлекет­тен, атап айт­қанда, Қазақстан, Украина, Латвия, Өзбекстан, Польша, Хор­ва­тиядан спортшылар қатысқалы отыр. Қазақстаннан жекпе-жекке Маң­ғыстау, Астана, Павлодар, Ақтөбе, Атырау қалаларының кіл мықтылары шығады», дейді Маңғыстау облы­сы­ның дене шынықтыру және спорт бас­қармасының басшысы Бекболат Байжанов.

Жалпы, Маңғыстау облысының Астанадағы мәдениет күндеріне бар­лы­ғы 600-ге жуық өнерпаз қатысса, оның 20-сы қолөнер шебері, 233-і кәсіби ұжымдар мен әртістер болса, 120-сы этномәдени бірлестіктердің өнерпаздары екен. 

Қымбат ТОҚТАМҰРАТ,
«Егемен Қазақстан»

СОҢҒЫ ЖАҢАЛЫҚТАР

18.10.2018

Астанада вирусты менингитке күдікті сегіз оқушы ауруханаға жатқызылды

18.10.2018

Еуроодақ саммиті: «Брексит» мәселесі қиындай түсті

18.10.2018

Нұрсұлтан Назарбаев Рольф Драакпен және Мехран Эфтехармен кездесті

18.10.2018

Қарағандыда әнші-композитор Қорабай Есеновтің мерейтойлық кеші өтті

18.10.2018

Мемлекет басшысы Еуропаның іскер топтар өкілдерімен кездесті

18.10.2018

Маңғыстауда алғашқы электр қуаттандыру станциясы ашылды

18.10.2018

«Ұлттық чемпиондар 2.0» бағдарламасы басталды

18.10.2018

Көлік кептелісінде көмекші - Road Zipper

18.10.2018

«Хабар 24»: «Egemen Qazaqstan»-ға шолу

18.10.2018

Венгрияға баратын балуандар белгілі

18.10.2018

Қыздар университеті туған жерге тағзым етіп қайтты

18.10.2018

Керчьтегі оқиғада қаза тапқандардың ішінде қазақстандықтар жоқ

18.10.2018

Илья Теренченко «Нұр Отан» партиясының хатшысы болып тағайындалды

18.10.2018

Д. Кәлетаев Қостанайдағы үкіметтік емес ұйымдар республикаға үлгі екенін айтты

18.10.2018

Таиланд қазақстандықтарға визаны тегін бермек

18.10.2018

Қызылордада Жолдаудағы тапсырмалардың мәні түсіндірілді

18.10.2018

79 жасында алғаш рет подиумға шыққан Ван Дешунь

18.10.2018

Жалпы азаматтық құқықтар ар-ұждан бостандығымен шиеленіспейді

18.10.2018

Қызылордада апатты үйлер мәселесі шешілді

18.10.2018

Марат Сұлтанғазиев Мемлекеттік кірістер комитетінің төрағасы болып тағайындалды

ТАҒЫ ЖҮКТЕУ
КОЛУМНИСТЕР

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу